Pinngortitaleriffik Ilisimatuussutsikkut umiarsuartsinnut R/V Tarajoq aquttuaqqamik pissarsiorpoq
Pinngortitaleriffiup ilisimatuussutsikkut umiarsuarminut R/V TARAJOQ-mut pimoorussilluartumik akisussaassuseqarluartumillu aquttuaqqamik pissarsiorpoq piaarnerpaamik sulilersussamik
Aquttuaraq
Suleqatigiit ulapporissut sullissilluarnissaminnillu ilisimaarinnilluartut suleqatigissallugit iluarisarukku taava atuaqqiinnarit:
Aquttuaqqatut sulinermi suleqatigiit pingasut paarlakaajarlutik namminersorlutilli sulisarput, aquttuararlu unnuarsiortuusarpoq. Angalanerit ilaanni Aquttup qaamiusut sulisut hold 2-t aqutarisuussuai/aqutarissuai, trawlbassip hold-ip aappai aqutarissagai.
Suliassat assigiinngiiaartuupput, ikuallattoornermut sillimaniarnermullu atortut ajunnginnissaat ilitsersuutaasullu malillugit nutartertuarneqarnissaat akisussaaffigissavatit, atortussallu naammattut pigineqarnissaat qulakkeertassallugit. Tamakkua saniasigut sumiissusersiutit nakkutiginissaat aallartinnanilu aqqutissat piareersarsimanissaat aquttuaqqap akisussaaffigai aquttuuneq qanimut suleqatigalugu.
Inuttaasut sinnerinut ersarissumik attaveqaqateqartarsinnaasassaatit, akisussaaffinnik tunioraasinnaassallutit, suliassallu ingerlateqqitassat nangittassallugit. Namminersorsinnaassaatit inunnillu allanik suleqateqarluarsinnaassallutit, suleqatit nukittuffiinik takunnillutillu atorluaasinnaassuseqassallutit. Nutaanik ilinniarusussuseqassaatit namminerlu ineriartortissinnaasuassallutit suleqatitillu piginnaasaatigut aamma ineriartortissinnaasussaavatit.
Qaffasinnerusumik atorfeqalissagaanni, inuttut iliuutsit suliallu pitsaassusii aalajangiisuusussaagamik qaqugukkut umiarsuaatileqatigiiffimmi periarfissaalersinnaasut apeqqutaallutik qaffasinnerusumik inissittoqarsinnaassaaq. Suliffeqarfimmik inuttut suliatigullu ineriartornartumik, suleqatinillu pimoorussisunik aaqqissuussaanertigullu naligiiffiusorujussuarmik ingerlaaseqartumik neqerooruteqarsinnaavugut.
NAATSORSUUTIGAARPUT UKU ANGUSIMASSAGITIT:
- Aquttuaqqatut allagartaq (gruppe 3 umiarsuarni), aquttutut imaluunniit naalakkatut uppernarsaatitut allagartat (gruppe 2 umiarsuarni)
- Inuussutissarsiornermut uppernarsaat umiarsuarsuit assartuutit aquttarfiini aquttuusarsimanermut
- Peqqissutsimut uppernarsaat atuuttoq, pas aammalu umiartortutut allagartaq
- GMDSS (GOC) upernarsaateqarneq
- Imaani peqqinnissamut pikkorissarsimaneq – Medical A
- Ikuallattoqarnerani naalakkat qatserinissaat + Umiarsuarni qatserisarneq
- Umiarsuarnut issittumi angalasunut tunngaviusumik ilinniartitsineq
- Oqaluinnarluni allakkatigullu qallunaatut tuluttullu attaveqarsinnaaneq
- IT piginnaaneqarfiginissaa
- Pinerluuteqarsimannginnermik uppernarsaat
- Ikiaroorniutinik imigassamillu akuerinnissinnaassuseqannginnissaq
- Sapaatit akunnerini 4-6-inik sivisussuseqartumik angalasinnaanissaq (inuit marluk atorfik paarlakaajaassavaat)
- MARAD aserfallatsaaliuinissamut tunngasunik kiisalu ISM, ISPS, LMC-inik ilisimasaqarnissaq iluaqutaassaaq, piumasaqaataananili.
- Kilisaatini sulinermik misilittagaqarnissaq iluaqutaassaaq
Atorfimmut tunngatillugu inissaqartitsisoqanngilaq.
Qinnuteqaat ilinniarsimanersut uppernarsaatit, siornatigut suliarisimasaq soraarummeernermilu uppernarsaatit assigisaallu ilanngullugit uunga nassiussisoqassaaq kingusinnerpaamik ulloq 07.02. 2025: Pinngortitaleriffik, att. Allaffissornermut Pisortaq Kathrine Lund Olsen, Boks 570, DK-3900 Nuuk, oqarasuaat.: 36 1200.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job