Pilittamut assistenti Kangerluarsoruseq
KNI A/S Kangerluarsorutsimi ikummatissanik immikkoortortaqarfia pikkorissumik tamatigoortumillu Pilittamut assistentimik pissarsiorpoq, piaartumik imaluunniit isumaqatigiissuteqarnikkut sulilersussamik.
Kangerluarsoruseq Nuup kujataatungaani 34 sømil ungasitsigisumi inissisimavoq, taamaalilluni nalinginnaasumik inoqarfiit avataaniittuullini. Pineqartumut paasissutissaq uunga saaffiginninnikkut jobs@kni.gl pissarsiarineqarsinnaavoq.
Pilittamut assistenti Kangerluarsorutsimi Terminal manageri qaninnertut pisortarissavaa.
Pilittamut assistentitut pingaarnertut suliassatit makkuus-sapput:
- Igaffimmi igasuussalluni, nerisaqartitsineq pilersaarusiortassallugu aammalu nerisassanik pisiniarneq isumagissallugu
- Ikummatissaasivimmi pisortaq sinnerlugu aningaasaqarnermi akisussaaffeqarneq, ukiumut nerisaqarnermut aningaasartuutissanik eqquutsitsineq
- Kangerluarsorutsimi igaffimmi eqqiluisaarneq akisussaaffigissallugu, sulisut tikeraallu ineqarfiinik eqqiluitsitsineq torersuutitsinerlu isumagissallugit
- Saniatigut Kangerluarsorutsimi suliassat nalinginnaasut peqataaffigissallugit, umiarsuarnik pituttueqataanerit, torersuutitsineq, eqqaavilerineq, assartuineq, atortunik illuutinillu aserfallatsaaliuinerit
Pilittamut assistenti atorfik makkuninnga ilisimasalimmik inuttalerusupparput:
- Igasutut hovmesteritulluunniit ilinniarsimasuussaaq misilittagaqarlunilu
- Ammasuussasoq, sullisserusussueqassasoq eqaatsumillu suleriaaseqassasoq
- Avinngarusimasumi suleqatit pingasut-tallimat peqatigalugit inooqataanissamut suleqataanissamullu inuttut piareersimallunilu nukittussuseqassaaq
- Qarasaasiamik atuinissamut nakimaanngitsoq
- Annertuumik nammineersinnaatitsineqassaaq
Atorfinittussamut neqeroorutigaagut:
- Piginnaasat naapertorlugit isumaqatigiissuteqarnikkut akissaateqartitaaneq
- Akeqanngitsumik ineqartitaaneq nerisaqartitaanerlu
- Atorfik pissanganartoq ulluinnarnilu ulapaarfiusoq
- Piginnaanngorsaqqinnissamut periarfissat pitsaasut
Atorfinitsitaanermi sumiiffimmi sapaatip akunneri arfineq pingasut missiliorlugit nakkutilliisoqartarpoq tulleriiaarinermi paarlakaattoqartarpoq, sumiiffimmilu ukiumut ullut 210/215-it (sapaatit nalliuttullu ilanngullugit) sulisoqartarpoq. Ukiup sinneri sulinngiffeqarfiusarput freerfiusarlutillu.
Atorfik Kangerluarsoruserlu pillugit annertunerusumik paasisaqarusukkuit Terminal Manager Kim Davidsen oqarasuaat: 58 43 21 imaluunnit ingerlatsinermi pisortaq Gerth Jack Storer attavigisinnaavat oqarasuaat: 86 23 08 mobil: 48 51 77.
Qinnuteqaat
Qinnuteqaat sukumiisoq tunngavilersugaq pineqaatissiisarneq pillugu allagartaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 17.september 2024.
Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaap-poq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.
Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qa-nittumi kiisalu Kangerlussuarmut timmisartunut mittarfimmut avammut avataaniillu attaveqaatit eqiteruf-fiannut inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqar-pugut, ukiumullu 2,5 mia. kr.-it pallillugit kaaviiaartittarlutigit.
Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqati-giit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unam-milligassanillu qaangerniagassalimmut tikilluarit. KNI-p silarsuaanut tikilluarit.