Pilersitsivik Paamiut aqutsisussarsiorneqarpoq
Kommuneqarfik Sermersuup Pilersitsivik Paamiut ukiumi nutaami pilersissavaa. Inuusuttut piginnaasanik ineriartortitsinermi suliniut nutaaq pissanganartorlu naqqaniit inerisarneqartussaq illit suleqataaffigerusukkukku neriuppugut qinnuteqaateqassasutit, taamaattumik kajumissuseqarlutit qinnuteqaatissavit tigunissaa qilanaaraarput.
Pilersitsivik Paamiuni Imarsiornermik Ilinniarfik suleqatigineqassaaq, taamaalilluni Pilersitsivik imarsiornermut tunnganerusunik siunertaqarluni ingerlanneqassaaq, taamaattumillu aamma aqutsisunngortussaq pikkorissuussaaq tunniusimasoq inerisaanissamillu soqutigisalik, taamaalilluni Pilersitsivik Paamiuni 15. november 2024 isumaqatigiissuteqarnikkulluunniit sulileriarluni suleqatigiilertussanut aqutsisunngussalluni, taamaalilluni aqutsisunngortussaq maanna pilersitsiniarnermi ineriartortitsinermik ingerlatsinermi suliniummik akisussaalluni ingerlatsisuulissalluni.
Atorfik Kommuneqarfik Sermersuup Isumaginninnermut Suliffeqarnermullu Ingerlatsiviani inissisimavoq, tassani Majoriaq Paamiuni pisortaq qaninnertut aqutsisuulluni.
Majoriap ataani suliassaqarfimmi Pilersitsivimmi aqutsisunngussaatit, tassani aqutsineq, atuartitsineq, inuusuttunik inersimasunillu ingerlariaqqinnissaannik kajumissaaralunilu ingerlariaqqitsitsiniaanermik siunertalik siuttuuffigalugu suliassarisussaassallugu. Pilersitsivimmi atuartitsineq nioqqutissiornermut atuarfimmut assigusumik ingerlatsinerussaaq, tassa atuagarsornerit annikinnerullutik assassornikkulli timikkullu piginnaasat sannavinni aallaavigineqarnerussallutik, taamaattunilli atuarfeqarneq nunatsinni aatsaat misilinneqalermat ingerlataq ineriartortinneqassaaq, tamatumani illit aqutsisutut pingaarnertut suliarilissavat Pilersitsivimmi atuartut atuartitaaneq kajumernartutut piumassuseqalersitsisumillu imaqarluartutut misigissagaat.
Majoriap ataani sulisut tamarmik pingaartitanik tunngaveqarlutik sulinertik ingerlappaat, taamaattumillu aamma sulilerumallutik qinnuteqarumaartussat tamarmik pingaartitat ukua peqataaffigiumallugit akuersaarsimassavaat:
-Suliamut ilisimasaqarneq – tulluartumik qaffasissusilimmik suliaqarsinnaaneq
-Inuiaqatigiinnut isiginnittaaseq – suliamik naammassinninniarnermi sumiiffigisami innuttaasunut paasinnissinnaaneq
-Naammassinninneq – Pingaarnertut suliamut angusaqarluarneq
-Ataatsimut isiginninneq – Majoriap ataatsimoortuunerata takusinnaannera
-Iliuussissamik pilersaarusiorneq – Majoriamut tunaartanik sinaakkutinillu inissitsiterineq
-Attaveqatigiinneq – ilutsinni avammullu oqaloqatigiittarneq
-Ineriartorneq – inuit, ingerlariutsit aaqqissuussaanerlu nakussassarlugit
-Atuartitsineq ilinniartitsinerlu taavalu siunnersuineq – Pingaarnertut suliassaq suliarilluarlugu
Taamaattumik illit Pilersitsivimmi aqutsisuussaatit sulisunut, inuiaqatigiit ineriartornerat ilutigitillugu sulisussatut pisariaqartinneqartunik, ineriartortitsinermik suliaqartunut.
Atorfimmi suliassat:
-Suliassaqarfimmik aqutsineq
-Pilersitsivimmi fagit ilaanni atuartitsineq
-Atuartitsinerup aqqutissiuussisarnerullu ineriartortinneqarnissaanik, aaqqissuunneqartarnissaanik atuutilersinneqartarnissaanillu qulakkeerinninneq
-Kisitsisitigut paasissutissiornissamut nalunaarsuiuartarnissamik qulakkeerinninneq
-Sulisut siunersiueqatigiittarnerullu inerisarneqarnissaannik qulakkeerinninneq
-Sulisut piginnaasaannik qaffassaaqataaneq
-Majoriaq Paamiuni aqutsisut allat suleqatiginerinut peqataaneq
-Majoriami MA-mik ilinniartoqarfiillu attavigisartakkat suleqatiginerinut peqataaneq
-Sulianik tassanngaannaq takkuttunik suliaqaqataasinnaassuseqarneq, tamatumani aamma atuartitsinermi taartaasarnissaq
Naatsorsuutigisat:
-Imarsiornermut tunngasunik imaluunniit suliassaqarfimmut naleqquttumik ilinniagaqarsimasuunissat, imaluunniit atorfimmik assigusumik misilittagaqarneq
-Ilinniartitsisoqatigiit suleqatigiilluaannarnissaannik ineriartortitsiinnarnissamik soqutigisaqassaatit
-Innuttaasunut immikkut pisariaqartitsisunut paasinnissinnaalluartuussaatit
-Suliassanik aqutsinermik agguataarisarnermillu soqutigisaqartuuvutit aqutsinermillu misilittagaqalerusuttuullutit
-Ilinniartitaanermut Majoriamullu tunngasuni inatsisinik ilisimasaqartutit
-Pitsaasumik angusaqarusuttuusutit sunniuteqarluarusuttuusutillu
-Nammineerlutit akisussaaffimmik tigusillutit suliniuteqarsinnaassuseqartutit
-Pisuni qanoq ikkaluartuni malinnaasinnaasutit akerleriinnerillu aaqqiivigisinnaagitit
-Aaqqissuussinermik piginnaasaqarluartutit
-Aallarnisaasinnaasutit isumassuisinnaallutillu
-Inuit naligalugit ataqqillugillu naapittaritit aamma akuersaarnartumik aqutseriaaseqartutit
-Atuagarsornikkut piginnaasanik qaffaanermut tunngasutigut kissaatigisanik pisariaqartitanillu qulaajaanermut peqataasinnaasutit
-Kalaallisut danskisullu oqalussinnaanermik allassinnaanermillu piginnaasaqartutit
-Qarasaasianik naliginnaasumik atuisinnaasutit
Neqeroorutigaavut:
Suliffik pissanganartoq ineriartorfiullunilu unammillernartunik suliassartaqartussaq, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput, aamma aqutsisut qanimut immersoqatigiiffigalugit suleqatigilluartarnissaq, kiisalu aallartitsinissamut nutaaliornissamullu inissaqartitsinissaq anguniartuarparput. Aqutsisutut ilinniagaqarnissamut periarfissaqassaaq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Bea Mølgaard Lennert, oqarasuaat +299 36 81 35 imaluunniit e-mail: bmle@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1027-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 20.-at, 2024