PI/SPS-ip ataaseq ilinniartitsisoq/aaqqissuisoq naleqquttoq ujaasivoq Kalaallit Nunaanni perorsaanermut ilinniartitaanernut
Perorsaanermik Ilinniarfimmi tamatigoortumik ilinniartitsisumik/ataqatigiissaarisumik ujaasivoq, Piorsaavimmi ilinniakkanilu nalinginnaasuni ilinniartitsisinnaasutut imminut takusinnasinnaasumik. Suleqatitaassatta ilinniakkanut ingerlariaqqiffinnut ataqatigiissaarisinnaanissaq peqataaffigissavaa, ingerlatsinermilu suliassanik suugaluarnersunik ikiuussinnaassalluni.
Suliassarisinnaasat:
Fagini ingerlaarfinnilu assigiinngitsuni perorsaanilerinermi ilinniakkani ilinniartitsisinnaanissaq
Ilinniakkani pikkorissarnernilu Piorsaavitsinniik ingerlanneqartuni ilinniartitsisinnaanissaq
Ilinniakkani ingerlariaqqiffiusuni ataqatigiissaarisuullunilu sulianik tigumminnittuusinnaaneq
Ulluinnarni ingerlatsinermi suliassanik suleqataasinnaalluni assersuutigalugu pilersaarutinik (skemanik) takussutissanillu suliaqarsinnaalluni.
Teamlederit tapersersorlugit suleriutsinik malitassanik ataqatigiissaarineranni
Perorsaanermik Ilinniarfimmi Lectio-mik atuinermi annerusumik akisussaasuusinnaalluni
Perorsaanermik Ilinniarfimmi ilinniakkat tamarmiusut ataqatigiinnerannik ilinniakkanullu pillugit paasinninnernik pilersitsitsilluni
Atorfik ilusinikkiartorsinnaavoq illit peqatigalutit, illillu pisinnaasatit atorfimmut nassatatit iluaqutigalugit.
Pisinnaasassat:
Masterisut kandidatitulluuniit atorfimmut naleqquttumik ilinniagaqarneq
Perorsaanilerinermik suliffimmi misilittagaqarnissaq imaluunniit inersimasunik ilinniartitsinermik misilittagarnissaq
Sulianut assigiinngisitaarsinnaasunut nuupallassinnaanissaq
Tamatigoortumik ineriartortitserusuttumillu sulianut isersinnaanissaq, ilinniartitsisutut ataqatigiissaarisutullu
Suliassat avatangiisillu pitsaasumik akuersisumillu pulaffigalugit, tassani tatiginassuseq akisussaaffeqarnerlu ilisarnaatitut pigalugit
Atorfik inuttalernissaanut kissaatigineqarpoq decemberip aallaqqaataani 2024-mi imaluunniit isumaqatigiissuteqarnikkut. Qinnuteqarfissaq kingulleq novemberip 19-ani 2024 nallertinnagu.
Paasissutissanik paasisaqarnerorsukkuit Perorsaanermi Ilinniarfimmi Ilinniartitaanermi pisortaq Laila Berit Thorsen oqarasuaat +299 38 35 83 atorlugu imaluunniit Perorsaanermik Ilinniarfimmi pisortaaneq Ulunnguaq Markussen oqarasuaat +299 38 35 95 atorlugu paasiniaasinnaavutit imaluunnit e-mail atorlugu allagaqarlutit uunga: allaffik@pi.sps.gl
Perorsaanermik Ilinniarfik pillugu ilinniakkallu pillugit ugguuna nittartakkakkut paasisaqarnerusinnaavutit: www.pi.sps.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.