PI/SPS-ip AC-fuldmægtigimik ujaasivoq
Perorsaanermik Ilinniarfik AC-fuldmægtigissarsiorpoq
Misissuisarnikkut piginnaasatit ilinniagaqarnermut tunngasunut atatillugit atorusuppigit kiisalu suliniutinut arlalinnut ataqatigiissaarisoorusuppit? Taava Perorsaanermut Ilinniarfik atorfimmik pissanganartumik ilinnut suliatigut unammillernartunik kiisalu ineriartornissamut periarfissaqarluartumik peqarpoq.
Ilinniarfik 60-it inulaarlugit sulisoqarpoq kiisalu ilinniartitaanerni assigiinngitsuni arfineq pingasuusuni 300-t inulaarlugit ilinniartoqarluni, tassaasuni: ulluunerani meeqqanik sullissinermi ikiortinngorniarneq, isumaginninnermi ikiortitut ilinniarneq, socialassistentitut ilinniarneq, pædagogassistentitut ilinniarneq, perorsaasutut sammivilimmik bacheloritut ilinniarneq, siunnersuinermi ikiortitut ilinniarneq, isumaginninnermik sulinermi siunnersortitut ilinniarneq aammalu immikkut pisariaqartitsisunut sammivilimmik perorsaanilerinermi ilinniarneq.
Taakku saniatigut isumaginninnermi perorsaanermilu suliassaqarfiit iluanni sulisunik piginnaanngorsaalluni pikkorissartitsinerit assigiinngitsut ingerlanneqartarput.
Atorfik pillugu
AC-fulmægtigimik tamakkiisumik isiginiagaqartumik sulisussarsiorpugut, ilaatigut makkuninnga suliaqartussamik:
Perorsaanermik Ilinniarfiup akisussaaffiisa iluani misissuinerit, killiffissiuinerit nalilersuinerillu suliaralugit
Pitsaassutsimut qularnaarinermi suliami ataqatigiissaarisuullunilu atuutsitsisutut inissisimalluni.
Ilinniarnerit aaqqissuussaaneranni ilinniarnermilu malitassat atuagartaannut ingeriartortitsilluni ingerlatsinermi aqutsisuulluni aammalu eqqarsartumik ilinniakkanik ingerlatsinermi suliaqarnermilu ingerlatsisuulluni.
Social Mediani malinnaasitsillunni ataqatigiissaarisuullunilu soorlu LinkedIn aammalu Facebookimi.
Pisortaasut allaffissornikkut suliaannik aaqqiissutissanik ikiortarlugit.
Perorsaanermik Ilinniarfimmi siulersuisut ataatsimiinnermi malitassaannik suliaqartarluni atortorisassallu allat ataatsimiinnermi atugassat suliaralugit kiisalu ataatsimiinnermi imaqarniliortarluni imaqarniliarlu malillugu ingerlateqqitassanik malinnaasitsineq.
Sammisaqarluni ilinniartitsisarluni sammisaqarluni ulloqarnermi, seminareqarnermi ataatsimiisitsinermilu aqutsisuusarluni.
Semesterinut pilersaarusiornermi tamakkiisumik pilersaarusiornermi peqataalluni.
Ilinniartitsisut suliassaannut suliffigisassaasalu isumaqatigiissutaannut aaqqissuulluarnissaannut peqataalluni.
Suleqatigissavatit
Aqutsisut eqqarsartumik suliaqarneranni ineriartortitsinermi suliassaannik, misissuinerannik, killiffissiornerannik ilinniakkat pitsaassusaannut qularnaarineranni assigisaannillu suliaqarneranni ikioqatigalugit
Immikkoortortaqarfiit allat ilinniartitaanerit atortulersorneqarnerannik Ilulissanilu ilinniarnermi avatangiisit pillugit suliaqartuusut
Sulinikkut inuttullu piginnaasat makku pingaartinneqarput
Naleqquttumik qaffasissumik tunuliaqutaqassaatit ilinniartitaanerup suliassaqarfiisa iluanni misilittagaqarlutit.
Ataatsikkut arlalinnik suliaqarneq nuannarivat, piffissanilu ulapaarfiusuni eqqissisimasinnaallutit tamakkiisumillu takunnissinnaassuseqarlutit.
Allaffissornikkut qarasaasiarsornikkullu piginnaasaqarluartutit
Kisitsisinut pikkorissuusutit kiisalu misissuinermi piginnaasaqarluartutit, sulinermi atorsinnaasannik.
Tatiginnittutit, akisussaassuseqarlutit akuersaartumillu suleriaaseqarlutit
Suleqataavutit akisussaassusilik suleqatiginnikkusuttorlu, avatangiisinik qungujulalluni naapitsisartoq.
Atorfik 1. januar 2025 imaluunniit isumaqatigiissuteqarnikkut sapinngisamik piaarnerpaamik inuttalerneqarnissaa kissaatigaarput.
Qinnuteqarfissamut killigititaq ulloq 22. november 2024
Attaveqarfissat
Paasissutissat annertunerusut pissarsiarisinnaavatit sianerlutit tlf. +299 38 35 50 Forstander Ulunnguaq Markussen, imaluunniit mailikkut uunga allaffik@pi.sps.gl
Ilinniarfik pillugu uani paasisaqarnerusinnaavutit www.pi.sps.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.