Perorsaanermik Ilinniarfimmi ujartuisumik naapikkuminartumillu ilinniartunut aqqutissiuussisussarsiorpoq
Ilinniartut ilinniarfimminni avatangiiserissaartikkusullugit ilinniakkaminnillu angusaqarluarnissaannik sullisseqataalluarusullutit kissaatigaajuk? Toqqissisimanermik pilersitsillutillu attaveqaqatigiinnermik tapersuisutut nammineq inuttut pisinnaasaqarpit? Aqqutissiuisumik tunniusimasumik ujartuivugut, ilinniartutta avatangiiserissaarnissaannik uniinnannginnissaannillu siuttuulluni iliuseqarsinnaasumik.
Aqqutissiuisutut qitiusumik inissisimaffeqassaatit, ilinniartuutitta ilinniarnerminni ingerlatsineranni tapersersuisutut. Ilinniartuutitta attavissatut siullertut isigissavaatsit, tassani aqqutissiuisuullutit, siunnersuisuullutit ataqatigiissaarisuullutillu. Iliuutsitit ilinniartuutitta pitsaasumik ilinniarfimmik avatangiiseqarnissaannik pilersitsinikkut isumalerujussuussapput, ilinniartut tusaaneqartutut isigineqartutullu misiginissaannut.
Ilinniarfik 60-it inulaarlugit sulisoqarpoq kiisalu ilinniartitaanerni assigiinngitsuni arfineq pingasuusuni 300-t inulaarlugit ilinniartoqarluni, tassaasuni: ulluunerani meeqqanik sullissinermi ikiortinngorniarneq, isumaginninnermi ikiortitut ilinniarneq, socialassistentitut ilinniarneq, pædagogassistentitut ilinniarneq, perorsaasutut sammivilimmik bacheloritut ilinniarneq, siunnersuinermi ikiortitut ilinniarneq, isumaginninnermik sulinermi siunnersortitut ilinniarneq aammalu immikkut pisariaqartitsisunut sammivilimmik perorsaanilerinermi ilinniarneq.
Taakku saniatigut isumaginninnermi perorsaanermilu suliassaqarfiit iluanni sulisunik piginnaanngorsaalluni pikkorissartitsinerit assigiinngitsut ingerlanneqartarput.
Suliassatit annerit ukua ilagissavaat:
Aqqutissiuutassanik ujartuineq: Ilinniartut ajornartorsiutitut unammillernartutullu aporfigisinnaasaannik ujartuinerit attaveqarnerillu ataavartut. Tapersersuinissamik neqeroorneq ajornartorsiutit allinnginneranni.
Unitsitsiinnannginnissamut pitsaaliuineq: Ineriartortitsinerit iliuusissanillu atuutsitsilernerit, ilinniartut unitsitsiinnartartut ikilisarnissaat anguniarlugu, qularnaarlugulu ilinniartut pisariaqartitaminnik tapersersorneqarnissaannik tunineqartarnissai ilinniakkaminnik naammassinnissinnaaniassammata.
Avatangiisinik siuarsaanerit: Ilinnarfiup avatangiiserissaarnissaanut peqqinnartumik ingerlanissaannik qitiusutut inissisimanissaq, inerikkiartorneq siunertaralugu. Inerikkiartornerit suussusersillugillu inissittarlugit, illup iluani suleqatit aammalu illup avataani suleqatit peqatigalugit.
Nunarsuarmioqataanermi ataqatigiissaarisoq: Ilinniartut nunani allaneersut Perorsaanermik Ilinniarfimmiinneranni akisussaasuullutit. Tassani ilinniakkanut pulalluarnissaat pillugu tapersersorlugit qularnaarlugulu ilinniarnerminni aqqutissiuussineq pisariaqartinneqartoq tunniunneqarnersoq ilinniarnerminni maaniinnerminnilu.
Siunnersuineq aqqutissiuinerlu: Ilinniartunut ataasiakkaanut eqimattakkaanullu ilinniakkanut toqqaanermi, ilinniakkanut pilersaarusiornermi inuttullu unammillernartunut aqqutissiuinissamut neqeroortarlutit.
Suliat akimorlugit suleqatigiinnerit: Ilinniartitsisut, allaffissortut allallu pingaarutilinnik suliaqartut peqatigalugit suleqatigiissinnaaneq tassani qularnaarlugu ilinniartut tamakkiisumik isigisumik tapersersorneqarnissaat anguniarlugu.
Naatsorsuutigaarput:
Naleqquttumik ilinniagarsimasuunissat, aqqutissiuussinermik misilittagaqartutit, perorsaasutut assigisaannilluunniit.
Aqqutissiuussinerni ujartuisuullutillu aallartitassanik aallartitsisarnissat
Attaveqaqatigiinnermi attavikkuminarlutillu kalaallisut attaveqarluarsinnaanissat pingaarluni.
Ilinniartunik nunani allaneersunik piorsarsimassutsinillu assigiinngitsuneersunik misilittaqarlutillu soqutigisaqarnissat.
Ilinniarfiup avatangiisaanut tapersersuerpalaartumik peqataasitsisumillu pilersitsisinnaanissat
Aaqqissuussamik suleriuseqarlutillu sulianik arlariinnik ataatsikkut suliaqarsinnaanissat sumiinnerit sunerillu annaanngikkaluarlugit.
Makkunannga neqeroorsinnaavugut:
Ataqatigiissumik isumalimmillu suleqarfik ingerlasoq, illit arlaatigut tunniussaqarfigisinnaasat
Suliamut inuttullu ineriartoqqinnissamik periarfissiisoq
Suliffeqarfik sulilluarfissatut avatangiiserissaarnermillu ukkassisoq
Suleqatit peqataarusuttut suleqatigalugit, ilinniakkat ilinniartullu ineriartortuarnissaat pillugit.
Qinnuteqaativit tigunissaanut qilanaarluta!
Paasissutissanik allanik perusukkuit ilinniartulerisunik kollegielerisunillu aqutsisoq Ellen Eisner Mathæussen attavigineqarsinnaavoq oqarasuaat +299 38 35 50 imaluunniit e-mailikkut allaffik@pi.sps.gl
Perorsaanermik Ilinniarfik pillugu paasisaqarnerusinnaavutit uunga iseruit: www.pi.sps.gl
Atorfik inuttalerneqarnissaa kissaatigineqarpoq novemberip aallaqqaataani 2024-mi imaluunniit isumaqatigiissusiornikkut
Qinnuteqarfissaq kingulleq: septemberip 27-ani 2024-mi ullup qeqqartinnagu.
E-mailikkut qinnuteqaatinik tigusineq ajorpugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.