Perorsaanermik Ilinniarfik Køkkenassistentimut paarlatsissamik pissarsiorpoq
Piareersimavit nerisassianik mamarluinnartunik sassaalliinissamut aammalu igaffiup kajumminnartuunissaanut suleqataanissarnut? Køkkenassistentimut paarlattaanissamut atorfik martsip aallaqqaataani 2025 isumaqatigiissuteqanikkulluunniit inuttassarsiuunneqarpoq.
Atorfik pillugu: Køkkenassistentitut iggavimmi suleqatinnut, neriassianullu suliarilluakkanut ikorfartuinissarnut pisariaqartippatsigit. Sulisut allat suleqatingalugit ilinniartuunerup sulisoqarnerullu kajuminnartuunissaanut ineriartornissaanullu peqataassaatit.
Suliassat:
- Ilinniartunut 120 missaaniittunut nerisassiorneq
- Iggavimmi atortunik erruineq eqqiaanerlu
- Igavimmi sulisut peqatingalugit ulluinnarni suliassanik ingerlatsineq
- Suliffimmi avatangiisimut iluarisimaarnartumut suleqataaneq
- Assigiinngitsunik pisoqartillugu piffissat suliffiusussat nikerarsinnaasarput
Ujartorpatsigit illit:
- Suleriutsimik ilikkajasoq aamma iggavimmi ulapiffiusumi sulilluarsinnaassulik
- Iggavimmi assistentitut assigisaanilluunniit misilittagalik
- Aalajaatsoq ileqqorissaartorlu
- Akisussaaffimmik tigusisinnaasoq pilersitsisinnaasorlu
- Sullissilluarumassusilik
Neqeroorutigaarput:
- Suliffeqarfik pissanganartoq unamminartorlu
- Suliassanut tunngatillugu ineriartorsinnaaneq, ilinniaqqinnerlu
- Suliffimmi avatangiineq iluarisimaarnartoq, suleqatillu pikkorissut
Suleqatigilernissatsinnut piareersimavit? Atorfik pillugu erseqqinnerusumik paasiniaasoqarsinnaavoq uunga saaffiginninnikkut Aningaasaqarnermut Sulisoqarnermullu aqutsisumut Aline Mathiassen oqarasuaatikkut +299 38 35 50.
Tusarfiginissarnut qilanaarpugut!
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job