Perorsaanermik Ilinniarfik Aningaasaqarnermut HR-imullu allaffimmi fuldmægtigissarsiorpoq
Suliffeqarfiuvugut ineriartortoq, nutaaliorneq suleqatiginnissinnaanerlu pingaartitaralugit. Aningaasaqarnermut HR-imullu immikkoortortaqarfitsinni allaffimmi fuldmægtigissarsiorpugut, ineriartortuarnitsinnut taperseeqataassussamik.
Ilinniarfik 60-it inulaarlugit sulisoqarpoq kiisalu ilinniartitaanerni assigiinngitsuni arfineq pingasuusuni 300-t inulaarlugit ilinniartoqarluni, tassaasuni: ulluunerani meeqqanik sullissinermi ikiortinngorniarneq, isumaginninnermi ikiortitut ilinniarneq, socialassistentitut ilinniarneq, pædagogassistentitut ilinniarneq, perorsaasutut sammivilimmik bacheloritut ilinniarneq, siunnersuinermi ikiortitut ilinniarneq, isumaginninnermik sulinermi siunnersortitut ilinniarneq aammalu immikkut pisariaqartitsisunut sammivilimmik perorsaanilerinermi ilinniarneq.
Pingaarnertut suliassat:
- Aningaasaqarnermut misissueqqissaarinerit, nalunaarusiornernullu ikorfersueqataaneq.
- Aningaasarsialerinermut sulisunillu sullissinermut ikorfersueqataaneq.
- Allaffissornikkut sullissinermilu suliassat.
- HR-imi ingerlatsinerni politikkinillu inerisaanermi peqataaneq.
- Suliffiup iluani suliniutini ataqatigiissaaralunilu ikorfartuineq.
Piginnaasat:
- Aningaasaqarnermut, HR-imut allaffissornikkulluunnit tulluuttumik ilinniagaqarneq.
- Aningaasaqarnermut HR-imilu periutsinik misilittagaqarneq.
- Kisitsisinik paasisimasaqarluarneq, misissuilluarsinnaanerlu.
- Allattariarsornikkut oqalulluarsinnaanikkullu attaveqaqatigiinnermi nukittuffeqarneq.
- Namminersorluni aammalu suleqatigiissuni sulisinnaaneq.
Neqeroorutigaarput:
- Suliffeqarfik pissanganartoq unamminartorlu.
- Suliassanut tunngatillugu ineriartorsinnaaneq, ilinniaqqinnerlu.
- Suliffimmi avatangiiseq iluarisimaarnartoq suleqatillu pikkorissut.
Annertunerusumik paasisaqarusukkuit oqarasuaat +299 38 35 50 aqqutigalugu suleqatigiissunik aqutsisoq Aline Mathiassen imaluunnit Pisortap tullersortaa Lea Levisen Jensen, imaluunnit mail asa@pi.sps.gl aqqutigalugit attavigisinnaavatit.
Perorsaanermik Ilinniarfik annertunerusumik paasisaqarfigerusukkukku una atuarsinnaavat www.pi.sps.gl
Atorfik 1. december 2024 isumaqatigiissuteqarnikkulluunnit inuttalerneqarusuppoq.
Qinnuteqaativit tigunissaanut qilanaarpugut!
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.