Peqqissutsimut Naalakkersuisoqarfimmi Aqutsisunut allattoqarfimmi siunnersortissarti
Peqqissutsimut Naalakkersuisoqarfimmi Aqutsisunut allattoqarfimmi siunnersorti
Allaffissornermut, EVU-mut imaluunniit ilinniarnertuutut taamatullu Namminersorlutik Oqartussani allaffissornikkut misilittagaqarpit? Taava illit atorfissaqartippatsigit Aqutsisunut allattoqarfimmi siunnersortinngornissannik, aningaasaqarnermullu aqutsinermi qitiusumik naalakkersuisoqarfimmilu sulianut paasiuminarsaasutut inissisimasussatut. Taamatut suliaqarnerit nukiit tamakkiisumik atorluarneqarnerannut peqqutaaqataasinnaavoq.
Peqqinnissaqarfimmi periusissianik pilersaarusiornissamut, ataqatigiissaarinissamut ineriartortitsinissamullu Peqqissutsimut naalakkersuisoqarfimmi suliarineqartarput. Aalajangersimasunik suliassaqarfippassuit suliassaqarfiupput, taamaammat naalakkersuisoqarfik naalakkersuisoqarfinnut allanut, pisortat suliffeqarfiutaannut taakku ataanniittunut, sulinermik inuussutissarsiutillit kattuffiinut, ilinniarfinnut, assigisaannullu attaveqartarpoq.
Aqutsisoqarnermi Allatseqarfik
Peqqissutsimut naalakkersuisoqarfimmi Aqutsisunut allattoqarfik qitiusumik inissisimavoq, naalakkersuisoqarfimmi pingaarutilimmik pitsaasumillu ingerlatsinissamut qitiulluni. Allattoqarfik ilaatigut marlunnik oqaatsitigut siunnersortit, ikiorti ataaseq nutserisunut oqalutsinullu sulianut aqutsisumik sulisoqarpoq. Allattoqarfik allaffiup pisortaanit aqunneqarpoq, sulisut allat peqatigalugit suliassanik assigiinngitsunik suliaqarput.
Allattoqarfimmi suliassaqarfiit qitiusut suliarineqartarput, ilaatigut sulisoqarnermut allattoqarfittut, nutsigassat, naalakkersuinikkut suliassat, aningaasaqarneq taamatullu pilersaarusiorneq sulisunullu aaqqissuussinerit. Naalakkersuinikkut ingerlatassat pingaartitallu ajunnginnerpaamik ikorfartorneqartumik qulakkeerinnikkumalluta qanimut suleqatigiittarpugut.
Peqqissutsimut naalakkersuisoqarfimmi sulisut qaffassartuartarpavut. Ilinniaqqinnissamut aningaasanik ukiut tamaasa immikkoortitsisoqarpoq, pikkorissarnernut imaluunniit soqutigisatit suliamullu tunngatillugu ineriartuutaasinnaasutut suliniutigerusullugit angorusutatit naapertorlugit.
Uku ilinnut neqeroorutigisinnaavavut:
Suliffeqarfik nammineersinaassusermik aalajangiisinnaassuseqarnermillu pingaartitsisoq.
Immikkoortortaqarfimmi atorfik pimoorussisunik suleqateqarfiusoq.
Atorfik, sulisut ataasiakkaat piginnaaneqarfiinik ataqqinnillunilu ammaffiusoq.
Siunissami suliassavit ilagissavai makku:
Naalakkersuisoqarfimmi naatsorsuutinut akisussaasoq
IRIS-imi aamma XAL-imi naatsorsuutinik allattuinermut akisussaasoq
Naalakkersuisoqarfimmi nalunaarsorsimaffiit assigiinngitsut akisussaasoq
Pisiortornernut naalakkersuisoqarfimmilu nalinginnaasumik aserfallatsaaliinernut akisussaasoq
It hardware-nut, oqarasuaatinut, kopimaskinenut aammalu AV-tigut atortorissaarutinut akisussaasuuneq, taakkualu iluarsaanniarneranni kiffartuussisussanut attaveqaataaneq, taakkununnga ilaallutik naalakkersuisoqarfimmi IT-supportitut suliassat
Allagaateqarfinnut akisussaasoq
Naalakkersuisoqarfiup angalanissanik inniminniisarnernut assigisaannullu akisussaasoq
Danskisut / kalaallisut annikinnerusumik kukkunersiuisarneq
Nukinginnartunik sullissineq allaffissornikkullu suliassat
Kissaatigaarput, illit siunissami siunnersortitut makkuninnga piginnaasaqassasutit:
Allaffissornermi, EVU-mi imaluunniit akademiimik ilinniarsimasuussasutit
XAL-imik, IRIS-imik assigisaannillu atuinissamik ilisimasaqassasutit
Naatsorsuuserinerup suuneranik paasisimasaqarluartuussasutit
Nammineersinnaassuseqartoq, ineriartortitsiumassuseqartoq anguniagalillu
Ataqatigiissaarillaqqissuuvutit – aammattaaq suliffinni ulapaarfiusuni
Aaqqissuussisinnaalluartoq, piffissamilu ulapaarfiusumi sulilluarsinnaasoq piginnaaneqarfigissallugulu ataatsikkut arlalinnik suliaqarsinnaaneq
Aaqqissuussaanermi naalakkersuinikkut aqutaasumi suliaqarnermik misilittagaqartoq
Allattariarsornermi oqalunnermilu marluinnik oqaaseqartoq (kalaallisut danskisullu)
Naalakkersuisoqarfimmi ileqquliutissallugu anguniagaraarput kikkulluunniit tamarmik aaqqissuussaanerup ineriartortinneqarneranut isumassarsianillu ikiuussinnaanissaat. Taamaattumik pingaaruteqarpoq suleqatigiuminartuunissat suleqatinnullu inussiarnertuunissat soqutiginnittuunissallu.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.