Peqqissutsimut Naalakkersuisoqarfik peqqissutsimut siunnersortimik allannermik piginnaasalimmik pissarsiorpoq
Peqqissutsimut Naalakkersuisoqarfik peqqissutsimut siunnersortimik allannermik piginnaasalimmik pissarsiorpoq
Politikkikkut aqunneqartumi peqqissutsimut tunngasut iluini allanngorartunik suliassaqarfiusumi sulissallutit iluarigukku, taava atorfissaqartippatsigit.
Peqqissutsimut Naalakkersuisoqarfik peqqissutsikkut suliatigut siunnersortimik allannermik piginnaasalimmik piaartumik atorfinittussamik pissarsiorpoq.
Atorfik Periusissiornermut Pilersaarusiornermullu immikkoortortaqarfimmi inissisimavoq. Immikkoortortaqarfimmit Peqqissutsimut Naalakkersuisoq sullinneqartarpoq aammalu oqartussaasutut aamma ineriartortitsinermut suliassanut kiisalu naalakkersuisoqarfiup peqqissutsimut tunngasut iluini suliassanut akisussaasuulluni. Immikkoortortaqarfimmi sulinermut Peqqissutsimut Naalakkersuisumik Naalakkersuisoqarfiullu pisortaanik sullissineq ilaavoq. Qaninnertut aqutsisussat tassaavoq immikkoortortaqarfimmi pisortaq.
Suliassat Suliassat ilaatigut makkuussapput:
Naalakkersuisumik peqqissutsimut sulianik siunnersuineq
Inatsisartunit Naalakkersuisunillu peqqissutsimut suliat pillugit apeqqutinik suliarinninneq
Naalakkersuisoqarfinnik allanik immikkoortortaqarfiinillu suleqateqarneq
Naalakkersuisoqarfimmi suliassanik isumaginninnermi malinnaalluni ataatsimiinnerni peqataaneq
Peqqissutsimut sulianik misissueqqissaarinernik, nassuiaatinik, pilersaarutinik aamma peqqissutsimut sulianut periusissianik pingaarnernik kiisalu taakkunanngalu nakkutilliinermik nalilersuinermillu suliaqarnerit.
Piginnaasaqarfigisassat
Naatsorsuutigaarput qaffasissumik attuumassutilimmik, minnerpaamik kandidatitut qaffasissusilimmik ilinniagaqarsimassasutit aamma peqqissutsimut tunngasutigut misilittagaqartutit. Tamatuma saniatigut naatsorsuutigaarput suliffeqarfimmi politikkikkut aqunneqartumi sulinermik ilisimasaqassasutit misilittagaqassasutillu, tassunga ilanngullugit pisortat ingerlatsiviini suleriaatsinik paasisimasaqassasutit. Taakku saniatigut naatsorsuutigaarput:
Oqaluttariarsornikkut allattariarsornikkullu attaveqaqatigiinnermik piginnaasaqarluassasutit
Aaqqissuussaasumik sulisassasutit, peqqissaartuusutit pitsaassutsimillu pingaartitsillutit, piffissanillu killiliussanik eqqortitsillaqqissasutit
Suliffeqarfimmi politikkikkut soqutigineqangaarfiusumi sunniuteqarluarnissamut piumassuseqassasutit
Kalaallinik inuiaqatigiinnik piorsarsimassusiannillu ilisimasaqarluartumik
Pingasunik oqaaseqartutit – kalaallisut, qallunaatut tuluttullu
Suliniutinut ataqatigiissaarinermut aqutsinermullu piginnaasaqarneq
Sulinermi aaqqiinissamik pingaartitsissasutit
Ulluinnarni ulapaarfiusumi taarseraattunik sulitilluni suliassaqarfiusumi sulilluarsinnaassasutit
Oqartussaaffimmi angisuumi, pissanganartumi unammillernartumilu atorfimmik pissanganartumik nammineersinnaaffiusumillu neqerooruteqarpugut. Ulapaarfiusumik pitsaasunik suleqateqarluni persuarsiunngitsumillu oqaloqatigiiffiusinnaasumik suliffeqarpugut. Suliffiuvugut soqutiginartunik suliatigullu unammillernartulik, tassani suleqatigiissinnaaneq suliamullu tunngatillugu pikkorissuseqarneq assut pingaartinneqarput. Aallartisarnermik ingerlataqarnermik aammalu suleqatinillu misilittagalinniit ilinartinneqarnissat siunnersorneqarnissamullu periarfissamik neqeroorfigineqassaatit.
Sukumiinerusumik paasisaqarusuppit?
Atorfik pillugu paasissutissat sukumiinerusut immikkoortortaqarfimmi pisortamut Laila Skydsbjerg Skytte-mut saaffiginnilluni pissarsiarineqarsinnaapput, oqarasuaammut +299 34 65 81, e-maili: Liss@nanoq.gl
Qinnuteqarnermut killigititaq
Inuunermit taasassat (CV), ilinniarsimanermut uppernarsaatit assilinerat kiisalu attavigineqarsinnaasut qinnuteqaammut ilanngullugit innersuussissut ataaniittoq link aqqutigalugu kingusinnerpaamik ulloq 19. februar 2025 nassiunneqassapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.