Peqqissaanermut ikiortitut imaluunniit tassungaluunniit assingusumik ilinniniagalik
Handicap Social Psykiatri ataani støtteqarfimmi.
Inersimasunut timikkut tarnikkullu innarluutilinnut Nuummi najugalinnut ikorfartortissamik piaarnerpaamik sulilertussamik Peqqissaanermik ikiortissarasiorpugut. Atorfik sapaatip-akunneranut nalunaaquttap akunnerini 40-ni suliffiuvoq, ullut suliffiusut ataasinngornermiit tallimanngornermut nal. 8-16
Suleriuseq:
·Sullitamiit sullitamut piffissat nikerartut iluanni innuttaasut sullinneqarnissaminnut siunertai aallaavigalugit sulisoqartarpoq
·Innuttaasut ikorfartorneratigut ulluinnarni nalinginnaasumik inuuneqarnissaat kaammattorlugit aqqutissiuunneqartarput
·Iliuusissatut pilersaarut tunaartaralugu sullissisoqartarluni
·Ulluinnarni naliginnaasumik inuuneqarnissaat tapersorneqartarput
Sullitat:
·Sullitaraagut inersimasut timikkut innarluutillit eqqarsartaatsikkullu napparsimasut namminneq angerlarsimaffimminni najugallit ornillugit sullinneqartartut.
Sulinermi suliassat:
·Innuttaasoq qitiutillugu sullisineq ingerlasarpoq.
·Iliuusissatut pilersaarusioqatigalugu.
·Pisortaqarfinnut assigisaanullu ingiallortarlugit ass. soorlu nakorsaqarfimmut il,il.
Naatsorsuutigaarput:
·Kajumissuseqarlutit inuunermullu pitsaasumik isiginnittaaseqarlutit
·Akisussaassuseqartuusutit namminersorlutit sulisinnaasutit
·Akuersaartuussasutit naammagittarsinnaasutillu
Susassaqarfiit akimorlugit suleqatigisarparput:
·Ikaarsaarfik, Dronning Ingrids napparsimavissua, Inunnillu Isumaginnittoqarfik, Timikkullu Pillorissaasut kiisalu pinerluttunik isumaginnittoqarfik.
·Pitsaassaaq Kalaallisut Danskillu oqaasiinik atuisinnaaguit, piumasaqaataanngilaq.
Qulaani taaneqartut soqutigigukkit taava illit suleqatigilerusuppatsigit
Suleqatigiit ikioqatigiilluartut ataatsimuullaqqissullu ineriartoqatigissallugit.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Naatsorsuutigaarput atorfininnissamut oqaloqateqassalluta sap.ak. 4-mi.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Debora Lynge, oqarasuaat +299 53 17 68 imaluunniit e-mail: debm@sermersooq.gl imaluunniit Tullersorti Dorthe Poulsen, oqarasuaat +299 36 72 37 imaluunniit e-mail: dpou@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 11-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: januaarip 24.-at, 2025