Peqqinnissaqarfimmi attaveqatigiinnermi siunnersorti tamatigoortoq
Attaveqatigiinnerup atituumik samminissaa kajungeraajuk? Taamaassappat Peqqinnissaqarfimmi attaveqatigiinnermi siunnersortitut atorfik ilinnut naleqqussinnaassaaq. Qullersaqarfiup allatseqarfiani atorfininnikkut, qullersanut aqutsisunullu allanut, ilutsinni avammullu attaveqatigiinnermut tusagassiorfinnullu tunngasunut suliassanut ikorfartuisuussaatit.
Ulluinnaat eqeersimaarfiit, unammilligassallit tamatigoortunillu suliassartallit.
Peqqinnissaqarfimmi attaveqatigiinnermut siunnersortaaneq tamatigoortuussaaq. Tusagassiorfinniit saaffiginnissutit pilertortumik qisuariarfigineqassapput, innuttaasunullu paasissutissat sukumiisumik siunnerfilimmillu suliarineqassallutik. Nittartakkamiittut inuillu attaveqatigiittarfiiniittut ataqatigiissillugit, Peqqinnissaqarfimmit saqqummiussat oqaasertamikkut isikkumikkullu suliarilluagaanissaat qulakkiigassaraat.
Suliassavit pingaarnersaat tassaassapput:
· Peqqinnissaqarfiup sulisunut nittartagaa D4 Infonet aqutigalugu, ersarissumik kinguneqarluartussamillu Peqqinnissaqarfimmi sulisunut attaveqarneq.
· Innuttaasunut paasissutissiineq Peqqinnissaqarfiup nittartagaa Peqqik.gl -maanna nutaamik ilusilerlugu nutarterneqalersoq aqqutigalugu ingerlanneqarpoq.
· Isumassarsiullaqqissutsit atorlugu Facebook-imi quppernerput ”Kalaallit Nunaanni Peqqinnissaqarfik - Det Grønlandske Sundhedsvæsen”ingerlatissavat.
· Tamatuma saniatigut innuttaasunit saaffiginnissutit akissuteqarfigisassavatit, tusagassiorfinnit oqaluttuat malitseqartissavatit qullersallu suleqatigalugit tusagassiorfinnut nalunaaruteqartassallutit il.il.
· Attaveqatigiinnerup saniatigut sulianik annikitsunik allaffissornikkullu suliassanik suliassanillu allanik nalinginnaasunik ingerlatsisoqarsinnaasassaaq.
· Tamatuma saniatigut unnummi kulturisiorfimmi ilutsinnilu avammullu aaqqissuussinerni allani sammisassanut ataqatigiissaarisuussaatit.
Illit:
· Attaveqatigiinnermut tunngatillugu qaffasissumik/ imal. tusagassiortutut ilinniagaqassaatit.
· Peqqinnissaqarfimmiit/inunnik isumaginnittoqarfimmiit misilittagaqarneq iluaqutaassaaq, piumasaqaataananili.
· Allattariarsornermi oqaatsinillu atuinermi piginnaaneqarluartuuvutit
· Inuit attaveqatigiittarfiinik atuineq pikkoriffigaat
· Attaveqatigiinnermi periarfissanik assigiinngitsunik siunnerfilimmik atuineq pikkoriffigaat nalorninallu saaffiginiakkanut assigiinngitsunut oqariartuummik ingerlatitseqqiisinnaallutit
· Suliffeqarfimmi politikkikkut aqutami sulinissamik paasisimannittuuvutit attaveqatigiinnerlu- soqutigisat assigiinngitsut amerlasuut akornanni ingerlassinnaallugu
· Alapernaatsuuvutit tamatigoortuullutillu.
· Suliffimmi ulluinnarni suliassat nikerarfianni nammisorluni sulineq paasiniaanerlu iluaraat.
Piginnaasat allat
· Qarasaasiakkut sullississutit Office-pakkimit allaasut soorlu Sitecore, Photoshop, InDesign aamma Adobe Illustrator ilisimasaqarfiginissaat iluaqutaassaaq.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput
Sulilerfissaq: 1. april 2025 eller snarligst derefter
Qinnuteqarfissaq kingulleq: 26. februar 2025
Qinnuteqartunik oqaloqateqarnerit ataavartumik ingerlanneqassapput
Attavissaq:
Atorfik pillugu paasissutissat: Allaffimmi pisortaagallartoq James Johannes-Eik Krahmer Bech oqarasuaatikkut: +299 34 46 15 imal. mailikkut: jjkb@peqqik.gl attavigalugu pissarsiarineqarsinnaapput.
Paasissutissat akissarsianut atorfininnermilu atugassarititaasunut tunngasut nalinginnaasut e-mailikkut: PERSONALE@PEQQIK.GL saaffiginninnikkut pissarsiarineqarsinnaapputtaaq.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.