Peqqinnissaqarfimmi aningaasaqarnikkut aqutsinermi immikkut ilisimasalik
Aningaasarnermut atatillugu iliuusissanik siunniussinerni kinguneqarluartussamillu aqutsinermi immikkut ilisimasalittut ilisimaneqarpit? suleqatiginnissinnaasuseqarluarpillu? Taamaassappat maani aningaasaqarnermut pisiniarnermullu immikkoortortami qinnuteqaativit tigunissaa qilanaaraarput.
Peqqinnissaqarfik eqaallisaanermik pissanganartumik peqqinnissakkut neqeroorutinut nukissanik aallerfioqataasussamik suliaqarfiuleruttorpoq. Tamatumani pingaartumik pitsaassutsimut tunngatullugu anguniagassatut siunniussat, peqinnissamut tunngatillugu ataatsimoornerusumik ataqatigiissumillu neqerooruteqarnissaq, kiisalu aningaasartuutissatut missingersuutinik aqutsinermut tunngatillugu paasilertoruminassutsimik pilersitsinissamik immikkut ukkassinissaq pineqarpoq.
Matumani Peqqinnissaqarfimmi anguniagassatut siunniussanik ingerlatsinernillu, immikkoortortanut paasissutissanik naapertuuttunik paasiuminarsaanikkut, Peqqinnissaqarfimmi immikkoortortani nakorsaavinni pisortat aalajangersagaannik ikorfartuisinnaasoq atorfissaqartipparput.
Aningaasaqarnermut pisiniarnermullu immikkoortortaq Peqqinnissaqarfimmi qullersanut siunnersuisarfinnut ilaasoq, 18-inik pimoorussisunik nammineersinnaassusilinnillu sulisoqarpoq. Immikkoortortaq Nuummi inissisimavoq, nunarpulli tamakkerlugu qitiusumik napparsimmavinnik peqqissaavinnillu sullissisuullunissaaq.
Atorfimmi matumani suleqatigiligassaq aningaasaqarnermut tunngatillugu misissueqqissaanermut piginnaasaqarluartoq aaqqisuussaanikkullu inerisaanermut pilersaarusiornermullu piginnaasaqarluartoq ujartorparput.
Suliasat makkuupput:
Peqqinnissaqarfiup aningaasaqarneranut atatillugu aningaasartuuteqarfinnik pingaarnernik misissueqqissaarnerit malitseqartitsinerillu
Peqqinnissaqarfimmi qullersanut nakorsaanermilu immikkoortortarpassuarni aqutsisunut aningaasaqarnikkut siunnersuineq
Akimuilluni iliuuserisat soorlu aaqqiissutissanik paasissutissanit ikorfartorneqartunik ingerlatsineq ataqatigiissaarinerlu
Iliuusissatut siunniussatigut suliatigullu allatut iliuusissiorneq.
Tamatuma saniatigut Peqqinnissaqarfimmi aningaasartuutissanik missingersuinermut atatillugu unammilliinissamut inerisaaqqinnissamullu peqataanissat anguniagaraarput. Naatsumik oqaatigalugu, aaqqisuussamik suleriaasilik angusaqarfiulluartumillu ilinniagaqassutsimik nukittuumik qaffasissumillu tunngaveqarluni peqqinnissakkut sullissisunik suleqateqarnermi akuusussaq, pissarsiariniarparput.
Tamatuma saniatigut pingaartipparput:
Qaffasissumik ilinniagaqarsimaneq
Sulianik ingerlatsinermi ataatsimut isiginninnermik ingerlatsinermillu qaffasissumik pitsaassusilimmik attasisinnaaneq
Paasinnissinnaassuseqarluni ataqqinnittumillu suleqatigiinnermik pilersitsineq angusaqarnerlu.
Suliffik ulapaarfiusoq eqaatsorli aalajangiinissamut pisariitsumik periarfissiisoq neqeroorutigaarput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq.
Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Atorfinititsineq
Atorfiniffissaq: 1. marts 2025 imal. immikkut isumaqatigiissutearnikkut
Qinnuteqarfissaq kingulleq: 19. januar 2025.
Attavissaq
Atorfik pillugu paasissutissat siunnersortaaneq, Thomas Vindberg, oqarasuaatikkut: (+299) 34 45 02, (+45) 51 64 03 72 imal. mailikkut: thvi@peqqik.gl attavigalugu pissarsiarineqarsinnaapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.