Peqqinnissaqarfik naatsorsuuserisutut siunnersortaanermik silassorissumik pissarsiorpoq
Peqqinnissaqarfimmi aningaasaqarnikkut aqutsinermi, ukiumut 1,7 mia. koruunit missaannik aningaasaliiffigisami, ikorfartuinermi pitsaassutsimillu qulakkeerinermi peqataarusuppit? – taamaassappat suleqatitaassatsitut piukkunnarluartuussaatit.
Qullersanut aningaasaqarnermut siunnersuisarfimmi, aningaasaqarnermut pisiniarnermullu immikkoortortalimmi- katillugillu 20-inik pimoorussisunik sulisulimmi- suleqataalissaatit. Aningaasaqarnermut immikkoortortami atorfik- aaqqissuussaanikkut naatsorsuuserisuni ullumikkut arfinilinnik sulisulimmi- naatsorsuuserinermi Peqqinnissaqarfimmik tamakkiisumik kiffartuussivimmi suliap qiterisaanut inerisaanermullu tunngasunik arlalinnik sulialinni- inissisimavoq. Naatsorsuuserisut saniatigut- aningaasaqarnermut immikkoortortaq, qanimut oqaloqatigineqartartunik, aningaasartuutissanut missingersuusiortartunik suleqatigeeqarportaaq.
Naatsorsuuserisut akissarsianut, angalanermut atatillugu akiligassanik isumannaarinninnernut, siumut akiliutigisanik utertitsinernut, takornarianut tunngatillugu sillimmasiissutinut-, pinasuartumik angallassinernut-, angalanernut- taartaagallartussanullu tunngatillugu naatsorsuuserinermik suliaqartuupput. Naatsorsuuserivimmi sulinerup avaanngunartuunnginneranik neriorsorsinnaavatsigit.
Suliassat
Siuttuuffigisassanni naatsorsuuserinermik misilittagalimmik massakkorpiaq amigaateqarpugut. Suleqatigiinnut ilaalissaatit suliassallu annertunerusut annikinnerusullu assigiinngitsut arlallit akisussaffigissallugit. Suliassavit ilaat namminersuutigalugit suliarineqassapput allalli suleqatit peqatigalugit suliarineqassallutik.
Suliassat pingaarnerit ilaatigut makkuussapput
Naatsorsuuserineq- soorlu naatsorsuutit nikingatinnaveersaarneqarnerat, aningaasartuutissatut missinersuutinik nakkutilliinermut malitseqartitsinermullu akisussaaneq, naatsorsuutinut aningaasaqarnermullu sullississut (ERP) aqqutigalugu nalunaarsuineq naqqiuteqarnerlu, kiisalu Peqqinnissaqarfiup naatsorsuuserinermi maleruagassaanik naatsorsuutinullu nalunaarsuinernik malitseqartitsisarneq ilitsersuinerlu.
Nakkutilliinermi akisussaaneq kukkunersiuinerlu
Kukkunersiuinermut Ataatsimiititaliap DcR-illu kukkunersiuinermut atatillugu suliffeqarfiup iluani misissuisitsinerini ataqatigiissaarinermut iliuuseqarfiginninnermullu akisussaaneq, tamatumunngalu atatillugu atortussanik piareersaaneq, ataatsimiinnerit apeqqutinullu akissuteqarneq
Peqqinnissaqarfiup aningaasaqarnermut immikkoortuinik qanimut oqaloqateqarneq ilitsersuinerlu
Peqqinnissaqarfiup naatsorsuuserineq pillugu maleruagassiaanik ukiumoortumik nutarterineq ataatsimoortitsinerlu
Ukiup naanerani naammassinninnerit ukiumoortumillu nalunaarusiorneq
Suliniutinik naatsorsuutinut nalunaarsuineq naatsorsuutillu kukkunersiorlugit misissoqqissaarneqarnerat
Suliniutinik aqutsineq suliniutinilu- soorlu innersuussutinik naapertuinermi, ukiumoortumik nalunaarusiornermi anguniakkat angusallu naleqqussarnissaanni peqataaneq.
Illit
Naatsorsuuserinermut tunngatillugu naapertuuttumik ilinniagaqarnissat ass. cand.merc., naatsorsuuserinermi HD assigisaanilluunniit ilinniagaqarnissat, kiisalu naatsorsuuserineq immikkut ilinniagaralugu minnerpaamik ukiuni arfinilinni misilittagaqarnissat naatsorsuutigaarput. Pisortani naatsorsuuserinermik misilittagaqarnissat makkunanilu peqataanissavit takusinnaanissaa iluaqutaassaaq:
Suliffik ulapaarfik suliassarpassualik, suleqatinut apeqquteqarneq siunersioqatigiinnerlu nalerisimaarnaraatit
Maleruagassanik suliffeqarfimmillu paasinnilluartuuvutit aningaasaqarnermullu tunngatillugu qarasaasiakkut sullisissutinik atuineq pikkoriffigalugu
Aaqqissuussamik suleriaaseqarputit, peqqissaartuullutit, uteriitsuullutit eqaatsumillu periuseqarlutit
Allattariarsorneq oqaatsinillu atuineq piginnaaneqarfigilluarpatit kiffartuussinissarlu inunnguutsinnik piginnaaneqarfigalugu
Ilinniagaqassutsikkut piginnaaneqarluartuuvutit, siuttuuneq oqaaseqarnissarlu merserinagit
Suleqatigiinni ilinniagaqassutsikkut ineriartornissamut suliassanullu akisussaffimmik tigusinissamut piareersimavutit.
Kalaallit Nunaanni Peqqinnissaqarfik – atitussuseq, unammilligassaq ilinniagaqassutsikkullu tulluusimaarneq
Kalaallit Nunaanni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq qitiusumillu immikkoortunut tallimanut- Dronning Ingridip Napparsimmavissuani qitiusumik immikkoortunut sisamanut, Kigutileriveqarfimmut, Kalaallit Peqqissartut Illuannut, Peqqinnissaqarfiullu ingerlatsinermut qitiusumik immikkoortuanut agguagaalluni.
Ilinniagaqassutsikkut unammilligassinniarpit, alapernaatsuuit atituumillu sulineq nunannaraajuk, taava nunatsinni Peqqinnissaqarfimmi sulineq ilinnut naleqquttuussaaq.
Nunatsinni Peqqinnissaqarfik: www.gjob.gl annertunerusunik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Sulilerfissaq ulloq 1. november 2024 imlt. isumaqatigiinnikkut.
Apeqqutissaqaruit atorfik pillugu tikilluaqqusaavutit uunga saaffinninnissarnut aningaasaqarnermut pisortaaneq Pierre Vassard oqarasuaat +299 554343 / piva@peqqik.gl imlt. pisortatut siunnersorti Thomas Vindberg oqarasuaat +299 344502 / thvi@peqqik.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.