Pædagogsaseerpungut, Immikortortaqarfimmut Tungujortumut Ivaaraq
Ivaaraq meeqqamut, inuusuttunut inersimasunullu annertuumik innarluutilinnut nuna tamakkerlugu paarsiviuvoq.
Marlunnik immikkoortortaqarpugut; tungujortoq qulinut inissalik kiisalu sungaartoq tallimanut inissalik. Najugaqartuutivut tamarmik ulluinnarni sutigut tamatigut ikiorneqarnissaminnik pisariaqartitsisarput. Nunatsinni taama ittuni kisiartaagatta najugaqartuutivut Nunatsinni sumiiffinnit assigiinngitsunit aggersuupput.
Immikkoortortatsinni tungujortumi massakkut qulingiluanik najugaqartulimmi perorsaasumik sulisussarsiorpugut. Najugaqartuutivut Nunatsinni sumiiffinnit tamanit pisuupput, immikkoortortamilu meeraqarlunilu inersimasoqarpoq.
Neqeroorutigaarput suliffik ineriartortoq, tamalaanik tunuliaqutallit suleqatigiinnerannik assut pingaartitsiviusoq.
Ujartorpatsigit:
• Perorsaasutut ilinniarsimasuuguit
• Annertuumik innarluutilinnik sullissinermut ilikkagaqarusuttuuguit
• Perosaanermi minnerpaamik ukiunik marlussunnik misilittagaqaruit
• Tamatigoortumik sulinermik nuannarisaqaruit kiisalu ulluinnarni sulinermik aaqqissuillaqqissuuguit
• Aporfinnik pinnatitk periarfissanik takunnissinnaassuseqaruit, najugaqartortattami maluginiutaannik annertuumik suliaqartarpugut.
• Sianiutinut attuumassutilimmik perorsaaneq ilisimasaqarfigigukku pitsaassaaq, tamannali immikkut piumasaqaataanngilaq
Neqeroorutigaarput:
- Suliffik assigiinngissutitsinnik assut ataqqinniffiusoq.
- Suliffik aamma illaqatigiinnermik pingaartitsiviusoq.
- Tassaavugut aqutsisut nutaat misilittagallit, ukiorpassuarni sulisimasunik sulisullit, ataatsimoorlutalu Ivaaqqami sulineq nutaamik toqqammavilersorparput.
Piffissani nikerartuni sulisassaatit, ullukkoortarlutillu unnukkoortassaatit, akunnerullu naanera allortarlugu sulisassallutit.
Kalaallisut oqaatsit sulinermi atugaammata kalaallisut pisinnaaneq minnerunngitsumillu kalaallit kulturiannut ilisimasaqarneq iluaqutaassapput.
Sukumiinerusunik paasisaqarusukkuit uunga sianiinnariannguarit: 645744 – imaluunniit mailerit: forstander@ivaaraq.gl
Aamma takuuk www.socialstyrelsen.gl, taassuma ataani innarluutilinnut ulloq unnuarlu neqeroorutit iserfigalugit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job