Pædagogisk ikiortaasoq
Perorsaasumut ikiorti
Ulloq atorfiniffissaq: 3 Januar 2025.
Angerlarsimaffik Ivaneq Namminersorlutik Oqartussanit pigineqarpoq aamma aaqqissuussaaneq naapertorlugu Isumaginninnermut Aqutsisoqarfiup ataani inissisimavoq.
Inissat amerlassusaat aamma immikkoortortaqarfiit
Imikkoortortanut arfinilinnut agguataarsimasunut 34-inut inissaqarpoq. Ukioqatigiiaat 0-17 inut ukiulinnut inissisimavoq.
Siunertaq
Toqqissisimanartumik, angerlarsimaffippalaartumik aaqqissuussaasumillu avatangiiseqarluni patajaatsunik inissaqartitsisunillu inersimasortaqarluni meeqqat ilorrisimaarlutik ineriartorlutik ilinniartinneqarnerinik akisussaaffilinnik siunertaqarnissaq Ivaneq-rup neqeroorutigissallugu siunertaraa. Meeqqat inuit ataatsimoornerini takuneqarlutillu tusaaneqarnertik malugissavaat. Meeqqat inuit attaveqarfigisarnerini assigiinngitsunilu ataatsimoortarnerini attaveqartariaatsit ilinniarnissaat aamma siunertaapput pingaarutillit, paaqqinnittarfimmi inuuneq, atuartuuneq, sunngiffimmi inuuneq aamma ikinnguteqarneq ilinniagassaanut pingaartunut aamma ilaapput. Meeqqap angajoqqaaminnut imaluunniit qanigisaminnut allanut attaveqarsinnaatitaaneri najorteqarsinnaatitaanerilu Ivaneq-rup tapersersussallugit pingaartitarai. Meeqqat ulluinnarni suliassanik unamminartunillu ilinniartinneqarnissaat aamma siunertaavoq, taamaalillutik siunissami paaqqinnittarfimmiikkunnaarunik nammineerlutik inuuneqarlutik akisussaaffimmik tigusisinnaanngortillugit sungiusarneqassapput.
Inummik perorsaariaaseq
Ivaneq-rmi akuersaarluni, attaveqartarluni attaveqaqatigiittarlunilu tunngaviusumik perorsaasoqartarpoq. Inunnik allanik naapitsisarluni inooqateqarlunilu meeraq imminut paasiartulertarpoq, imminut naleqartikkiartulersarpoq aamma imminut tatigiartulertarpoq, soorlu aamma inuit allat inooqatigalugit meeqqap akuersineq tigooqqarlugulu tunniussornissaanut ilinniartartoq. Patajaatsunik akuutitsisunik akuersaartunillu inersimasunit tunngaviusumik attaveqartarluni meeraq ilorrisimaarluni inuulertarpoq namminerlu piginnaasami misilerarsinnaalersarpai. Perorsaasup pingaarnerup pingaarnerullu tulliata meeraq toqqissisimanartumik isumannaatsumillu talerarnissaanut inissisimaffiit tigummisarpai. Ivaneq-rmi sullissinermi suleqatigiinnermilu oqaatsit pingaarit allat tassaapput akuersaarneq, peqqissaarneq, akisussaassuseq aamma suliaq aallaavigalugu sullissineq.
Perorsaanermi suliatta pingaarutillit aamma ilagivaat
Toqqissisimasumik meeqqamut tunngavik - Pingaarnertut aappaattullu attaveqaatit atortinneqarneri
Sanarfineqarneq siumullu nalunanngitsoq - aaliangersimasumik ullup ingerlarnga immikkoortortani tamani
Ulloq sammisassaqarfiusoq - meeqqat ullut tamaasa neqeroorfigineqassapput sammisassanik ukiuinut naleqquttunik
Atugarissaarneq pillugu ataatsimoortumik isumaq - inooriaatsimut malitassat immikkoortortani tamani
Isumaginninnermut Aqutsisoqarfiup kommuninillu suleqatiginerisa saniatigut suleqatigisartakkat
Ivaneq-rup najukkami atuarfiit, peqqinnissaqarfik politiillu pitsaasumik suleqatigissallugit pingaartitarai. Tarnip pissusaanik immikkut ilisimasallit suliffeqarfiup avataaneersut atuartitsisartut aamma oqaloqatigiinneq atorlugu imaajaasartut suleqatigineqartarput.
Immikkut ittumik neqeroorutit/ atugassarititaasut
Ivaneq inunnik persorsaanermini pinngortitaq akuttunngitsumik atortarpaa, imaatigut angalaarneq illuaqqaniinnerlu matumani ilanngullugit atortarlugit.
Perorsaasumut ikiortip akisussaaffiisa ilagaat:
Ikiortip qaninnertut pisortarivaa immikkoortumi pisortaq
Ikiortip akisussaaffii makkuupput:
Akisussaaffigivaa perorsaanikkut sulinini ingerlatissallugu, immikkoortumi ataatsimiinnerni aaliangersakkat immikkoortullu pisortaata innersuussutai , malillugit.
Suleqatit peqatigalugit meeqqanik nakkutilliinissaq ukiuinut piginnaasaannullu tulluarsakkamik immikkoortumilu meeraatinut toqqissisimanartumik isumaginnittumillu sinaakkusersuineq.
Immikkoortumi suleqatinut
Aalajaatsuunissaq, pisariaqarfiisigullu immikkoortuni allani sulisunut aamma taamaassaaq immikkoortumi pisortamut qullersarisanullu.
Ingerlaavartumik apuussisarnissaq meeraatinut tunngatillugu maluginiakkanik eqqarsaasersuutinillu, tassuunatigut ilaapput immikkoortuni allani pisut, tamaasa immikkoortumi pisortamut suleqatigisanullu apuuttarnissaat.
Immikkoortortami angerlarsimaffiullu sinnerani inuuneq ingerlasoq ineriartorneratigullu eqeersimaarluni peqataaffiginiarnissaa.
Qulequttanut, aqutsisut suliaannut suliaqarnernullu, attuumassuteqartunut malinnaallutit
Meeqqanik najugaqartunik isumaginninneq suleqatit peqatigalugit, immikkoortortami angerlarsimaffimmilu suliassatigut, immikkoortortap pisortaata pisortallu sinaakkusiussat maleruaqqusaat malillugit, taakkununnga ilaapput meeqqat najugaqartut ilaqutaannut pulaartitsinerit kiisalu tammaarsimaaqataanerit pilersaarusiorlunilu sammisassaqartitsinerup iluani pisassatigut
Aqqutissiuisarnissaq ilinniartitsisarnissallu, eqeersimaarlutit, peqataasarnissat.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.