Paasissutissanik misissueqqissaartoq, immikkut siunnersorti, AC-fuldmægtigiluunniit paasissutissanik misissueqqissaarnermi immikkut soqutigisarialik piginnaasalillu ujartorparput Ilinniartitaanermut, Kultureqarnermut. Timersornermut Ilageeqarnermullu Naalakkersuisoqarfimmi TDA-teamitsinnut piaartumik sulilertussatut ( paasissutissanik tamanik misissueqqissaarneq)

Piaartumik atorfinitsitsisoqassaaq

Ilinniarneq pillugu paasissutissanik, paasissutissanik katersinermik, paasissutissanik misissueqqissaarnermik kisitsisigullu paasissutissanik nuannarisaqarpit? Excel, SPSS, R Pythoenniluunniit atorlugit sungiusimaviuk? Politikkikkut aqunneqartumi suliaqarluarsinnaavit ilaanni ullormut suliassat piffissaliussat sukkasuumik allanngortillugit? Misissueqqissaarnermik eqqarsartariaateqarlutit paasissutissat tunngavigalugit nalunaarusiat, nassuiaatit saqqummiinerillu ajornaquteqanngitsumik naammassisinnaavigit? Taamaappat illit amigaatigaatsigit naalakkersuisoqarfitsinni TDA-teamitsinni, ilinniarnermut tunngasuni tamani paasissutissanik misissueqqissaarfiusumi.

Inuttut piginnaasatit

Sulisussarsiorpugut, suliamut tunngatillugu piginnaaneqartoq, tunniusimasoq suleqatigiillu akornanni ineriartornissaq pingaartillugu suleqatiginnikkusuttoq.

Suleqatigerusupparput suliamut tunngatillugu isumannaatsumik tulluusimaarluni tunniussisinnaasoq, digitaliusut atorlugit paasissutissanik misissueqqissaarnermi ineriartortitserusuttoq, peqqissaartoq, minnerunngitsumillu aaqqissuussaasumik suliaqartarsinnaasoq aammattaaq sulianik ataatsikkut arlalinnik namminersorsinnaasoq - aamma tatisimaneqarnermi. Suliassat siammasissuupput allaffissornermiit ingerlatsinermut naalakkersuinikkullu kiffartuussisarnernik ineriartortitsisarnerit, sulianik suliarinninneq, suliniummillu suliaqarneq.

Suleqatigiinnitsinni ileqqoqarpugut kikkut tamarmik aaqqissuussaanermut nutaanik eqqarsaatinik suliassanillu naammassinnittarnermut ilanngussisinnaatillugit. Ammasuuguit, suleqatikkuminartuulluarlutit, attaveqaqatigilluartuullutit suleqatikkuminarlutillu aammalu ilinniartitaanermut tunngasut soqutigigukkit taava suleqatissaraatsigit.

Kissaatigaarput, illit:

• Ilinniartitaaneq ingerlaqqiffiusoq kandidatitut qaffasissusilimmik kisitsisitigut paasissutissat tunuliaqutarilluarlugit, paasissutissanik misissueqqissaarnermi assingusunilluunniit ilinniagaqartutit.

• Paasissutissanik misissuinermilu sakkussanik misilittagaqartuusutit

• Excel, SPSS, R imaluunniit Python kisitsisitigut paasissutissanik suliarinninnermut misilittagaqarfigigit

• Ilinniartitaanermut suliassaqarfiit iluani assingusunik misilittagaqartutit, ilinniartitaanermullu politikkini anguniakkat unamminartuilu ilisimasaqarfigalugit. 

• Kalaallit Nunaanni inuiaqatigiit pillugit sukumiisumik ilisimasaqassasutit

• Ajornanngippat kalaallisut, nunat avannarliit oqaasiinik tuluttullu oqaatsitigut piginnaaneqarluartutit

• Tamakkiisumik isiginnillaqqissuusutit sulianillu ilungersunartunik tamanillu takunnissinnaassuseqarlutit piffissakikkaluarlutit.

Suliassatit pingaarnerit makkuupput:

• Paasissutissanik misissueqqissaarneq kisitsisitigullu paasissutissalerineq, matumani ilanngullugit paasissutissanik katersineq uppernarsaaneq, piareersaaneq, suliaqarneq misissueqqissaarnerlu.

• Suliassaqarfinni assigiinngitsuni ineriartortitsinermi suliniutinik peqataaneq

• Nalunaarusiorneq, immikkoortumut pilersaarusiorneq iliuusissatullu pilersaarusiorneq

• Naalakkersuinikkut sullissineq suliassaagallartunillu suliarinninneq, soorlu allakkialiorneq, nassuiaasiorneq, nalunaarusiorneq, nalunaarusiorneq, oqalugiaasiorneq, tusagassiorfinnullu nalunaarutissanik suliaqarneq

• Nalunaaruteqartarneq ilisimatitsisarnerlu ilaatigut EU-mut

Naalakkersuisoqarfik aamma ilinniartitaanermut immikkoortortaq pillugit

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup suliassai amerlaqaat - Naalakkersuisumik sullissinermit oqartussaaffimmik aqutsineq ilanngullugu. Ataatsimut isigalugu suliassaqarfimmi inuiaqatigiinni ilinniarsimassuseq qaffassarniarlugu kulturikkullu nukittorsaalluni sulisoqarpoq. Naalakkersuisoqarfimmi 35-t missaat atorfeqarput, taakkunani qulit missaat ilinniarnermut immikkoortortaqarfimmiillutik.

Akissarsiat atorfeqartitaanerlu

Paasissutissanik misissueqqissaartutut atorfik tassaavoq AC-Fuldmægtigitut atuuffiusussaq imaluunniit immikkut siunnersorti. Akissarsiat atorfeqarnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut pisinnaatitaaneq, Kalaallit Nunaanni Namminersorlutik Oqartussat kattuffiillu isumaqatiginninniarsinnaatitaasup akornanni isumaqatigiissutit/isumaqatigiissut atorfininnerup nalaani atuuttut naapertorlugit pissapput.

Paasissutissat allat

Atorfik pillugu paasisaqarnerorusukkuit imaluunniit Namminersorlutik Oqartussani sulineq qanoq innersoq pillugu apeqqutissaqaruit immikkut siunnersorti Dorte Vestergaard attavigisinnaavat, oqarasuaatikkut: +299 imaluunniit dove@nanoq.gl

Naalakkersuisoqarfimmi imaluunniit Ilinniartitaanermut Immikkoortortami sulineq pillugu paasisaqarusukkuit immikkoortortaqarfimmi pisortaq Trine Egede attavigisinnaavat oqarasuaatikkut: +299 55 91 47 imaluunniit mailikkut: treg@nanoq.gl.

Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareerpat sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngavoq, atorfeqarunnaarnermilu qimanneqassalluni.

 Qinnuteqaat, imminut ilisaritinneq, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit. E-mail aqqutigalugu qinnuteqaatit nassiussat tiguneq ajorpagut. Oqaloqateqarnerit ingerlaavartumik ingerlanneqassapput.

Qinnuteqarnissamut piffissaliussaq: Aprili 23-at 2025 [inuk] attaveqaat: Immikkoortortami pisortaq Trine Egede, oqarasuaat +299 559147

Qinnuteqaat nassiuguk