Paasissutissanik isumannaallisaanermik siunnersorti
Suliffeqarfik
Anguniakkatut takorluukkatta iluani ‘Nunarsuaq qaninnerulersipparput – immitsinnullu qaninnerulersilluta’ suliffeqarfiup sulisui 350 missaaniittut Nunarput tamakkerlugu nutaaliaasumik attaveqaqatigiinnikkut attaveqaasersuutit nutaaliaasut pilersinniarlugit sullipput. Teknologiip nutaanerpaap atorneratigut nunaqarfiit minnerpaat ilanngullugit internetikkut oqarasuaatitigullu avammut attaveqaateqartinneqarput.
Suliffik Nuummi Tusassip qullersaqarfiani inissisimavoq.
Suleqatigiit
Immikkoortortaqarfik tallimanik sulisoqarpoq (DPO-mi avataanit sulisoq ataaseq), suleqatigiillu suliamut piginnaasaqarneq, ikioqatigiinneq aaqqissuussamillu suleriuseqarneq tunngavigalugit sulinerminni kajumissusilimmik siuariartorneq ingerlappaat. Illit suleqatigiinni pingaarutilimmik inissisimalissaatit, susassaqarfigisannilu suliffeqarfiup iluani avataanilu soqutigisaqaqatigiit peqatigalugit ilusilersueqataanissamut periarfissagissaassaatit. Suleqatigiit inuppalaartuupput ulluinnarnilu qungujunnartunik nuannarisaqarluartuullutik.
Atorfik
Paasissutissanik isumannaallisaanermut immikkoortortaqarfimmi sulisutut nutaatut piginnaasannik ineriartortitsinissannut periarfissaqarluassaatit, ilanngullugillu suliassatit tassaapput:
- Suleriaatsinik ajutoorfiusinnaasunullu nakkutilliinermik pilersitsinerit
- NIS2/ISO27001 atorlugit suliaqarnerit, pingaartumik ajutoorutaasinnaasunik aqutsinerit
- Awareness pillugu paasititsiniaanerit
- Paasissutissanik illersuineq tassunga ilanngullugu aaqqissuussamik ingerlariusissiorneq
- Allannguutinik navianarsinnaasunik nakkutilliineq iliuusissatullu pisariaqartinneqartunik innersuussisarneq
- ”Incident response”-nut tunngatillugu piareersimanissamut/upalungaarsimanermut pilersaarutinik pilersitsinissamik qulakkeerinninneq, sungiusaaneq aammalu atuutitsineq
Atorfinittussaq
Nukittuumik ilisimasaqarluartumillu attaveqaataasussamik ujaasivugut, oqariartuutigisanik allassimasutigut aammalu oqalunnikkut tuniniaasinnaasumik, kiisalu soqutigisaqaqatigiinnut isumatusaartumik suleqatiginnittumillu oqaloqateqarsinnaasumik.
Suliassat akimorlugit suleqatigiinnut kajumilersitsisinnaanerit aammalu ataatsimut anguniakkanik pilersitsisinnaanerit, Tusassip iluani internetikkut paasissutissanik isumannaallisaanerup iluani qaffassaataassapput.
Ilinniakkatigut naleqquttumik tunuliaquteqassaatit aammalu ukiorpaalunni paasissutissanik isumannaallisaanermut tunngasunik suliaqarsimassallutit. Atorfik attaveqaasersuutinut pingaaruteqavissunut tunngammat isumannaallisaaneq pillugu akuerineqarnissat pisariaqarpoq.
Tekniskiusunik paasinnilluarsinnaasaatit, taamaasillutit isumannaallisaanerup tungaaniit teknikkikkut ajornartorsiutaasinnaasunik takunnissinnaassallutit kiisalu tamakku pillugit suleqatitit eqqartueqatigisinnaassallugit. Aammattaaq internetikkut isumannaallisaanerup paasissutissanillu isumannaallisaanerup silarsuaani nalunngisaqarluartuusaatit kiisalu SIEM-ip iluani aaqqiissutissanik ilisimasaqassallutit.
Aaqqissuussaasumik suleriuseqassaatit, soqutiginnillutit, akisussaaqataanermik misigillutit kiisalu namminersorsinnaassuseqarlutit suliassatit anguniarlugit sulisinnaassallutit. Taakku saniatigut ulluinnarni ilaatigut ulapiffiusartuni suleqatitit suleqatigilluarsinnaassavatit. Qallunaat oqaasiisa saniatigut tuluit oqaasii allannermi oqalunnermilu aamma sapinngisassaraatit. Kalaallisut sapinngikkuit iluaqutaassaaq piumasaqaataananili.
Suliffeqarfiup neqeroorutai
Tusass unammillernartumik atorfimmik, sulisutut aammalu inuttut ineriartornissamut periarfissaqarluartumik neqerooruteqarpoq. Suliffeqarfik suliffigiuminartoq, nuannersumik suleqatigiinneq aammalu ataqatigiinneq qaffasissumik inissisimasut.
Soqutiginartorpassuarnik suliassaqassaatit, tunniusimasunik, piginnaasaqarluartunik suliffimmilu pimoorusussisunik suleqateqassallutit.
Piginnaasatit tunngavigalugit pitsaasumik aningaasarsiaqarnissannut neqeroorfigineqassaatit aammalu Kalaallit Nunaanni inuunissamut ikiorneqassallutit.
Qinnuteqaat
Atorfimmut uunga tunngatillugu Skandinavisk Computer Rekruttering (SCR) atorfinitsitassarsiornermi suleqatigineqarpoq.
Uani atorfik qinnutigiuk Informationssikkerheds specialist, Nuuk
Qinnuteqaatit ingerlaavartumik nalilersoratsigit neriuppugut illit qinnuteqaatit piaartumik tigussallugu. Atorfimmut tunngasumik apeqqutissaqaruit imaluunniit una periarfissaq immikkuullarissoq paasisaqarfiginerorusukkukku siunnersuisuunerup Klaus Bendixenip saaffiginissaanut tikilluaqqoreerpatsigit, sianerlutit +45 60 20 45 46 imaluunniit emailikkut allallutit kb@scr.dk