Paamiuni Qinikkanut Allatseqarfimmi konsulent-imik pikkorissoq tunniusimasorlu
Qinikkanut Allatseqarfik borgmesterimut pisortaqatigiinnullu pingaarutilimmik inissisimavoq kommunillu oqartussaaffiinik anguniagaanillu ikorfartueqataassalluni.
Qinikkanut allatseqarfik qinikkanut kiffartuussinermik akisussaaffeqarpoq borgmesterimullu sullissinerup saniatigut kommunalbestyrelsimi ilaasortat nunaqarfinnilu aqutsisuni ilaasortat aamma najukkami ataatsimiititaliat sullittarpai. Nunaqarfinnut ataqatigiissaarisup akisussaaffigissavai Kitaani nunaqarfinni aqutsisut sullinnissai, tassa, Arsuk aamma Qeqertarsuatsiaat/ Kapisillit nunaqarfinni aqutsisut kiisalu Paamiuni najukkami ataatsimiititaliaq.
Atorfimmut tunngasut:
∙Atorfimmi suliassat pingaarnersaat tassaavoq Kitaani nunaqarfiini aqutsisunut, Arsuk aamma Qeqertarsuatsiaat/ Kapisillit, Paamiunilu najukkami ataatsimiititaliamut sullissineq. Tassaasinnaapput assersuutigalugu ataatsimiinnerit ingerlanneri, soorlu oqaluuserisassat piareersarlugit imaqarniliornernillu suliaqarneq. Aalajangikkanik atuutilersitsineq malitseqartitsinerlu. Tassunga ilanngullugit aalajangikkanut tunngatillugu ingerlaavartumik killiffiit pillugit ilisimatitsisarneq.
∙Nunaqarfiit aqutsisuinut najukkamilu ataatsimiititalianut aningaasaliissutit pillugit missingersuutit malitseqartinneri.
∙Nunaqarfinni aqutsisut sullinneqartarput Nuummi nunaqarfinnut aqutsisunut ataqatigiissaarisoq suleqatigalugu aammalu najukkamilu ataatsimiititaliat sullillugit
∙Politikkimi ataatsimiinnerit ikorfartorlugit assersuutigalugu ataatsimiititaliat ataavartut ataatsimiinnerini, Aningaasaqarnermut Inuussutissarsiornermullu ataatsimiititaliap aamma Kommunalbestyrelsip ataatsimiinneri ilanngullugit eqqarsaatigalugit.
∙Immikkoortortami aqutsisoq allatseqarfimmi suliassanik ikiorlugu.
∙Suliassat allat susassaqarfiup iluaniittut.
∙Suliassat takkussuuttut malillugit
Naatsorsuutigaarput:
∙Allaffimmiutut ilinniarsimasuuneq, assingusumilluunniit
∙Nammineerlutit akisussaaffimmik tigusisinnaasutit
∙Pisuni ulapaarfiusuni eqqissillutit sulisinnaasutit
∙Allatseqarfimmut sullissilluartunut suleqataalluarsinnaassasutit
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Aamma pingaartipparput:
∙Allattariarsornikkut oqalunnikkullu ersarissumik attaveqarsinnaanissat
∙Akisussaaffeqarlutit pitsaassutsimillu pingaartitsillutit kiisalu suleqatikkuminartuussaatit
∙Kalaallisut qallunaatullu oqalussinnaasoq piumaneruarput
∙Suliassaqarfimmik inerisaanissamik soqutiginninnissaq
Makkulu neqeroorutigaavut:Suliffik ineriartornissamut allannguinissamullu namminersorluni akisussaaffeqarluni periarfissalik. Aamma suleqateqarpugut pikkorissut tunniusimasullu. Ullut suliffiit assigiittanngillat ullormullu pilersaarutaagaluartut amerlasuutigut allaanerusumik imaqartarput. Inuttut piginnaasanillu ineriartortitsinissamut periarfissagissaartoq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Regionchef Heidi Jeremiassen oqarasuaat +299 36 76 70 imaluunniit e-mail: heja@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1125-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 19.-at, 2024