Paamiuni pisiniarfiup pisortaanut tullersorti
KNI A/S pikkorissumik, angusaqarluarniartumik uummaarissumik sulilluarniartorujussuarmik, Paamiuni ni-oqqutissaqarnermi immikkoortortaqarfia pisortamut tullersortimik pissarsiorpoq ulloq 1. september 2024 imaluunniit isumaqatigiissuteqarnikkut sulilersussamik.
Pitsaanerpaamik pisisartunik sullissineq pingaarteqaarput, tamatumunngalu suleqataanissat kiisalu iluatsit-silluaannarnissatsinnut suleqataarusussuseqarnissat naatsorsuutigaarput. Ulluinnarni sulininni annertuumik kiffaanngissuseqarlutit sulissagavit akisussaaffeqarnermik ilisimaarinninnissat pingaarnersiuillutillu piffissa-mik suliffissannik pilersaarusiorsinnaanissat pingaaruteqarpoq.
Unammillerusussuseqarnissat naatsorsuutigaarput, kiisalu sulisut suleqatigalugit pisisartut pisiniarnerminni pitsaanerpaamik misigisaqartinnissaasa qulakkeernissaani ineriartortitsisinnaanissat nutaamillu eqqarsar-tarnissat.
Tullersortip pisiniarfiup pisortaa qaninnertut pisortarissavaa.
Pisiniarfiup pisortaa peqatigalugu akisussaaqataaffigissavatit:
- • Pisiniarfik siuariartortinnissaanik periarfissarpassualik
- • Pingaaruteqaqisumik pisisartunik attaveqarfiujuartussamik nioqqutissanik quersuarmiit tuniniaan-ermi kaaviiaartitat annertuut
- • Pisisartutsinnut pilerilersitsisinnaasunik sammisassanik pilersaaruteqartuarnissaq
- • Pisiniarfiup pisortaa peqatigalugu pisiniarfimmi sulisunullu tunngatillugu allaffissugassanik akisus-saaneq
Tullersortitut pingaarnertut suliassatit makkuussapput:
- • Pisiniarfiup tuniniaanissaani piareersimajuaqqullugu nioqqutissanik pilersorneqarnissap ingerlaa-vartuarnissaa qulakkeerlugu
- • Sulisut sapinngisartik tamaat sulilluarsinnaaqqullugit ineriartortillugit kaammattorlugillu
- • Pisisartunik suleqatigisartakkanillu pitsaasumik suleqateqarusussusilimmik attaveqarneq
- • Pisiniarfiup tuniniaanissaani ullut tamaasa piareersimanissaa
- • Sammisassanik neqeroorutigineqartussanillu pilersaarusiorneq
- • Pisiniarfiup pisortaata peqanngiffiini paarlattaasarnissaq
Atorfik imaattumik inuttalerusupparput:
- • Angusaqarusuttoq anguniagassanillu ilisimaarinnittoq
- • Imminut sulisorisanullu pitsaanerpaatitsinissamik piumasaqaatilik
- • Imminut sulisorisanillu ineriartortitsisinnaasoq, inuttut sulisutullu
- • Pissuseriinnarlugu aqutsisuulluni isumassarsiortitsillunilu kaammattuisinnaasoq
- • Ulapaarfinni aqutsilluarsinnaasoq
Atorfinittussamut neqeroorutigaagut:
- • Akissarsiat: KNI A/S SIK-llu isumaqatigiissutaat atuuttut naapertorlugit
- • Atorfimmut atatillugu inissaqartitsisoqanngilaq
- • Atorfik pissanganartoq ulluinnarni ulapaarfiusoq
- • Piginnaanngorsaqqinnissamut periarfissat pitsaasut
Atorfik pillugu paasisaqarnerorusukkuit pisiniarfiup pisortaa Jens Jakob Rasmussen-Abrahamsen attavigine-qarsinnaavoq oqarasuaatikkut: 86 84 38, mobil: 22 20 47 imaluunniit mail-ikkut: jjb@kni.gl.
Qinnuteqaat
Qinnuteqaat sukumiisoq tunngavilersugaq pineqaatissiisarneq pillugu allagartaq, ilinniarsimanermut siusin-nerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attave-qarfiginissaanut paasissutissaq, tigoreersimassavarput kingusinnerpaamik ulloq 18. august 2024.
Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaap-poq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.
Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qa-nittumi kiisalu Kangerlussuarmut timmisartunut mittarfimmut avammut avataaniillu attaveqaatit eqiteruf-fiannut inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqar-pugut, ukiumullu 2,5 mia. kr.-it pallillugit kaaviiaartittarlutigit.
Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqati-giit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unam-milligassanillu qaangerniagassalimmut tikilluarit. KNI-p silarsuaanut tikilluarit.