Paamiuni Meeqqanut Ilaqutariinnullu Ingerlatsivimmi Fagchefi
Meeqqanut ilaqutariinnullu inuuniarnermikkut ajornartorsiuteqartunut allanngueqataarusuppit?
”Isumaginninnermi siunnersortiuit, aqutsisutut pikkorissuuit aamma meeqqaanut ilaqutariinnullu tunngasunik ilungersuussuserusuttuuit, Paamiunilu Meeqqanut Ilaqutariinnullu immikkoortortami aallussisuulluarusuttuullutit?
Taamaappat illiusimassaaq Paamiuni Meeqqanut Ilaqutariinnullu Ingerlatsivimmi fagchefigerusutarput”
Fagchefitut inatsisit atuuttut aamma politikkikkut anguniakkat suliassatigullu ingerlatsinermi ataqatigiisitsinissamut tamakkiisumik takunnissinnaassuseqassaatit. Tamanna ajornakusoortuuvoq, aqutsisutulli suliaqarfigissallugu pissanganartuulluni. Fagchefitulli matuma siuliini taaneqartut aallaavigalugit Paamiuni meeqqanut ilaqutariinnullu inuuniarnermikkut ajornartorsiuteqartunut allannguinissamik angusaqarfiusunik pitsaasunik siunnerfiliisinnaavutit.
Meeqqanut Ilaqutariinnullu Immikkoortortaqarfik politikkikkut kikkunnillu tamanit annertuumik isiginiarneqartarpoq, pingaartumik Paamiunut tunngatillugu. Tamanna pillugu apeqqutaasorujussuussaaq, taamatut tatineqaraluarlutit sulisinnaassuseqarnersutit peqatigitillugulu patajaatsumik ingerlatsisinnaassuseqarneq ineriartortitsisinnaassuseqarnerlu qulakkeersinnaanissaat. Ulluinnarni suliatigut unammilleruminaatsunik, ajornartorsiutinik takkuteriataartunik suliaqarsinnaassaatit aamma tamatiguussuseqarluni pitsaasunik aaqqiisinnaassuseqartariaqassaatit. Taamaattumik isumaginninnermut tunngasuni annertuumik piumassuseqartariaqassaatit, aaqqissuussaasumik sulisinnaassaatit nalinginnaanngitsumillu akisussaaffimmik tigusisinnaassuseqassallutit.
Aaqqissuussaanikkut Paamiuni Meeqqanut Ilaqutariinnullu Ingerlatsivimmi inissisimassaatit. Meeqqanut Ilaqutariinnullu Ingerlatsivimmi pisortaq qaninnertut pisortarissavat aamma Ingerlatsivimmi chefeqatigiinnut ilaassallutit.
Atorfik piaartumik isumaqatigiinnikkulluunniit inuttalerneqassaaq, atorfimmullu atatillugu isumaginninnerup iluani ilinniagaqarsimanissaq piumasaqaataavoq.
Naatsorsuutigaarput qinnuteqartoq:
∙Aqutsisutut ilinniarsimaneq aammalu aqutsinermik misilittagalik, tassanilu politikkikkut aqunneqartumik aaqqissuusaasumik pisortaaqatigiinni aqutsineq.
∙Isumaginninnermi siunnersortitut ilinniarsimaneq, isumaginninnermut aqutsinermullu ilinniarsimaneq kiisalu katsorsaanermut tunngasunik ilinniagaqaqqissimaneq.
∙Isumaginninnikkut, perorsaanikkut aammalu katsorsaanermut tunngasunik suliatigut ilisimasalimmik, tassunga ilanngullugu inatsisinik atuuttunik.
∙Aqutsisut aqqutigalugit aqutsisinnaanermut pikkoriffeqarneq aamma attanneqarsinnaasumik aqutsisoqarfimmini allanngortitsisinnaasoq.
∙Periusissiortartutut eqqarsarsinnaassaatit, inuttut aalajangiusimannissinnaassuseqartutit sunniuteqarsinnaassuseqarluarlutillu
∙Aaqqiissutissanik ujartuillaqqissoq ineriartortitserusuttorlu
∙Sulisunut, suleqatinut, suleqatigisartakkanut il.il. ataqqinnittuullutillu akuersaartuusutit.
Kalaallit Nunaani pissutsinik ilisimasaqartutit kalaallit oqaasiinik piginnaasaqarneq suliassarpassuarnik ajornartorsiuterpassuarnillu naammassinnissinnaanissamut aalajangiisuulluinnassapput.
Suleqatigiinnut aqutsisoq katsorsaavimmilu aqutsisoq peqatigalugit ulluinnarni uku suliarisassavatit:
Fagchefitut oqartussaaffeqarfik (BFA) aamma ikiorsiissuteqartarfik (BFC) akisussaaffigissavatit. Oqartussaaffeqarfik isumaginninnermut siunnersortini, sullissisuni aqutsisuusumit ulluinnarni aqunneqartarpoq, eqqortumillu sukumiisumik suliamik suliaqartarneq qulakkeerneqartarluni. Ikiorsiissuteqartarfimmi immikkoortortami aqutsisup suliniutit innersuussutigineqartut, tassunga ilanngullugu Meeqqanik Ilaqutariinnillu Kiffartuussivimmut, ilaqutariinnik aqqutissiuussisartunut, inuusuttunik siunnersortinut/inuusuttunik kiffartuussivimmut, ilaqutariit siunersiueqatigiinnissaannut, ilaqutariit iliuuseqarfigineqarnissaannut, ilaqutariit inissiaannut qimarnguimmullu innersuussisarneq.
Taamaattumik fagchefitut inatsisit paasiuminaassinnaasut peqatigalugulu isumaginninnerup iluani suliniutit sukumiisunik ineriartortitsinermik isumannaatsumillu ingerlatsineq ajornaquteqanngitsumik isumagisinnaasariaqarpatit.
Neqeroorutigisinnaavavut:
∙Atorfik pissanganartoq tamatigoortorlu assigiinngitsorpassuarnik unammillernartulik annertuumillu sunniuteqarfiusinnaassaaq.
∙Ataavartunik allannguinissamik periarfissaqartitsisoq.
∙Siunersioqatigiinneq.
∙Suliatigut inuttullu ineriartornissamut periarfissat pitsaasut.
∙Kalaallit Nunaanni illoqarfiit annersaanni najugaqarnissamut periarfissaq, kiisalu kitaani tunumilu illoqarfinnut nunaqarfinnullu allanut angalanissanut periarfissat.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Direktør Frederik Lundblad, oqarasuaat +299 366080 imaluunniit e-mail: frel@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 1168-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 2.-at, 2024