Paamiuni Ingerlatsinermut pisortassarsiorneq
Kommuneqarfik Sermersooq Paamiut kommunip Paamiuni aamma Kitaani nunaqarfinni (Arsuk, Qeqertarsuatsiaat kiisalu Kapisillit) ingerlatsinermik aamma aserfallatsaaliinermik suliassaanut pilersaarutaanullu tamakkiisumik akisussaaffeqartussamik ingerlatsinermut pisortassarsiorpoq.
Paamiuni najukkami ingerlatsinermut pisortatut ataqatigiissaarisuussaatit akunnermiliuttoq, siunissami suliassat pilersaarutillu siuariartornerannik qulakkeerinnittoq, pingaartumik kommunip Paamiuni nunaqarfinnilu sanaartugassai ataatsimoortut eqqarsaatigalugit.
Taamaattumik illit tamakkiisumik akisussaaffigisassatit tassaassapput suliassaqarfiit siammasissut taakkua imaralugit kommunip illut pigisai, sanaartugai, attaveqaasersuutai kiisalu atortussaasivik, tigooraavik aamma entreprenøritut ingerlatsineq Kommunip teknikkeqarnera ataatsimoortoq kiisalu Paamiuni nunaqarfinnilu ingerlatsinermik aserfallatsaaliinermillu suliallit ulluinnarni akisussaaffigissavatit, ilaatigut tassaasut immikkoortortani aqutsisut aamma pilersaarutinut aqutsisut.
Paamiuni najukkami allaffissornermut attuumassuteqassaatit aamma illit ulluinnarni sulinerit tassannga aallaaveqassaaq.
Taamaattoq Kitaani kommunip nunaqarfiini angalasarnissat naatsorsuutigissavat, nunap immikkoortuaniittut taakku atorfimmit akisussaaffigineqarnerat pissutigalugu. Ulluinnarni Paamiuni Immikkoortortamut aqutsisup ataani inissisimassaatit.
Ingerlatsinermut aqutsisutut suliffimmik namminersorfiusumik akisussaaffeqartumillu ingerlatsissaatit suliamut inuttullu ineriartornissamut periarfissaqarluartumik.
Suliassat pilersaarutillu assigiinngitsorpassuit tamatigoortullu ingerlattassavatit kommunip illut pigisaasa, sanaartugaasa, attaveqaatersuutit assigisaasalu kommunimi innuttaasunut inuussutissarsiortunullu pitsaasuunerat, patajaatsuuneranik akisussaassuseqartumillu ingerlanneqarnerat qulakkeerumallugit.
Pingaarnertut suliassatit tassaassapput:
·Kommunip Paamiuni teknikkikkut ingerlataannik aamma ingerlatsinermik aserfallatsaaliinermillu sulialinnut tunngasunik tamakkiisunik aqutsineq.
·Ataqatigiissaarinermik suliassat pingaarnerit kommunip illunut pigisaanut, sanaartugaanut, attaveqaasersuutaanut teknikkikkullu sullissinertut tunniussaata ingerlanneqarnerannik aserfallatsaalineqarnerannullu tunngapput.
·Suliassat pilersaarutillu siunissamut qulakkeerneqarnerat malittarineqarnerallu, pitsaassuseq aningaasaqarnerlu ilanngullugit.
·Paamiuni kommunip illunik pigisaasa sanaartukkatullu suliaasa ataatsimoortut aserfallatsaalineqarnissamik pisariaqartitsinerannik nalilersuiuarneq.
·Kommunip ingerlatsinermut sanaartornermullu missingersuutaanik najukkami nutaanik paasissutissiineq.
·Paamiuni soorluttaaq Nuummi suliassat pilersaarutillu pillugit suleqatit siunersioqatiginerat.
·Erngertumik suliarisariallit pingaartumik ingerlatsinerup teknikkitaanut suliassaqarfimmut tunngasut.
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Suliatigut inuttullu piginnaasatit:
·Aqutsinermik kiisalu ingerlatsinermik, aserfallatsaaliinermik pilersaarutinillu aqutsinermut misilittagaqartoq
·Teknikkimik tunngaviusumik aamma naatsorsuuserinermik tunngaviusumik paasinnissinnaassuseqartoq
·IT-mik atuisinnaanermut ilisimasaqartoq, pingaartumik Office-pakken.
·Arlalinnik ataatsikkut suliaqarsinnaassuseqartoq.
·Allattariarsornikkut oqaatsitigullu erseqqissumik attaveqarluarsinnaasoq
·Namminersorluarsinnaasoq, saaffigiuminartoq, tunniusimasoq akisussaaffeqartorlu
·Suliassanut naleqqussarsinnaassuseqartoq
Tamatuma saniatigut ulluinnarni pisussat siumut ilisimaneqartannginnerat piareersimaffigissavat, tamatumanilu paasisimasaqarnissat ullullu ingerlanerani assigiinngitsunik suliaqarsinnaanerit pisariaqarpoq. Ataqatigiissaarisinnaasariaqarputit pilersaarutillu assigiinngitsut amerlasuut akuutinneqarnerat piareersimaffigalugu.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Nunap immikkoortuani pisortaq Heidi Jeremiassen, oqarasuaat +299 36 76 70 imaluunniit e-mail: heja@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1089-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 8.-at, 2024