Paamiuni ikorfartoqatigiit sulisussarsiorpoq
Paamiuni ikorfartoqatigiit sapaatip akunneranut 40 tiimit sulisartussamik sulisussarsiorpoq
Innarluutilinnut tarnikkut nappaatilinnullu Immikkoortortaqarfik Paamiuni ikorfartoqatigiinni sulisussarsiorpoq maannakkumut Najugaqatigiiffik Naasunnguani inissisimagalluartumi isumassuerusussusilimmik inussiarnersumillu sulisussarsiorpoq. Taamatut sulinissaq uummateqarfigiviuk, aamma najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.
Atorfik sap.ak. 40 tiiminik suliffiuvoq - piffissat suliffiusussat nikerartuussapput aamma sapaatip-akunnerisa naanerini sulisoqartassaaq. Najugaqatigiiffimmi sulisut 2 suleqatigisassavat, taakku sapaatip-akunneranut 40 tiimini sulisarpoq.
Najugaqatigiiffik Naasunnguani najugaqartut sisamaapput taakkulu eqqarsartaatsikkut sanngiillisimasuupput aammalu ineriartornermikkut akornuteqartuullutik. Najugaqartut namminneq ineeraqarput taavalu igaffik, ini, uffarfik perusuersartarfillu ataatsimoorullugit. Illit pingaarnertut suliassarissavat najugaqartut eqqarsartaatsimikkut, inooqataanikkut aamma nalinginnaasunik piginnaasassanik inerisaaviginissaat, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit.
Suliassatit:
·Najugaqartut nammineernerulernissaat inuunerisalu pitsaanerulernissaat ineriartortillugit ilaatigut najugaqartunut iliuusissatut pilersaarusiat najoqqutaralugit sulineq.
·Najugaqartut ulluinnarni sammisassanut kajumissaarlugillu tapersersortassavatit assersuutigalugu pisuttuarnermi, pisiniarnermi, nerisassiornermi nakorsiarnermilu.
·Suleqatit, aqutsisoq najugaqartullu suleqatigalugit najugaqatigiiffimmi ataatsimoornerulersitsineq.
Suliassat najugaqatigiiffimmi sulisut allat kiisalu illup iluani avataanilu suleqatigisat qanimutsuleqatigalugit suliarineqassapput, matumani sullissisut, Dronning Margrethe´p Napparsimmavissua aamma Pinerluttunik Isumaginnittoqarfik ilanngullugit.
Ilinnut naatsorsuutigineqartut:
·Inunnik sullissinermi misilittagaqarputit, suliassaqarfiup iluani misilittagaqaruit pitsaasuussaaq
·Isumassuisoq, inussiarnersoq suliffiullu pitsaasumik avatangiiseqarnissaanik takunnissinnaasoq
·Ilinnut siuarsarusupputit immikkoortortaqarfitsinnillu ineriartortitserusullutit, taamaalillutit najugaqartumut allannguineq pingaaruteqarluinnartoq pilersillugu
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Uagut pilluta:
Atorfimmi tassani ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu ikorfartuisoqatigiit pingasunut Nuummi, Tasiilami Paamiunilu agguataarsimasut.
Immikkoortoqarfimmi annertuumik ineriartortitsiffiusussami pissanganartumilu atorfimmik neqeroorfigaatsigit. Ineriartortitsinermi ilaatigut pineqarput sulilerlaatut iluamik ilitsersuunneqarnissat, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqartut.
Naatsorsuutigaarput atorfininnermut oqaloqatiginninneq ingerlanneqassasoq sapaatip akunnerani 40-mi.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Andrine Jensen, oqarasuaat +299 36 76 85 imaluunniit e-mail: anje@sermersooq.gl, imaluunniit uunga saaffiginninnissannut tikilluaqqusaavutit: Tullersorti Najaaraq Raklev, oqarasuaat +299 36 66 65 imaluunniit e-mail: najar@sermersooq.gl
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 958-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 7.-at, 2024