Oqallititsinermi aallakaatitassiortoq
Teaser:
KNR-ip oqallitsitsinermi aallakaatitassiani inerisarumavai. Tamanna ilaatigut pissaaq matumani atorfissarsiuussinermi. Oqallitsitsisarnerup iluani inerisaanissaq ukkatarineqassaaq, kiisalu sapaatit akunneri tamaasa assigiinngitsutigut oqallitsitsisarnissaq pisassasoq naatsorsuutigineqarpoq.
Marts-ip aallaqqaataani 2025-mi imaluunniit isumaqatigiinnikkut atorfininnissaq ullulerneqarpoq.
Annonce.:
Oqallitsitsinermi aallakaatitassiortup oqallitsitseriaatsit qanoq ittuussanersut aaqqissuisoq peqatigalugu inerisarnissaat peqataaffigissavai. Pingaartillugu oqallitsitseriaatsit assigiinngitsut ilanngullugit eqqarsaatigineqassasut- pingaartumik SoMe, Radio aamma TV eqqarsaatigalugit. KNR-ip atuisuisa peqataatinneqarnissai pinngitsoorneqassanngilaq.
KNR-ip aammattaaq kissaatigaa oqallitsitsinerit nalitsinni pisuni politikkikkut, tusagassiutitigut imaluunniit inuiaqatigiinni allatigut aallaaveqassasut. Sammisat arlaliusinnaapput, kisianni KNR-ip ilumoorussilluni, isornartorsiuisinnaassuseqarluni ataavartumillu periuseqarluni oqallitsitsinerit maanna inerisarusuppai.
Atorfik aaqqissuussaanikkut KNR Radiomi inississimassaaq tassanilu tusagassiortut aaqqissuisullu suleqatigineqarlutillu isumassarsioqatigineqartassapput. Qitiusumik nammineerlutit aaqqissuisoq tapertaralugu, oqallitsitsinerit inerisarlugit piareersarlugillu naammassisassavatit. Taamaattumik namminersorsinnaassuseq pisussaassuserlu annertooq piumasaqaataavoq.
Inuiaqatigiit oqallinnermik pitsaanerpaamik, pingaarnerpaamik aammalu uummarinnerpaamik tunerusuppavut, ilaajumaguillu naatsorsuutigaarput:
- Kalaallit Nunaanni inuiaqatigiinni pissutsinik ilisimasaqarluassasutit
- Namminersorsinnaallutillu angusassanik toraagaqartuussaatit
- Aqutsinermik misilittagaqarneq ilinniagaqarnerlu iluaqutaassapput
- Tusagassiortutut assigisaanilluunniit ilinniagaqassasutit
- Tunniusimallutillu sungiussiassaatit
- Suleqatiginnilluarsinnaassasutit, qiimasuussasutit aammalu isorinnissuseqarsinnaanermik piginnaaneqassasutit
Oqallitsitsinerit kalaallisut ingerlanneqartarput. Taamaattumik kalaallisut allannermi oqalunnikkullu sanngisuumik eqqortumillu oqaaseqarnissat piumasaqaataavoq.
Akissarsiat aammalu atorfinitsinneqarnermi atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarannut Kalaallit Nunaani Namminersorlutik Oqartussat kattuffiullu isumaqatigiinniarsinnaati-taasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaqartitaaneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Atorfik pillugu paasissutissat amerlanerusut radiomi pisortamut Evi Kreutzmann-imut saaffiginnissuteqarnikkut pissarsiarineqarsinnaapput, uunga +299 364664, ekr@knr.gl imaluunniit Oqallitsitsinermi aaqqissuisumut Thora Monrad Hansenimut mail tmh@knr.gl oqarasuaat 585901.
Qinnuteqaat nalunaaqutserneqassaaq: ”Oqallitsitsinermi aallakaatitassiortoq” CV-millu ilinniakkanut uppernarsaammik siusinnerusukkullu atorfigisimasanik uppernarsaatinik imaqassalluni.
Qinnuteqaat kingusinnerpaamik 01. Marts 2025 tigoreersimassavarput.
Qinnuteqarnissamut killissarititaasoq: februaarip 5.-at, 2025