Nuussuup Atuarfia/ heldagsskole perorsaanermik tunuliaqutilimmik tullersortissarsiorpoq
Kommuneqarfik Sermersooq, Nuussuup Atuarfia/ heldagsskole, atuareernerup kingorna sammisassaqartitsivimmi perorsaasumik assigisaanilluunniit ilinniagaqarsimasumik immikoortortami tullersortimik pissarsiorpoq
Nuussuup Atuarfia naatsumik:
Nuussuup Atuarfia alloriarfinnut pingasunut agguagaavoq 308-inik atuartoqarluni 1. – 10. klassimi atuartunik aammalu 48-inik piumassuseqarluartunik ilinniartitsisoqarluni. Atuarfik 24-inik klasseqarpoq, taakkunannga 16-nit klassiullutik nalinginnaasut 8-llu specialklassiullu-tik.
Heldagskole tassaavoq atuartunut klassemi nalinginnaasumi atuaqataasinnaanngitsunut. Heldagskole atuartunut immikkut atuartinneqartussanut atuarfiuvoq. Heldagsskolemi atuartunut tamanut pissarsiffiusumik aalajangersimasumik ataqatigiissaakkamik atuarfiusoq, atuartut inuttut ilikkagassatigullu anguniagaannut ineriartorfiuvoq.
Atuaarereernerani sammisassaqartitsivimmi immikkoortortami tullersortip suliarissavai:
Meeraq atuarnerani, atuareernerullu kingorna sammisassaqartitsivimmi sammisassaqartitsissaaq, immikkoortortamilu aqutsisup suliassaanik tigusisinnaassalluni.
Naatsorsuutigaarput:
·Perorsaasutut/ assigisaanilluunniit ilinniagaqarsimaneq
·Immikkut atuartinneqartunut/ pisariaqartitsisunik sullissisimanissaq
·Akuersaartuussaatit, tunniusimasuussaatit, akisussaassuseqartuullutillu aallarnisaasuussaatit
·Ammasuullutillu ilumoortuussaatit attaveqatigiissitsillaqqissuussallutillu attaveqallaqqittuussaatit
·Suleqatinik, aqutsisunik angajoqqaanillu pitsaasumik suleqateqarusussuseqartuussaatit
·Aporfiit salliutinnagit periarfissanik takunnissinnaassaatit
·Atuareernerisa kingorna sammisassaqartitsivimmi avatangiisaani tamatigoortuni ineriartornermullu sammisuni ilanngunnissannut kajumissuseqartutit
·Atuareernerup kingorna immikkoortukkuutaarlugit agguataagaasumi suleqatigiinnut ilanngussinnaasutit suleqatigiinnillu taakkuninnga ineriartortitseqataasinnaassaatit
·Ineriartortitsinissamik angusarissaarnissamillu pingartitsisuunissat, eqeersimaartoq uummaarissorlu
·Immikkoortartami aqutsisup peqanngiffiini akisussaaffimmik tigusisinnaasoq
·Sammisassaqartitsivimmi aqutsisinnaasoq
·Immikkoortortami aqutsisoq suleqatigalugu immikoortortap anguniagaanik suleqatiginnissinnaaneq Innarluutilinni sullissineq ilisimasaqarfigigit
·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaavut:
Ullut allanngorartut ineriartorfiusut.
Suleqatigiilluarneq/ilisimalikkanik avitseqatigiinneq
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Karola Kristiansen, oqarasuaat +299 36 64 12 imaluunniit e-mail: kami@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 129-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 27.-at, 2025