Nuussuup Atuarfia pedelit naalagaannik pissarsiorpoq
Nuussuup Atuarfiani pedelit
Nuussuup Atuarfiani pedelit katillugit sisamaapput: pedelit naalagaat, pedelinut ikiortit marluk kiisalu kaffiliortoq
Pedelit aqutsisuata ilaatigut makku suliassarai:
∙Pedelimut ikiortit kaffiliortullu suliassaasa aaqqissuunneri
∙Atuarfiup illutai, pigisai, teknikkikkut ivertitat eqqiaanerlu nakkutigissallugit
∙Eqqagassat atuarfiullu eqqaata eqqiluitsuutinnissaa
∙Allakkanik aallerneq, aatsineq agguaassinerlu il. il.
∙Pisianik atortussanillu tikittunik tigooqqaaneq agguaassinerlu
∙Atuartut nerisassaannik immikkoortitsineq agguaassinerlu
∙Aserfallassimasunik mailikkut nalunaarutiginninnerit
∙Atuarfiup lejrskolianut tunngatillugu suliassat tassunga attuumassuteqartut naammassissallugit
Naatsorsuutigaarput:
∙Akuersaartuusutit, tunniusimasuusutit, akisussaassuseqartuullutillu aallarnisaasuusutit
∙Ammasuullutillu ilumoortuussutit attaveqatigiissitsillaqqissuusutillu attaveqallaqqittuusutit
∙Suleqatinik, aqutsisunik angajoqqaanillu pitsaasumik suleqateqarusussuseqartutit
∙Aporfiit salliutinnagit periarfissanik takunnissinnaasutit
∙Biilernermut allagartaqartutit
∙Oqimaatsulerisinnaasutit
∙Suliassanut assigiinngitsunut tamatigoortuusutit
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat SIK-llu isumaqatigiissutaat naapertorneqassapput.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup Pisortaa Kîstârak' Danielsen, oqarasuaat +299 36 64 01 imaluunniit e-mail: kida@sermersooq.gl imaluunniit uunga: Atuarfiup pisortaata tullia Kristian Albrechtsen-Larsen, oqarasuaat +299 34 64 00 imaluunniit e-mail: kral@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 121-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 26.-at, 2025