Nuussuup Atuarfia Isumaginninnermut Siunnersortimik pissarsiorpoq
Atugarissaaneq iluarisimaarinninnerlu qaffassaaqataaffigerusuppiuk /-pisiuk, ataqatigiilluni suleqatigiinnermi atuartunik sullissinermi Atuarfiani pitsanngorsaaqataarusuppit? Atuarfimmi suleqataarusuppit? Taava immaqa illiuvoq / ilissiuvoq suleqatissarput /-ssagut.
Nuussuup Atuarfiani meeqqat atuarfigivaat 371-inik atuartulik. Atuarfimmi 1.-10. klassimi atuartuupput. Klassit nalinginnaasut 18-iupput immikkullu pisariaqartitsillutik atuartinneqartut 11-iullutik. Nuussuup Atuarfiani 53-inik ilinniartitsoqarpoq, atuarfiup pisortap tullersortaa aammalu Atuarfiup pisortaqarluni.
Atorfiup imaa:
Atuarfimmi Isumaginninnermik siunnersortitut suliassarissavatit isumaginninnermut tunngasunik atuartut sullinnerini ataqatigiissaarineq. Suliassavit ilagissavaat atuartunut, angajoqqaanullu saaffiginnissinnaaneq. Atuartut ilaatigullu angajoqqaat oqaloqatigineqartarlutik.Ilinniartitsisut atuartut pillugit siunnersorneqarsinnaasarput aammalu aqqutissiuunneqarsinnaallutik.
Naatsersuutigivagut:
∙Isumaginninnermik siunnersortitut ilinniarsimanissaq assingusumilluunniit ilinniagaqarsimaneq
∙Pisariaqartitat naapertorlugit misilittagaqarneq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
∙Suliffimmi namminissarsiorsinnaaneq iluaqutaassaaq
∙Sullarissuunissaq, anguniagaqarsinnaaneq, akisussaaffimmik tigusisinnaaneq namminissarsiortuunerlu
∙Meeqqanut inuusuttuaqqanullu attaveqallaqqittuunissaq
∙Sulilernissamik sapiissuseqarneq
∙Periarfissanik nutaanik ujartuisinnaaneq
∙Atuarfimmi suleqatinik atuarfiullu avataaneersunik suleqateqallaqqissinnaaneq
Ilagaat:
∙Suliassaassapput atuarfimmi angerlarsimaffillu suleqatiginera
∙Atuartumut attaveqaataaneq, isumaginninnermik suliassanut tunngatillugu
∙Atuartut pillugit ilinniartitsunik siunnersuisinnaaneq aqqutissiuussisinnaanerlu
∙Ataavartumik atuartunik oqaloqateqarsinnaaneq angajoqqaat suleqatigalugit
∙Iliusissatut pilersaarusironeq atuartut, atuaqatigiillu pillugit. Isumaginninnikkut suliassat eqqarsaatigalugit
∙Iliusissatut pilersaarusioqataaneq
∙Suleqatinik avitseqaqatigiinneq
∙Pinaveersaartitsinermik siuarsaaqataaneq aammaluqinngasaaruttarnermik pinaveersaartitsinerit eqqarsaatigalugit. Atugarissaarnissaq suleqataaffigalugu
∙Upalungaarsimanermut tunngasunik suleqataaneq
Suliassat anguneqartassapput atuarfimmi sulisut allat pisortallu suleqatigalugit. Taakku saniatigut avataaneersunik suleqateqarneq Ilaqutariinnermi ingerlatsivimmeersunik, Peqqik pinaveersaartitsinermilu suliaqartut, MISI aammalu atuarfimmi Isumaginninnermik siunnersortimik allamik suleqateqarnikkut.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup pisortaa Kîstârak Danielsen , oqarasuaat +299 36 64 01 imaluunniit e-mail: kida@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 1138-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 25.-at, 2024