Nuup Bussii A/S pisortassarsiorput

Nuup Bussii A/S piffissami aggersumi nunanut tamalaanut mittarfittaarfiusumut takornariaqarnerulersumullu ornigukkiartortoq peqataaffigerusuppiuk. Suleqataasut avatangiiserisatit suli peqataanerulersillugit, Nuup Bussii A/S-illu Nuummi pisortat angallassiviattut pitsaanermik misigisaqarfigineqarnerulernissaata anguneqarnissaanut suleqataarusuppit.

Atorfik: Pisortaq, Nuup Bussii A/S

Sulisorineqarput: 35it

Atorfeqartitsisuupput: Nuup Bussii A/S’imi siulersuisut, siulittaasuminnik sinniisuuffigineqartut. Pisortaaffigisamut ilitsersuussutit suliarineqassapput.

Atorfeqarnermi anguniagassat

Nuup Bussii A/S’imi pisortatut nunanut tamalaanut attaveqartumik mittarfittaarnerup, aammalu illoqarfimmiut amerleriarujussuarnerisa takornariaqarnerulerneratalu nalaani suliffeqarfiup aqunneqarnissaanut pingaaruteqartumik inissisimasussaavutit.

Anguniagassat makkuupput:

· Nuup Bussii A/S Nuummi pisortatigoortumik angallassinerup pisariaqartinneqaraluttuinnarnerata nalaani nutaaliaasumik ingerlalluartumillu ingerlatsilluartarnissaanut tulluarsaanissaq

· Suliffeqarfiup sulisuisa ingerlalluartumik kajuminnartumillu ingerlanerat suli pitsanngorsassallugu.

· Pitsaasumik akisussaassuseqartumillu ingerlatsilluarnissap qulakkeerneqarnissaa, sulisut tamarmik pimoorussilluarlutik periusissiap angunissaanut suleqataanissaannut qulakkeerinninnissaq.

· Periusissiami anguniagassatut aalajangiussat sisamaasut anguniarnissaat: Sullitat misigisaqarluarnissaat, piujuartitsiniartumik allannguinissaq, suliffeqarfiup pilerinartuunissaa aammalu sunniuteqarluartumik attaveqaateqarluarnissaq.

Suliassat pingaarnerit

Pisortatut suliassatut pingaarnertut akisussaaffigisannut ilaasussaapput:

· Erseqqarissunik najoqqutaqalersitsinissaq, Nuup Bussii A/S’imi toqqissisimanartunik sulisunullu kajumilersitsisunik atugassaqartitsinissaq.

· Suliffeqarfik tamakkerlugu tamakkiisumik aqutsineq ingerlatissallugu.

· Suliffeqarfiup periusissiaata piviusunngortinneqarnissaa, pisariaqartitallu naapertorlugit tulluarsaanissap qulakkeerneqarnissaa.

· Inernerit, killiffiit akiliisinnaassuseqarnerlu siunertaralugit missingersuutit ineriartortillugit nakkutigilluinnarlugillu.

Tulliullugit suliassat

Suliassavit pingaarnerit saniasigit naatsorsuutigineqarpoq:

· Aqutseriaatsimik erseqqarissumik takussaasumillu takutitsissasutit.

· Avataaniit suleqatigisat soqutigisaqaqatigiillu suleqatiginerini peqataasassasutit.

· Piffissat ilaanni qaleriiaarfiusut ataatsikkoorfiusullu paasinniffigalugillu aqutsivigisinnaassagitit.

· Ingerlatsinerup aaqqissuulluakkamik assigiiaartumillu ingerlanissaa qulakkiissagit.

· Nuup Bussii’sa suliffeqarfittut sulisoqarnikkullu ineriartortinnissaanut peqataassasutit.

Piginnaaneqarfissatut kissaataasut

Pisortatut atorfiup isumaginissaanut piginnaanerisassat makkua kissaataapput:

· Aqutsisutut periusissiorsinnaasutut ilinniarsimanissaq.

· Sulisunik aqutsinermik misilittagaqarnissaq allagartaqarnissarluunniit aammalu/ imaluunniit suliniummik aqutsinissamik misilittagaqarnissaq.

· Kalaallisut qallunaatullu attaveqarnissamut piginnaaneqarluarnissaq.

· Angallassinerup tungaatigut misilittagaqarnissaq iluaqutaasinnaavoq piumasaqataananili.

· Politikkikkut siunnersuutigineqartut qanoq sunniuteqarnissaat pillugit suliffeqarfiup piginnittui suleqatigalugit siunnersuusiorsinnaanissaq.

Sulinikkut piginnaanerisassatut kissaatigineqartut:

Pisortatut makkua piginnaaneqarfigissagitit naatsorsuutigineqarpoq:

· Aqutsisutut takorluuisinnaassuseqarneq iliuuseqarsinnaassuseqarnerlu, periusissornerit piviusunngortillugit iliuseqarsinnaassuseqarneq.

· Assingusumi aqutsisuusimanermik misilittagaqarnissaq.

· Pitsaasumik akaareqatigiittumillu kultureqarnissamik pilersitsisinnaassuseqarnissaq.

· Iliuuseqallaqqissuunissaq pisullu malillugit aqutsisunik tulluarsaasinnaassuseqarnissaq.

· Pissarsiassaasinnaanissaq attaveqatigiuminartuunissarlu.

· Pilersaarusiullaqqissuunissaq, nangitsisarluni suliffeqarfillu tamakkerlugu attaveqallaqqissuunissaq. 

Inuttut piginnaanerisassatut kissaatit

Inuttut piginnaanerisassat matumani pingaaruteqartunut ilaapput:

· Akisussaassuseqarneq, peqqissaartuuneq inoqatinullu inissaqartitsisuuneq.

· Aaqqissuusaasumik, paasinninnermik, naapikkuminarnermik ammasuunermillu pigisaqarnissaq

· Peqataatitsinissamik anersaalik, iliuuseqarumatooq, nersualaarinnittartoq, tapersersuillaqqissorlu.

· Pissuserissaartitsisartoq, misiginneqatiginnillaqqissoq, tusarnaartoq erseqqissuliortartorlu.

Atorfeqarnermi ineriartornissamut periarfissat

Nuup Bussii A/S’imi pisortatut ineriartorfissatut makkua periarfissarissavatit:

· Suliassat assigiinngiiaartut sulerinerisigut ineriartorneq aammalu aqutsisutut piginnaasaqalernissamut piumasaqaatit takkuttuartut.

· Sulinerit aqqutigalugu attaveqaatigisartakkatit amerleriassapput suliffeqarfiup iluani avataanilu soqutigisaqaqatigiit aqqutigalugit.

· Sulinerit nutaanik ilinniagaqarnissannut periarfissaqartitsissaaq, aqutsisutullu piginnaanitit suliffeqarfimmi ineriartortuartumi uummaarissumilu pitsanngorsarneqassapput 

Sooq atorfik qinnuteqarfigissaviuk?

“Suleqatitaassaatit immikkut iliuuseqarusuttunik. “Suliffitsialapput aqqutigalugu illoqarfitsinni malunnartumik immikkut iliuuseqarnissatsinnik nuannarisaqartuuvugut, isumaqaqigami pingaaruteqarlunilu” Holger Davidsen, mekanikeri.

“Suleqatitaassaatit bussinik ingerlatsinissaminnut uummateqarfiginnilluartunik. “Nuup Bussii A/S’imi atorfeqarnera tanngassimaarutigisaqaara” Amalie Frederiksen, Bussertitsisoq.

“Nuannertaqaaq. Suleqatigaluta nuannerlunilu torrassuusarpoq” Isabella, Lisbeth’ilu, asaasugut.

Qinnuteqaat nassiunneqassaaq uunga:

Siulittaasoq, Christine Tønnesen, email aqqutigalugu: Christine@bus.gl

Qinnuteqarnissamut killissarititaq: 25. novembari 2024 nal. 12.00

Akissarsiassat atugassarititaasullu:

Akissarsiassat atugassarititaasullu immikkut isumaqatigiissutiginiarneqassapput.

Atorfininnermi soraarnermilu angalaneq inissaqartitaanissamullu periarfissaqarsinnaavoq.

Sukumiinerusumik paasissutissat:

Sukumiinerusumik paasisaqarniaruit attavigisinnaavatit,

Siulittaasoq, Christine Tønnesen oqara. (+299) 53 77 22, e-mail: Christine@bus.gl

Nuup Bussii A/S’imi siunnersorti, Carsten Olsen oqara. (+299) 54 26 36, e-mail: caol@bus.gl

Qinnuteqaatinnut ilanngutissavatit ilinniarsimaninnut uppernarsaatit, suliffigisimasanniillu oqaaseqaatit PDF-fil’inngorlugit nassiunneqartussat.