Nuup avataani illoqarfinnut nunaqarfinnullu angalasartumik pissarsiorneq
Kommuneqarfik Sermersuumi Nuup avataani illoqarfinnut nunaqarfinnullu isumaginninnermut siunnersortimik/sullissisumik angalasartumik pissarsiorneq
Kommuneqarfik Sermersuumi Oqartussaaffeqarfik Nuup avataani illoqarfinnik nunaqarfinnillu sullissisussamik isumaginninnermut siunnersortimik/sullissisumik angalasartumik pissarsiorpoq 1. August 2024 atorfinittussamik imaluunniit isumaqatigiissuteqarnikkut sulilersinnaasumik.
Suliatigut unammillernartunik suliaqarusuppit? Taava atorfik una pissanganartoq suliffigisinnaavat. Atorfimmi tassani Paamiut aamma Nuup eqqaani nunaqarfinni sullissinernut tunngatillugu nukittorsaaqataalissaatit.
Suliassat tassaassapput siusinaartumik pensionisianut, utoqqalinersianut aammalu pisortanit ikiorsiissutinut tunngasut.
Suliffeqarfimmi aaqqissuussaaneq eqqarsaatigalugu innuttaasunut kiffartuussineq aallutaralugu isumaginninnermut siunnersorti/sullissisoq angalasartutut atorfinitsinneqassaaq.
Ukioq kaajallallugu angalanerit piuaannassapput, angalanngikkaangavillu illoqarfinnit nunaqarfinnillu suliassat Suliffeqarnermut Isumaginninnermullu Ingerlatsivimmi Nuummiillutit suliarisassavatit.
Siunnersortitut suliassat
∙Isumaginninnikkut siunnersuineq aqqutissiuinerlu
∙Inatsisit atuuttut aallaavigalugit sullissineq aamma suliat allaaserineri innuuttaasup pisariaqartitsinera tunngavigalugu.
∙Suliffeqarnermut Isumaginninnermullu Ataatsimiititamut Oqartussaasoqarfiit Assigiinngitsunik Suliallit Suleqatigiiffiannullu saqqummiussassaliorneq
∙Suleqatit attuumassuteqartut suliffiup iluani avataanilu akimorlugu suliaqarneq
∙Iliuusissamik pilersaarusianik suliaqarnermi malittarinninneq
∙Innuttaasunik oqaloqateqarneq
Naatsorsuutigaarput
∙Isumaginninnermut siunnersortaasutit, sullissisuusutit imaluunniit sullissinermik misilittagaqartutit aammalu suliassaqarfinnut tunngatillugu soqutiginnittuusutit
∙Suleqatigiinnermut piginnaasaqarluartutit
∙Immikkoortut akimorlugit suleqataasinnaasutit
∙Anguniagaqartumik sulisinnaasutit
∙Unammillernartunut aammalu suliassaqarfimmi ineriartortuartumi sulineq nuannarissagit
∙Inuttut tatitussasutit
∙Kiffartuussinermut ineriartornissamullu paasisimasaqarluarnissat
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Neqeroorutigisinnaavarput
∙Suliffik immikkoortortami suliatigut qaffasissumik inissisimasoq
∙Suleqatit nuannaartut pikkorissullu
∙Suliffik unammillernartoq namminerlu suliat aallaavigalugit sunneeqataanissaq
∙Immikkoortut akimorlugit suleqatigiinnissaq
∙Suliffik pissanganartoq inuillu ammasut
∙Suliffik tamatigoortoq amerlasuunik unamminartulik
Pineqaatissinneqarsimannginnermut uppernarsaat:Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: aqutsisuugallartoq Ane Jeremiassen, oqarasuaat +299 368021 imaluunniit e-mail: jeri@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 631-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 10.-at, 2024