Nuummi Royal Arctic Line A/S Akissarsialerisussarsiorpoq
Akissarsialerineq misilittagaqarfigiviuk aaqqissuussaanermilu annertuumik allanngoriartorfiusumi sulineq nuannariviuk? Taamaappat immaqa illit suleqatitaassarivatsigit?
Sulisoqarnermut immikkoortortaqarfimmi sulissaatit, Sulisoqarnermik Akissarsialerinermillu suliaqartut katillugit qulingiluaasut suleqatigalugit. Immikkoortortaqarfimmi sulisoqarnermut tunngasunik suliaqartut qanimut suleqatigissavatit.
Aqutsisunut suleqatitut piginnaasalittut inissisimanerput suliassatta pingaarnersaraat, suliassallu naammassinissaannut sullerissuseq, suliassamut pikkorissuseqarluarneq siulliuniartuunerlu qiutinneqarput.
Tamakku saniatigut suleqatigiilluarnissaq, pitsaasunik angusaqarnissamut pingaaruteqarluinnartutut isigisarput, ukkataraarput.
Atorfik pillugu
Suleqatitaassatta akissarsialerivimmi sulisut allat suleqatigalugit akissarsialerineq isumagissavaa:
· Naligiissaarinerit akiliuteqarnerillu,
· Akileraarutit nalunaarutigineri
· Soraarnerussutisiassanut tunngasunik suliaqarneq
· Immikkoortortaqarfimmi suliakkiissutit assigiinngitsut
· Ingerlaatsinik suleriaatsinillu ingerlaavartumik pitsanngorsaaneq inerisaanerlu
· Akissarsialerivik tamaat eqqarsaatigalugu suliassanut allanullu tunngatillugu suleqatinik ilinniartitsisarneq
· Suleqatinut qaammammusianik, akunnermusianik Umiartortullu akissarsiaannik suliaqartunut tapersersuineq
· Sulisoqarnermut immikkoortoqarfiup sulianik pilersitaanik nakkutiginninneq, akissarsiat eqqortuunissaat qulakkeerniarlugu.
· Imarsiortunut tunngatillugu napparsimanermi aamma naartunermi sulinngiffeqarnermut akiliutinik utertitsisarneq.
Akissarsialerinermi periaatsit akuerisaasut malillugit akissarsialerineq ingerlanneqassaaq. Akissaatit pillugit isumaqatigiissutit malittarisassallu akissarsialerinermut attuumassuteqartut malinnaaffiginissaat atorfimmut ilaavoq.
Qinnuteqartumut naatsorsuutigisavut:
Sulilersussap akissarsialerinermi suliassat qaffasissumik pitsaassusilimmik naammassineqartarnissaannik qulakkeerinnittarnissaa, nakkutilliinernik tamanik malinninnissaa kiisalu piffissaliussanik eqquutitsisarnissaa naatsorsuutigineqarpoq.
Tamatuma saniatigut:
· Niuernermik ilinniarfimmi ilinniagaqarneq imaluunniit aningaasaqarnerup iluani assingusumik piginnaanngorsarfiusumik misilittagaqarneq
· Akissarsialerivimmi sulineq misilittagaqarfigivat aamma/imaluunniit suliassat naatsorsuuserinermut tunngassuteqartut
· Akissarsiassat pillugit paasissutissanik paasissutissanillu inunnut ataasiakkaanut tunngassuteqartunik suliaqarninni isertuussisinnaallutillu inuttut tatiginartuuvutit
· Namminersorlutit sulisinnaavutit, suliniuteqallaqqissuullutit namminerlu aamma immikkoortortaqarfiup suliassaanut anguniagaanullu pitsaasumik suliniuteqartuullutit
· Pitsaassutsimik pingaartitsisuuvutit, peqqissaartuullutit suliassannillu aaqqissuussillaqqissuullutit
· Sulininni IT-kkut sakkussanik akissarsialerinermullu systeminik assigiinngitsunik atuillaqqissuuvutit Excelilu atorlugu suliaqarneq sungiusimallugu
· Attaveqateqallaqqissuuvutit suleqatinullu, suliffeqarfimmi suliffeqarfiullu avataani soqutigisalinnut nalinginnaasumik sullissillaqqissuullutit
Neqeroorutigaavut
Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.
Paasissutissat allat
Atorfik pillugu paasisaqarnerorusukkuit Payroll Manager Kristine Sørensen oqarasuaatikkut 34 91 88-imut attaveqarfiginissaanut tikilluaqqusaavutit.
E-mailikkut qinnuteqaatit tiguneq ajorpagut, nittartagarput aqqutigalugu qinnuteqassaatit.
Atorfininneq: sapinngisamik piaarnerpaamik
Qinnuteqarfissaq kingulleq: decembarip arfernani 2024
Qinnuteqaatit: ingerlaavartumik suliarineqartassapput
Oqaloqatigiinneq: Oqaloqatiginninnerit Nuummi ingerlaavartumik ingerlanneqassapput