Nuummi Qullersaqarfimmi suliniutinut aqutsisoq
Nuummi Qullersaqarfimmi suliniutinut aqutsisoq?
Nukissiorfiit Suliniutinut Immikkoortoqarfia suliniutinut aqutsisoq pikkorissumik, teknikkip aamma isumaqatigiissutinik aqutsinerup akornanniittumi Sanaartortitsisutut suliaqarnermik nuannarisalimmik pissarsiorpoq.
Nukissiorfiit Kalaallit Nunaanni tamarmi illuliorlunilu sanaartornermi suliniutinik pingaarutilinnik arlalinnik peqarpoq, taakkulu tamarmik pilersuinerup isumannaassusianik, aamma pitsaanerpaanngorsakkamik tunisassiornermik qaffasissutut inissisimasumik qulakkeerinneqataapput.
Suliniutit annertussutsimikkut assigiinngisitaarput, ilaatigullu innaallagissamik, imermik aamma kiassarnermik tunisassiornermik aamma siammarterinermik imaqarsinnaallutik. Ingammik nukissiorfittut pitsaassusilittut najoqqutassaqarfinnit kiassarnermit aamma ungataanit kiassarnermik tunisaqarnerit ukiuni takkuttussani assut sammineqartussaapput.
Sulinitit akuttunngitsumik amerlasuunik soqutigisaqaqatigiiffiupput, tamatumalu saniatigut pisortat killeqarfii qaangerlugit, aamma inuiaqatigiinni aningaasaqarnermi siunissamut isiginniffimmut naleqqiullugit ataqatigiissaartussaallutik.
Ilittut illuni suliniutinut aqutsisoq pikkorissoq makkuninnga peqassasoq neriuutigaarput:
- sanaartortitsisumi suliniutinut aqutsisoq inissisimaffimmik soqutiginnittoq
- isumaqatigiissutinik aqutsinermik suliaqarnermik soqutiginnittoq
- pilersuisartunik, suliffeqarfiutilinnik & suleqatigisartakkanik allanik aqutsinissamik soqutiginnittoq
- teknikkikkut nangitsiffigisamik ilinniagaqarsimasoq
- suliniutinik aqutsinermik misilittagalik, ajornanngippallu PRINCE2-tut ittunik suliniutinut aaqqiissutinik misilittagaqartoq
- teknikkimut tunngasunik paasinnittoq, aamma suliassaqarfinnut nutaanut ilisimannilersinnaassusilik
- suliniutinik aningaasaqarnikkut aqutsinermik misilittagalik
- attaveqaqatigiinnermik aamma paasisitsiniaanermik piginnaasaqarluartoq
- ataqatigiissaarinermik piginnaasaqarluarlunilu ataatsimut isiginnissinnaassusilik
AP 95-imik ilisimasaqarnissat, aamma pilersuinermik ingerlatsivinnik misilittagaqarnissat iluaqutaassapput.
Suliniutinut aqutsisoq aqutsiffiusumi suliniutinut allaffimmi atorfeqassaatit. Suliniutinut ataqatigiiffimmi aqutsisoqatigiinnut siulittaasoq, akuttunngitsukkut sumiiffimmi nunap immikkoortuani pisortaasartoq qullersarisassavat. Suliniutinut aqutsisoq suliniutinut gruppimi ulluinnarni siuarsarnermik isumaginnillutillu aqutsisassaatit, gruppimiippullu Kalaallit Nunaannut tamarmut siammartitersimasut suleqatit aamma suleqatigisartakkat. Aammattaaq ataatsimut isiginniffik pigissavat, aammalu suliniutini pisarialittut aalajangiinissamut tunngavigisassat tamakku suliarissavatit.
Neqeroorutigaarput:
Suliffik pissanganartoq, assut annertuumik imminik nakkutiginniffeqartoq, aamma aalajangeeqataasinnaaffeqartoq, kiisalu ulluinnarni suliassanik iluarsiinermut aamma pingaarnersiuinermut sunniuteqarnissamut periarfissaqartoq.
Sullivinni avatangiisit savituut, tamaani sulianut tunngasunik aamma inuttut ineriartornissannut periarfissaqassallutit.
Suliffeqarfik pikkoriffigisaqarnermik ilisarnaatilik, aammalu pimoorussiffiusumik sullivimmi kultureqarfiusoq.
Ataatsimoorfitsialak, tamaani atugarissaarneq aamma sulinermik nuannarisaqarneq sammisaqarfiullutik.
Pinngortitaq aamma avatangiisut assissaqanngitsut.
Akissaatitigut atorfeqartitaanermilu atugassarititaasut:
Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.
Atorfimmut atatillugu inissamik innersuussisoqarsinnaavoq, malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.
Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.
Atorfimmut atatillugu angalaneq aammalu pequttat akiliunneqarsinnaavoq, ukiullu pingasut ataannartumik atorfeqarnermi soraanermi angalaneq aammalu pisattat akilerneqarsinnaapput, illoqutigiit aammalu meeqqat 18-ninik ukiullit ataallugit.
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Ole Ziemer attavigineqarsinnaavoq emailikkut: olzi@nukissiorfiit.gl imaluunniit oqarasuaammut: (+299) 55 88 80.
Paasissutissat allat:
Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Paasissutissat allat uani takusinnaavatit: www.nukissiorfiit.gl.
Qinnuteqarnissamut killissarititaasoq: februaarip 7.-at, 2025