Nuummi Nunap Immikkoortuanut pisortaq
Kalaallit Nunaanni illoqarfinni pingaarnerpaami minguitsumut nuukkiartornermut siuttuunissaq pimooruppiuk, taamaalisukkullu innaallagissamik, imermik aamma kiassarnermik pilersuinerup isumannaalluinnarnissaanik qularnaarerusuppit? Taava nunap immikkoortua Nuummi nunap immikkoortuanut pisortani tullinnguuttutut immaqa tassaavutit illit.
Nunap immikkoortuani pisortaq pimoorussisoq aamma pikkorissoq, teknikkip tungaatigut aserujaatsumik tunuliaqutalik, aamma pilersuinermik immikkoortoqarfimmit misilittagalik, kiisalu Nuummi, Paamiuni, Qeqertarsuatsiaani aamma Kapisilinni sulisunut 40-t missaanniittunut aqutsillunilu kaammattuinissamut pisortatut nukittuutut ilisarnaatilik ujarparput. Nunap immikkoortuani pisortatut tassaalissaatit nunap immikkoortuani pisortanut aamma sulisunut qullersatut pisortaq, taakkulu tassaapput sulianut tunngasutigut siamasissumik inissisimaffeqartut, atorfilinnit maskinmesterinut aamma assammik sulisartuusutut ittut. Suleqatigisassatit pingaarnerpaat tassaapput Nukissiorfiit nunap immikkoortuisa sinnerini tallimani nunap immikkoortuini pisortat, taamaanilu Nukissiorfiit teknikkimut pisortaa qullersarissavat.
Atorfik assorsuaq pissanganartoq, aamma tamatigoortoq, assut pisoqarfiullunilu nammineq akisussaaffigisatut suliassaqarfinnut annertuumik sunniuteqarfiusoq, aammalu Kalaallit Nunaanni attaveqaasersuutinik allanngoriartortitseqataasoq neqeroorutigisinnaavarput. Nuummi nunap immikkoortuanut pisortatut tamatigut illoqarfiup assupilussuaq allanngoriartorneranut paasinnilluartuussaatit. Sanaartornerup aamma illoqarfimmik ineriartortitaqarnerup iluani suliaqartunut, aammalu suleqatinut suliffiup avataaniittunut aamma suliffiup iluaniittunut annertuumik attuumaffeqassaatit.
Suliassatit pingaarnerpaat tassaapput:
• Nunap immikkoortuani tamarmi innaallagissamik, imermik aamma kiassarnermik pilersuinermik qularnaarineq.
• Suliniutit aallartisakkat piffissaq eqqorlugu, aamma annertuumik pitsaassuseqartumik suliarineqarnissaannik qularnaarineq.
• Nunap immikkoortuanut missingersuummik suliaqarneq, aamma malittarinninneq.
• Nunap immikkoortuani suliassanik aqutsisoqarfimmik suliniutinut suliakkiissutaasunut aqutsisoqatigiinni siulittaasutut atuuffeqarneq.
• Nunap immikkoortuani KLS-imut (ingerlatsinermut pisortatut) akisussaaffeqartutut atuuffeqarneq.
• Nunap immikkoortuani periusissiamik Dokumenteret Drikkevandssikkerhedimik (Erngup imigassap uppernarsakkatut isumannaassuseqarnerata (DDS-ip)) malittarinera.
• Nunap immikkoortuani sumiiffinni isumannaallisaanermut suleqatigiinnermullu ataatsimiititaliani siulittaasutut atuuffeqarneq.
• Nunap immikkoortuani suliassat ilusaannut tamanut sulissanik pingaarnersiuinernik aamma pilersaarusiornernik qularnaarineq.
• Peqqissutsimik aamma isumannaassutsimik immikkut sammisaqarluni sullivimmi isumannaallisaanermut inatsisinik atuuttunik nunap immikkoortuata malittarisaqarnissaa.
• Periusissiaq aamma pisortaaffeqarneq sammisaralugit nunap immikkoortuani killeqarfiit qaangerlugit, kiisalu Qullersaqarfimmik suleqatiginnitsialammik iliuuseqarneq.
• Kiassarnerup, assartuinerup aamma immikkoortoqarfiit allat iluini innaallagissamut aqqusersuinerit aqqutigalugit Utoqqarmiut Kangerluarsunnguani erngup nukinganik nukissiorfiup pilersaarutigisatut allineqarneranit annertunerpaamik iluanaarutinik qularnaarinissaq.
• Upalungaarsimanermut pilersaarutinut nutaanik ilanngussukkanut akisussaaffeqarneq, aammalu Serticami pilersaarutaasutut pinaveersaarutitalimmik aserfallatsaaliuinerit.
Pisortatut sulisunut akisussaaffeqarputit, tamaanilu nunap immikkoortuani tamarmi sulisut kaammattugaanerannut, atugarissaarnerannut aamma piginnaanngorsarnerannut ilalersuuteqassaatit. Kalaallit aamma danskit oqaasiinik atugaqarsinnaassaguit soorunami tamanna iluaqutaassaaq, kisiannili piumasaqaataanngilaq.
Imatut ittutit ujarpatsigit:
• Attuumassutilimmik ilinniagalik, soorlu maskinmeteritut, ingeniøritut imaluunniit tamakkununnga assingusumik
• Teknikkimik aaqqissuussiffimmi ukiuni arlalinni pisortatut misilittagalik
• Innaallagissamik, imermik aamma kiassarnermik pilersuinermi ukiuni arlalinni teknikkimik misilittagalik
• Aningaasaqarnerup tungaatigut aserujaatsumik paasisisimasalik
• Pisortatut takussaasutut aamma suliaqartuusutut ittuussuseq, ilorraap tungaanut attaveqatigiiffimmik aamma allanngoriartorfimmik pilersitaqarnissamut pimoorussisoq
• Makkuninnga misilittagalik: Suliniutinik aqutsineq, missingersuutinik suliaqarneq, aamma aningaasaqarnermut misissueqqissaarineq, kiisalu isumaqatigiissutinik isumaqatiginninniarlunilu atsiuisarneq
Pisunik arlalinnik ataatsikkut isumaginnissinnaasassaatit, aammalu suliassanik pingaarnersiuisassallutit. Pineqartut isumagisassat tassaapput ingerlatsineq, ineriartortitsineq, missingersuutit aamma sulisunik aqutsinerit, taamaattumillu pisoqarfinni artukkiiffiusuni eqqissisimasumik ataatsimut isiginniffik pigiinnartussaavat.
Ilinnut neqeroorutigut:
Nunap immikkoortuani pinasuartutut allanngoriartorfimmi nunap immikkoortuanut pisortaqarfittut atorfimmi ilaalissaatit, tamannalu Kalaallit Nunaanni pilersuinermik immikkoortoqarfimmi minguitsumut nuukkiartornermut toqqaannartumik ilalersuuteqarfiuvoq.
Suliffeqarfiup qaffakkiartorfigisatut qulliuniarfiunngitsup ilagilissavaatit, tamaanimi suleqatigiit akornanni najoqqutassialigaanngitsumik akuliuffeqarlunilu ataatsimoorfitsialammik peqarpoq.
Nuuk tunngavigissavat, tamannalu innuttaasut 20.000-t missaannik inuttaqarluni, aammalu Kalaallit Nunaanni illoqarfinni pingaarnerpaami inissisimaffeqarluni ullut suliffiit sulinermik aamma sulinngiffeqarnermik oqimaaqatigiissumik toqqammaviliivoq, aammalu illoqarfimmi inuunermik, soorlulusooq Kalaallit Nunaata kulturianik aamma pinngortitaanik iluarusuuteqarnissamut annertuunik periarfissatsialaqarpoq.
Atorfinitsitaanermut atugassarisat:
Aningaasarsiat aamma atorfinitsitaaneq isumaqatigiissut attuumassutilik aamma atuuttoq najoqqutaralugu. Qaammatini pingasuni misilitsiffeqarpoq.
Malittarisassiat atuuttut najoqqutaralugit sulilernermut aamma soraarnermut atasutut angalanerit, aamma pigisanik nuussinerit akilerneqarput.
Tassaavit suleqat ujagarput?
Taava piaarnerpaamik ”Atorfimmut qinnuteqaat” aqqutigalugu qinnuteqaatit nassiuguk.
Atorfinitsitsiniarluni ingerlatakkami misiliissutinik immersueqqusaasinnaanerit piareersimaffigissavat.
Atorfiup imarisaanut aamma atuuffianut apeqqutissaqaruit Teknikkimut Pisortaq Filip Sivertsen attavigiuk, e-mailikkut: fsi@nukissiorfiit.gl imaluunniit oqarasuaatikkut saaffiginninnikkut oq. (+299) 263509.
Annertunermik paasissutissat:
Apeqqutit nalinginnaanerusut HR-ip immikkoortoqarfianut saaffiginnissutaassapput, e-mailikkut: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik aamma kiassarnermik pilersugaraa. Peqatigiilluta atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamut, imermut aamma kiassarnermut tunisinitta 70 %-ia nukissamit ataavartumit pivoq. 2030-p tungaanut nukissamik ataavartumik 100 %-imik pilersuisuulernissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: januaarip 7.-at, 2025