Nuummi Katersugaasivimmut aqutsisoq – Nuutoqaq aamma Paamiut
Kommuneqarfik Sermersooq Nuummi Paamiunilu katersugaasivimmut ingerlatsilluartumik suliniuteqarluartumillu Katersugaasivimmi aqutsisumik pissarsiorpoq
Nuummi Katersugaasivik "Nuutoqaq" mikisunnguuvoq, illoqarfimmi innuttaasunut annertuumik pingaarutilik. 1950-ikkunniit piffissamut Nuup Kalaallit Nunaanni illoqarfiit pingaarnersanngorneranut ingerlatitseqqiineq saqqummiinerlu katersugaasivimmi pingaartumik ukkanneqarput. Tamassuma saniatigut sammisanik assigiinngitsunik tunngavilinnik saqqummersitsinernik aaqqissuussinernillu ingerlatsisoqartassaaq.
Paamiuni Katersugaasivik aalajangersimasunik oqaluttuarisaanermut tunngasunik saqqummersitsisarpoq Nuummilu Katersugaasivik suleqatigalugu nikerartumik saqqummersitsisarluni. Katersugaasivik aamma qammakkamik illoqarpoq pequttanik saqqummersitsiviusumik.
Katersugaasivimmi aqutsisutut Nuummi Paamiunilu katersugaasivinnik ingerlatsinermut akisussaaffeqassaatit, Nuummi Paamiunilu sulisunut akisussaaffeqassaatit. Nuummi piffissaq suliffiusoq tamakkerlugu sulisartumik sulisoqarpoq kiisalu ilinniartunik ikiorteqarluni kajumissutsimillu sulisut. Paamiuni inuussutissarsiornermut immikkoortortaq suleqatigalugu piffissap suliffiusup ilaanik sulisartumik sulisoqarpoq.
Atorfimmi aamma Ivittuuni Aatsitassanik Mineralinillu Katersugaasivik, pilersinneqaqqilersoq ilaavoq.
Katersugaasivimmi aqutsisumik pissarsiorpugut:
∙Suliniuteqarumatusutit
∙Kulturimik ingerlatitseqqiinermillu pingaartitsisumik
∙Ikittunnguani suleqataanissaq kissaatigigit
∙Suliassatigut ulapaarnissamik kissaatilimmik
∙Kulturikkut ingerlatsinerani qitiunissamik kissaatilimmik
∙Tammatsaaliinermi sulinermut atatillugu suliassanik annikitsukkuutaanik suliaqarnissannut piareersimasutit
∙Kalaallisut tuluttullu attaveqarsinnaasutit.
∙Ilinniagaqarnikkut tunuliaqutaqassaaq kandidat-itullu qaffasissusilimmik ilinniagaqarsimanissaa piumaneruarput
Neqeroorutigisinnaavarput:
∙Suliassanik assigiinngitsunik amerlasuunik suliassaqarfiusoq
∙Akisussaaffimmik annertuumik piumasaqarfiusoq
∙Akunneranut 40 tiimit nikerarsinnaanermut periarfissaqarluartoq.
∙Namminersorsinnaanerup ineriartortinnissaanut periarfissalerujussuaq
∙Takorluukkanik piviusunngortitsinissamik periarfissaqarluarneq
∙Assigiinngitsut, suliassat allanngorartut
∙Atatillugu Paamiunut angalaneq pisarsinnaavoq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Aviaaja B. Pregaard, oqarasuaat +299 36 75 05 imaluunniit e-mail: avbp@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 137-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 28.-at, 2025