Nuummi Illoqarfimmik Inerisaanermut immikkoortortami aqutsisoq
Illoqarfimmik ineriartortitsinissamut peqataarusuppit aamma innuttaasunik inuussutissarsiortunillu oqaloqateqallaqqippit? Sanarfinermut Avatangiisinullu Ingerlatsivimmi suleqatigiinnut ingerlalluartunut illoqarfimmik ineriartortitsinermut tunngasunik sulisunut aqutsisunngorsinnaavutit.
Pilersaarusiornermut immikkoortortamut tikilluarit:
Pilersaarusiornermut immikkoortortaq aaqqissuussaanikkut Pilersaarusiornerup Oqartussaaffeqarfiullu ataani inissisimavoq, Sanarfinermut Avatangiisinullu Ingerlatsivimmi Sanaartornermut Oqartussaaffeqarfik, Nunaminertanik Oqartussaqarfik, Nakkutilliinermi Oqartussaaffeqarfik immikkoortortaqatigalugit.
Ataatsimoorluta kommunip inoqarfiini innuttaasunut iluaqutaasumik pissusissamisoortumik ineriartortittuarnissaat akisussaaffigaarput. Suleqativut suleqatigalugit tamatta avatangiisitsinni inissaqarnissaq aamma Kommuneqarfik Sermersooq inuuffigalugu pitsaasuunissaa qulakkeerinnippugut.
Peqataatitsisumik ineriartortitsinermut peqataassaatit:
Nuummi illoqarfiup qeqqani Kommuneqarfiup allaffianiippugut, qaqqap kangerluullu tungaanut isikkiveqarluta. Pilersaarusiornermi sullissisoqatigiit sisamaasut pikkorissullu aqunneqarnerat akisussaaffigissavat. Aqutsisutut immikkoortortami ulluinnarni ingerlatsineq aamma suleqativit suliniutaasa iluatsinnissaat akisussaaffigissavatit. Kommunimittaaq suliassani assigiinngitsuni kiisalu innuttaasut inuussutissarsiortullu suleqatigineranni pingaarutilimmik atuuffeqassaatit.
Suliassatit ilaatigut makkuussapput:
∙ Immikkoortortami suleqatinik ikorfartuineq kommunimut pilersaarusiorneq periusissiornerlu
∙ Innuttaasut saaffiginnissutaat pilersaarusiornermut attuumassuteqartut akissuteqarfiginissaat isumagissallugu
∙ Immikkoortortami pilersaarusiornermut atatillugu suliassanik pitsaassusermik qulakkeerinninneq
∙ Aqutsisut sinneri peqatigalugit Pilersaarusiornermut Oqartussaaffeqarfimmillu ineriartortitsinermi peqataaneq.
Pilersaarusiornermi sulianik tunuliaqutaqarnermi aqutsineq ilisimasaqarfigalugu:
Avataaniit soqutiginnittunut aamma aaqqissuussaanermi allanik attaveqarsinnaassusermik piginnaasaqartutit Sulisunik aqutsinermik misilittagaqaruit misilittagaqanngikkaluaruilluunniit sulisuit pikkoriffigisaat eqqumaffiginissaat - sulilluassagunillu sunik pisariaqartitaqarnersut eqqumaffiginissaat pingaartitaraat.
Tamatuma saniatigut tulliuttunut tunngasuni naapertuupputit:
∙ Teknikkimut sulianut ilinniagartuutut ilinniagaqarsimassaatit pilersaarusiornermilu periusissiortarneq paasisimasaqarfigalugu
∙ Titartakkatigut, allakkatigut oqalunnikkullu erseqqissumik siumullu takorluuisumik saqqummiussisinnaassasutit.
∙ Misissueqqissaarisinnaassuseqarputit, aaqqissuussaasumik suleriaaseqarlutit ataatsimullu isiginnissinnaallutit – aammattaaq ulapaarfiusumi
∙ Avataaniit soqutiginnittunut aamma aaqqissuussaanermi allanik attaveqarsinnaassusermik piginnaasaqartutit
∙ Aqutsisutut misileerusupputit aammalu kommunip, sulisut suliallu ingerlanneqartarnerisa ineriartortinnissaanut sapiissuseqarlutit.
∙ Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Ineriartorneq, inissaqartitsilluarneq nutaanullu inissaqartitsineq:
Maaniinninni suliakkut aamma/imaluunniit aqutsinermi piginnaasatigut assigiinngitsutigut piginnaasaqalernissamut pikkorissarnissamut periarfissagissaarluassaatit. Pilersaarusiornermi Oqartussaaffeqarfimmilu innuttatsinnut illoqarfinni inoqarfinnilu pitsaasunik atugassaqartitsinissaq anguniagaraarput, taamaaliornermilu ilaatigut nalinginnaanngitsunik iliuuseqartoqartariaqartarpoq - taamaalillutit isumassarsiannik pitsaasunik tunniussaqarsinnaavutit. Avatangiisinut mianerinninnermut, kusassaanermut pitsaasunillu atugaqartitsinissaq siuarsaanissaq kommunimi anguniagaraarput. Taamaattumik Kommuneqarfik Sermersuup najugaqarfigiuminarsarneqarnissaanut peqataasinnaavutit. Taakku saniatigut sulinerup sunngiffiullu oqimaaqatigiissaarneqarnissaat pingaartitaraarput, taamaattumik inuunerissaarnissamut periarfissaqassaatit, sunngiffimmi sammisassanut, soorlu pisulluni angalaarneq, kangerlummi sisorarneq umiatsiamilluunniit angalaarneq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pilersaarusiornermut Oqartussaaffeqarfimmilu pisortaq Runa Sværd, oqarasuaat +299 34 74 38 imaluunniit e-mail: ruma@sermersooq.gl
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 1103-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 12.-at, 2024