Nuummi GUX-imi erninermi taartaasussamik allaffissornermi suleqataasussaq
Allaffimmi suleqatissarsiorpugut suliartornissaminut aalajaatsuusumik isumagissaartumillu, ulluinnarni ilaannikkut ulapaarfiusuni tamanik malinnaasinnaassuseqartumik. Suleqatissaq atuarfimmi atuartunut suleqatinullu ikiuerusussuseqartuussaaq, aaqqissuussilluarluni aamma namminersorluni suleqatit qanimut suleqatigalugit sulisinnaasumik.
GUX Nuummi allaffimmi novembarip 1-iani 2024-mi aallartittumik imaluunniit isumaqatigiissuteqarnikkut aallartittussamik piffissami tamakkiisumi allaffissornermi atorfik inuttaarutissaaq. Pineqarpoq erninermi taartaasussatut atorfik sapaatit akunneranut nal. akunnerini 40-ni suliffiusoq, aggustip ulluisa 31-annut 2025-mut killeqartoq.
Kalaallit Nunaanni ilinniarnertuunngorniarfiit annersaraat ukiumilu atuarfiusumi nutaami 500-t miss. atuartoqarluni atuarfiusuni ukiuni pingasuusuni arfineq-pingasunik immikkut ingerlaveqartuusoq, ilinniartitsisunit 50-it miss. atuartitsisoqarluni aamma 15-it miss. PAM-init. Atuartuutivut ilinniakkatigut aamma inuttut atugarisatigut assigiinngitsorujussuupput, ataatsimulli takorluugaqartuullutik, tassalu ilinniarnertuunngornissaq.
Atuarfimmut atasunik arlalinnik kollegiaqarpoq, aamma atuartussarsiortarneq pisarpoq kangiani Tasiilamiit kitaani kujataanut Paamiunut, atuartulli amerlanerpaartaat Nuummeersuullutik. Atuarfimmi oqaatsit marluiit atorlugit atuartitsisarpugut aamma atuartitsineq kulturimik aallaaveqarluni atuartunillu qitiutitsineq atuarfiup ingerlanneqarnerani pingaartinneqartuuvoq.
Suleqatitaassarput attaveqaqatigisarpassuaqartassaaq suliassarpassuarnillu assigiinngitsunik suliaqartassalluni, taamaammat pingaartuuvoq illit suliassanut allanngorartuusunut malinnaasinnaanissat piffissallu suliffigisavit aaqqissortarsinnaanissaa, taamatut suliassat naammassinissaasa tungaannut malinnaaffigisinnaallugit. Tamatuma saniatigut sapaatit akunnerannut ullormi ataatsimi kollegiami sulisut peqatigalugit allaffissornermi suliassanik ikiortassavatit.
Suliassatit pingaarnerit allaffimmi suleqataasut allat peqatigalugit makkuussapput:
Atuartunit, suleqatinit aamma avataanit telefonikkut mailikkullu saaffiginnissutinik misissuisarnissaq suliaqartarnissarlu
Atuartut atuarnerminnut atatillugu tapisiarisartagaannik suliaqartarneq, tassunga ilanngullugu USF-imut attaveqartarneq
Atuartunut tunngasunik suliassat, tassunga ilanngullugit atualersitsineq, atuarunnaarsitsineq aamma atuarnerminnik taamaatitsinnginnissaannik suliaqarneq
Kollegianut isumaqatigiissutinik suliaqarneq
Atuartut aamma atorfillit angalanissaannik inniminniineq
Allakkanik agguaassisarneq
Ilinniarnertuunngorniarfiup soraarummeerutaanut atatillugu allaffissornermi suliassanik suliaqartarneq, tassunga ilanngullugit soraarummeernermi uppernarsaatit aamma karakterit Lectiomut allattortarnissaat
Salto matuersaatinik tunniussineq aamma programilersuineq
Suliassat takkuteriasaartut
Uagut naatsorsuutigaarput illit tassaasutit:
Allaffissornermi tulluartumik ilinniagaqartuunissat, aamma allaffissornermi suliassanut assingusunik misilittagaqartuunissat
IT-reg-imik aamma Mit Perspektiv-imik misilittagaqarneq
Ilinniartuunersiutinut tunngasumik inatsimmik ilisimasaqarneq, kollegiami malittarisassanik aamma atuartut atuanngiffeqarnermi angalasarnerannut tunngasunik ilisimasaqarneq
Soorlu assersuutigalugu Excelimik, Wordimik ilisimasaqarluartuunissat, aamma ulluinnarni IT-mut tunngasunik atortunik assigiinngitsorpassuarnik suliaqartarsinnaanissat, pisariaqartinneqarpat uagut ilinniartitsissaagut
Iluaqutaalluinnartuussaaq kalaallisut oqalussinnaaneq allassinnaanerlu
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qaammatit siulliit pingasut misilitsiffiupput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Periuseq
Paasissutissat sukumiinerusut Ilinniartitaanermut Aqutsisumut Maureen Hendrikximut telefon +299 256102-mut imaluunniit rektorimut Hanne Larsenimut telefon +299 363396-imut saaffiginninnikkut pissarsiarineqarsinnaapput.
Ingerlaavartumik oqaloqatiginnittoqartassaaq.
Qinnuteqaatit CV ilanngullugu aamma soraarummeersimanermut uppernarsaatit nassiutikkit kingusinnerpaamik pingasunngornermi oktobarip 30-ani 2024 portali aqqutigalugu.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.