Nuummi angerlarsimaffimmi ikiortinut ataqatigiissaarisumik pissarsiorpugut
Nuummi angerlarsimaffimmi ikiortit sulisut sullitallu ingerlanneqarnerannut qanimut ataqatigiissaarisumik pissarsiorpugut
Nuummi angerlarsimaffimmi ikiortit sulisut sullitallu ingerlanneqarnerannut qanimut ataqatigiissaarisumik pissarsiorpugut peqqissaasutut ikiortimik ilinniagalimmik.
Angerlarsimaffimmi ikiorteqarfimmi inulerisut eqqiaasullu suliassaannik agguataarinermi, sullinneqartullu saaffiginnissutaannik ataqatigiissaarinermi, sullissinissakkut pilersaarusiornermi suliaqarnissamik pikkoriffeqaruit suliffik ulluinnarni nalunaaqutaq 07:30 aamma 15:30 suliffissarititaasoq soqutigigukku tusarfigerusuppatsigit.
Qanimut suleqatissatit tassaapput angerlarsimaffimmi ikiortit inulerisut eqqiaasullu.Taakku sullissineranni sullinneqartuniillu nalunaarutit aallaavigalugit sullissineq, pisariaqarpat sullitanut ornigulluni nalilersuineq, susassaqartunut ingerlatitseqqinneq. Ullaakkut takkunnermi Nalunaaqutaq 07:30 sillimasup oqarasuaataa angallattagaq kiisalu Angerlarsimaffimmi ikiorteqarfimmi oqarasuaat tigummisassavatit soraarnissavit tungaanut nalunaaqutaq 15:30. Sullinneqartut sulisullu taanna attaveqaatigimmassuk.
Ingerlatsinermi pilersaarusiotoq suleqatigalugu avataani suleqatinut nalunaarusiorneq. Sullissat tamarmik pilersaarutinut ikkunneqartarput, sumiiffikkaartunut arfineq pingasuusunut. Taakku tamakkiisumik sullinneqarnissamut akuersissut malillugu sullinneqarnissaat qulakkeernissaa akisussaaffiup iluaniippoq.
Suliassat:
∙Orniguffissanut Ingerlatsinermi pitsaasumik pilersaarusiornikkut sulisup eqqortup innuttaasumut eqqortumut suliakkiissummik innersuussutigineqartumik sullissinissaata qulakkeerneqarnissaa
∙Innutaasut aatsaat sullinneqartalertussat aammalu innuttaasut piaartumik pisariaqartitsisut nalilersuiffiginissaat sullinneqarnissaallu
∙Suliassatut allaaserisanik sullissinerullu pitsaassusissaanik malinninneq
∙Ingerlatsinermi artaqatigiissaarisoq peqatigalugu allaffimmi suliassanik suliaqarnermi suliaqarneq, oqarasuaatilinerinerit, kisitsisinik nalunaarsuinerit, buskortilerinerit
∙Sulinermi sullissinermilu atortussanik inniminniinerit Aqutsisoq peqatigalugu
∙Orniguffissanik agguaassinerit ataqatigiissaarinerit
∙Ingerlatsinermi pilersaarusiotoq peqatigalugu innuttaasunik aatsaat sullinneqartalersoqartillugu aammalu sullissinissamik pilersaarusiornerit/innuttaasut sullinneqartut pilersaarusiorneri
∙Matuersaatinik oqarasuaatit angallattakkanik aqutsineq
∙Napparsimasoqartillugu sulinngiffeqartoqartillugulu innuttaasup angerlarsimaffiani suliassanik ingerlatseqataaneq
∙Ingerlatsinermut pilersaarusiortup pitsaasumik sulisut atorluarneqarnissaat qulakkiissavaa
∙Ingerlatsinermi ataqatigiissaarisoq peqatigalugu avataani suleqatit pitsaasumik suleqatiginissaat attaveqatigiuarnissaatalu qulakkeernissa
∙Ullormut suliat nalunaarusiorneqarnissaanut qulakkeerinninneq
∙Sullissisut sullissinissamut sakkussanik naammattunik pigisaqarnissaanut qulakkeerinninneq
Ilinniakkatigut piginnaasat:
∙Peqqinnissamut tunngasunik ilinniagalik
∙Utoqqarnut tunngasunik suliaqarnermi misilittagalik
∙Ajornanngippat isumassuinermi piffissanillu suliffiusussanut tunngasunik suliaqarnermi misilittagalik
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Inuttut piginnaasat:
∙Suleqatiginnilluarsinnaasoq pilersaarusiornermilu annikitsuararpassuarnik eqqarsaatiginnittartoq
∙Tusarnaarluarsinnaasoq attaveqallaqqissorlu
∙Tatisimaneqarnermi aaqqiissutissanik takunnillaqqissoq
∙Nukittoqutit eqqissisimaneq, pitsaasumik isiginnittaaseqarneq namminerlu piginnaasannik killissannillu ilisimaarinninneq
∙Suliamut tunngasunik tamanik suleqateqarnermi paasinnissinnaasoq
∙Unneqqarissoq suliffimmillu ataqqinnilluartoq
∙Timikkut tarnikkullu peqqissoq
∙Pitsaasumik isorinnittumillu isornartorsiuinernik tigusisinnaasoq aamma inuit assigiinngitsuunerinik inissaqartitsillunilu najoqqutaqarsinnaasoq
Neqeroorutigaagut:
∙Suliffeqarfimmi ineriartortitsineq, akisussaaqataaneq sunniuteqaqataasinnaanerillu pingaartinneqartut
∙Suliffik pissanganartoq assigiinngisitaartunik unammilligassarpassuarnillu suliassaqarfiusoq
∙Suleqatigiit suleqatigiinnermik pingaartitsisut ingerlatitsinissamillu paasinnittut
∙Immikkoortortami aqutsisoq pitsaassutsimillu ineriartortitsisoq qanimut suleqatiginissaat
∙Pitsaasumik ilisarititsineq sungiusarneqarnerlu
Sapaatip akunneranut Ataasinngornermiik tallimanngornermut nalunaaqutaq 07:30-miik 15:30-mut aammalu 08:00- 16:00 suliffiupput. Sapaatip akunneranut 40 tiimit.
Angerlarsimaffimmi ikiorteqarfik pillugu paasissutissiineq:
Angerlarsimaffimmi ikiorteqarfimmi sulilerninni suleqatit tunniusimasut 30-it missaanniittut assigiinngitsunik suliatigut tunuliaqutallit akornanni sulilissaatit.
Nuuk Nuussuaq Qinngorpullu katillugit ataatsimut sullinneqartut 250 missaaniipput. Taakku inulerinikkut eqqiaassussinikkut sullinneqartuupput. Suliffik ulloq unnuarlu sullissisuuvoq, sulisullu aalaakkaasuullutik.
Qanimut suleqatigaagut Utoqqarnik sullissinermut innersuussisarfik, Puiguttornermut sullissisut, timimik sungiusaasut, Angerlarsimaffiimmi peqqissaasut, peqqinnissaqarfik, pillorissaaviit kiisalu Utoqqarnut tunngasuni sagsbehandlerit.
Sullitaraagut utoqqaat, innarluuteqalersimasut, puiguttornermik eqqungaasut, allatigullu tungiorneqarnissakkut pisariaqartitsisut.
Kommuneqarfik Sermersuup pingaartitat pingaarnerit pingasut aallaavigalugit sulivoq: Ataqqinninneq, akisussaaneq ineriartornerlu, illillu qinnuteqartutut pingaartitanik taakkuninnga pingaartitsisuunissat pingaaruteqarpoq. Angerlarsimaffimmi ikiorteqarfimmi naleqartitaqarpugut tassaasut – Tatigeqatigiinneq, Tungiuineq, Inuunermi naleqartitat, Tusarnaarsinnaaneq, Toqqissisimaneq, Ataqqeqatigiinneq, qajassuussineq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisuugallartoq Akisooq Geisler Skifte, oqarasuaat +299 36 61 69 imaluunniit e-mail: akig@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1061-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 8.-at, 2024