Nuuk Internationale Friskole perorsaanermut ikiortissarsiorpoq
Nuuk Internationale Friskole nukappiaqqamut 6. klassimi atuartumut perorsaanermut ikiortissarsiorpoq
Nukappiaqqamut ADHD-eqarlunilu aspergersimik innarluuteqartumu. klassimi atuarnerup nalaani pimoorussillunilu isumassuisinnaasumik ikiortissarsiorpugut.
Meeqqat suliaanik inooqataanermilu ineriartorneranut ikorfartornissaanut immikkut ikiortaassaatit. Suliassanut tunngatillugu, meeqqap piginnaasamigut qaffasissusaa pisariaqartitaalu aallaavigalugit sakkortuumik suliaqartarsinnaassaatit. Atuarfimmi ulluinnarni pisartunut sinaakkutalersueqataassaatit. Atuarfimmi allanik sammisaqartilluta nukappiaqqap allanik sammisaqarnerani ikorfartortassavat, immaqalu allanik sammisaqaqatigalugu.
Taamaattumik angajoqqaallu suleqatigiilluartussaavusi, atuarfimmi suleqatissatit kisiisa suleqatiginagit.
Meeqqanik, angajoqqaanik suleqatinillu suleqateqarsinnaanerit naleqartitatsinnik sisamanik tunngaveqarpoq: ilinniarluarsimaneq, anguniagaqarneq, ataatsimoorneq aamma tatiginassuseq.
Ataani allaqqasunut anngaasinnaavit?
∙Periarfissanik takunnisinnaasoq nutaaliorsinnaanermillu eqqarsarsinnaasoq
∙Eqqissisitsisinnaasoq misigisassanullu nutaanut nuannersumik kajumissaasinnaasoq
∙Ersarissunik sinaakkusersuisinnaasoq, pisariaqartitsinermili nalimmassarsinnaasoq
∙Ukiumut marloriarluni nalunaarusiorsinnaasoq aamma iliuusissatut pilersaarusiamik malinnissinnaasoq
∙Qanimut suleqateqarnissamut piareersimasoq, tassani angajoqqaat ilinniartitsisullu eqqarsaatigalugit
∙Meeqqat immikkut pisariaqartitsisut pillugit, imaluunniit adhd/aspergerseqartunut tunngasunik, misilittagalik
∙Perorsaasutut ilinniartitsisutulluunniit ilinniarnikuuguit iluaqutaassaaq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Neqeroorutigisinnaavarput:
∙Nukappiaraq nuannaartoq pissanganartumik suleqatigalugu.
∙Angajoqqaanit tapersersorneqarneq
∙Sinaakkutat malillugit allanngorarsinnaasumik ulluinnaqarluni nutaanik pilersitsinissaq pillugu eqqarsaateqarnissamut inissaqartitsisoq
·Suliffeqarfik ataatsimoornermik suliamullu ineriatortitsinermik pingaartitsisoq
Atuarfipput pillugu paasisaqarnerorusukkuit, www.nif.gl-imi ujartuigit.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfimmi pisortaq Nicolaj Raarup Hellesen, oqarasuaat +299 38 25 01 imaluunniit e-mail: nif@nif.gl
Qinnuteqaat:
Qinnuteqaat qulequtserlugu Atorfiup ilisarnaataa 136-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 27.-at, 2025