Nutserisoq/Oqalutsi
Avannaata Kommunia nutserisumik/oqalutsimik ilinniarsimasumik sulisussarsiorpoq 01.03.2025 aallarnerfigalugu imaluunniit isumaqatigiissuteqarnikkut atorfinittussamik.
Suliassaqarfik suli ineriartortoq suliassallu allanngorartuartut neqeroorutigaagut.
Kommunimi kommunillu suliffeqarfiutaani allani toqqaannartumik oqaluttaajartornerit pisarput. Atorfik Ilulissani allattoqarfimmi inissisimavoq.
Avannaata Kommunia 10.846-t missaani (2024). Kommuni sisamanik illoqarfeqarpoq 21-nillu nunaqarfeqarluni. Illoqarfiit: Ilulissat, Uummannaq, Upernavik, Qaanaaq.
Ilulissat pisoqarfiuvoq ineriartortuaannavillunilu, 2026-mi mittarfittaassaq atulerneqartussaavoq, aasaaneranilu takornariarpassuit tikerartarput.
Ingerlatsiviit assigiinngitsut suleqatigineqartarput nalinginnaasumillu suliffiusartut avataatigut sulisarnissaq naatsorsuutigineqassaaq.
Suleqatigiinneq nuannersoq qeratanngitsorlu atugaraarput. Suliffimmi avatangiisit pitsaasuunissaat pingaartipparput, suleqatigullu nuannersumik qanimullu suleqatigisarpagut. Assersuutigalugu ullaakkorsioqatigiittarpugut walk and talk ingerlattarlutigu.
Suliassat akisussaaffiillu:
- Nutsigassanik takkussuuttunik atortulersuutit atorlugit nutserineq
- Oqalutseqarnissaminnik inniminniisunut oqaluttaaneq matumani Sullissivimmi, MISI-mi, Ilaqutariit illuanni il.il.
- Ataatsimiititaliat ataavartut Kommunalbestyrelsillu ataatsimiineranni toqqaannartumik oqaluttaaneq
- Suleqatit allat suliaasa pitsaassusaanik isumannaarinninneq
- Ingerlatsiviit assigiinngitsut qanimut suleqatigalugit
Suliassatigut piginnaasat:
- Nutserisutut/oqalutsitut ilinniarsimasuunissaq
- Politikkikkut aqunneqartumi suliffimmi misilittagaqarnissaq imaluunniit ilikkajasuunissaq
- Nutserinermut atortulersuutinik ilisimasaqarneq imaluunniit ilikkarusussuseqarneq
- Pitsaassutsimik isumannaarinnissinnaaneq
- Oqalunnikkut allattariarsornikkullu paasinartuliorsinnaaneq
Akissaatit atorfeqartitaanermullu atugassarititaasut:
Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfimmut atatillugu inimik inissaqartitsisoqarsinnaavoq.
Atorfinitsitsinissamut atatillugu oqaloqatiginninnerit Teams-ikkut ingerlanneqassapput.
Attaveqarfissaq:
Atorfimmut paasissutissat sukumiinerusut oqaluttaaneq Najannguaq H. Petersen saaffigalugu pissarsiarineqarsinnaapput mailerlutit uunga: nape@avannaata.gl imaluunniit uunga sianerlutit: 387608
Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat nassiutereersimassapput kingusinnerpaamik ulloq 21.02.2025, nassiunneqassapput Avannaata Kommuniata nittartagaa: Avannaata.gl/ledige-stillinger aqqutigalugu, allagarsiussap eqqaaniittoq qinnuteqarfissaq toorneratigut.