Nunap immikkoortua Kujallermut suliniutinik ataqatigiissaarisoq
Illit nunap immikkoortuani periusissialittut pilersuinermi isumannaassusermut ilalersuerusuttutit nunap immikkoortuata Kujalliup pisariaqartippaatit, tamaanilu nunap immikkoortuani suliniutit nalunaarutaasimasut ataqatigiissaakkamik isumaginninnerit aqqutigalugit ineriartortitaqassaatit, kiisalu suliniutissanut siunnersuutinik nutaanik paasiniaallutillu ilanngussinissamik nalunaaruteqartassallutit. Taamaaliortoqassaaq innuttaasunut aamma inuiaqatigiinnut – assut suliarisamik nuannaaruteqarluni pitsaanerpaamik, akikinnerpaamik, aamma avatangiisinut tulluartumik – pilersuinerup aalaakkaasup attannissaa pillugu. Nunap immikkoortua Kujallermut pisortaq qullersarissavat.
Suliassatit pingaarnerpaat tassaapput:
• Suliniutinik suliassiissutaasunik suliniutinut pisortatut tamakkuninnga naammassisaqarnissamik akisussaaffeqarneq suliffiup iluani aamma avataani soqutigisaqaqatigiinnik siamasissumik suleqateqarluni pissaaq.
• Suliniutinik suliaqarnermut naleqqiullugu Nunap immikkoortuata Pisortaanik aamma suleqatigiinni aqutsisunik ikiuilluni oqilisaaneq.
• Suliniummut suliniutip nassuiagaaffiata nalaanut aamma Business Casemi nassuiarneqartutut piffissamut, pitsaassutsimut aamma aningaasaqarnermut toqqammavigisanik malittarinninneq.
• Suliniutinik nutaanik aamma/imaluunniit programminik ilanngussassatut nalunaaruteqarnerit piffissaq eqqorlugu, aamma pitsaassuseqartitatut Business Casemi naammassineqassapput.
• SGF-imik isumasioqateqarluni suliniutaasunut akuttoqatigiissaartumik killiffigisanik malitseqartitaqartarneq.
• Nunap immikkoortuani suliniutaasut qaqugukkulluunniit atuuttutut Nukissiorfiit Takorluugaanut, Anguniagaanut, Naleqartitaanut aamma Periusissiaanut naleqqiullugit malittarisassianik aamma anguniakkanik malittarisaqarnissaannik qulakkeerinerit.
Atuuffigisami suliassat:
• Suliniutinik tunniunneqartunik taakkuninnga suliassanik aqutsinerit, agguaassinerit, aamma malitseqartitsisarnerit.
• Suliniutinut ingerlatsinermik aqutsinerit.
• Ataatsimiinnernik assigiinngitsunik, aamma imaqarniliortarnernik naammassinnittarnissat.
• Suliniutinik naammassisaqarnernut atatillugu attaveqaqatigiinnerit.
• Nukissiorfiit qullersaqarfiani attuumassutilittut atuuffinnik, ingammik teknikkimut immikkoortoqarfinnik qanimut ataqatigiissitsinermik qularnaarinerit.
• Nunap immikkoortuanut suliniutinut missingersuutit suliarinerinut aamma malitseqartitaanerinut peqataaqataanerit.
• Akuerisaasutut pisiortornermut ingerlattakkat aamma isumaqatigiissutaasut malittarinissaannik atuutsitaqarlunilu qularnaarinerit, ilanngullugit pisiarisassanut, aamma pisiortornermut ingerlattakkanik pitsaanerpaanngorsaanissamut siunnersuutinik saqqummiussinerit.
• Nukissiorfiit uppernarsaasarnermut najoqqutarisaa, kiisalu suliniutinut ilusiliaa najoqqutaralugit allaffissornermi suliassanik isumaginninnerit.
• Suliniutini aningaasaqarnermi malitseqartitsinernik qularnaarinerit.
• Nunap immikkoortuani nunap immikkoortuata pisortaanik, aamma suleqatigiinni aqutsisunik isumasioqateqarluni suliniutinik/programminik nutaanik ilanngussinissamik nalunaaruteqarnerit.
• Nunap immikkoortuani suleqatigiinni aqutsisunik isumasioqateqarluni sanaartornermut paasissutissanik aamma uppernarsaatinik nutaanik nalunaaruteqartarnissamut akisussaaffeqarneq.
Atorfimmi immikkut ittutut suliassat:
• Nunap immikkoortuani piffissamut ungasissumut aningaasaliiffigisassatut pilersaarutaasa suliarinerinut ilalersuuteqarnerit, ilanngullugit Business Casesinik suliaqarnerit.
• Atuisartunut attaveqarnerit.
• Misilittakkanik aamma ilisimasanik paarlaateqatigiinnerit.
• Suliniutinut allaffimmut, aamma suliniutinik ataqatigiissaarisut sinnerinut attaveqarnerit.
• Nunap immikkoortuani suliassat allatut ilusillit ataqatigiissaagaanerinut naleqqiullugit siunertanut aalajangersimasunut suliassat allat, kiisalu ajornanngippat nunap immikkoortuani uteqqinneqartartunik ataqatigiissaarinermik suliassat aalajangersimasut, tassaasinnaasut sullivimmi isumannaallisaanermik ataqatigiissaarinerit.
Suut naatsorsuutigisinnaavigit?
Immikkoortoqarfimmi suleqatinik pikkorillutillu pimoorussisunik inuttalimmi ilaalissaatit. Uagutsinni ullut suliffiit, sulianut tunngasutut eqimattoqarfiit aamma immikkoortoqarfiit killeqarfii qaangerlugit suleqatigiiffigisagut naatsorsuutigisinnaavatit. Tamaaniipput suliassat assigiinngitsorpassuit, aammalu suleqatit assigiinngitsunik tunuliaqutillit. Nukissiorfiit iluani sulianut tunngasutut aamma inuttut ineriartornissamut periarfissatsialaat ipput.
Suliatigut makkuninnga piginnaasaqartutit ujarpatsigit:
• Suliniutinik aqutsineq.
• Sulianut tunngasutut aserujaatsumik tunngavilik, ajornanngippat teknikkimut tunngasunik sivisuumik ilinniarsimasoq, soorlu ingeniøritut, maskinmesteritut, imaluunniit illunik ilusilersuisartutut (bygningskonstruktøritut).
• Piffissamut sivikitsumut, soorlulusooq sivisuumut pilersaarusiornermut naleqqiullugu iluseqartitsisartuusoq.
• Aningaaqarnermik paasisimannilluartoq.
• Attaveqaqatigiinnermut piginnaasaqarluartoq.
• Allaffissornermi aamma qarasaasialerinermi (IT-mi) piginnaasaqarluartoq.
• Danskisut oqaaseqarlutillu allattartuuvutit, ajornanngippallu kalaallisut.
• Biilersinnaanermut allagartalik.
Inuttut makkuninnga piginnaaneqartutit ujarpatsigit:
• Ataatsimut isiginnissinnaassusilik.
• Suleqatigiinnernut ilaasartoq.
• Aaqqiagiinnginnernik isumaginnissinnaasartoq.
• Namminersuuteqarsinnaasoq.
Inunnik aamma sulianut tunngatillugu sulialinnik suussutsinik sunik tamanik attaveqaqateqarsinnaassaatit. Atuuffigisat avammut sammisuuvoq, tamaanilu attaveqarfinnik pilersitsinermut, aalaakkaasuunermik takussutissiinermut, aamma pimoorussinermut piginnaasatit suliniutip iluatsittumik naammassineqarnissaanut qularnaarisuupput.
Aningaasarsiat aamma atorfinitsitaanermut atugassarisat:
Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissut najoqqutaralugu atorfinitsitsisoqassaaq.
Atorfinitsitaaneq qaammatinik pingasunik misilitsinnermik ilaqartillugu pissaaq.
Atorfimmut sulisunut inissiamik innersuussisoqarsinnaavoq.
Namminersorlutik Oqartussani atorfeqarneq aqqutigalugu sulisunut inissiamik innersuussissummik peqariissaguit sulisunut inissiamut innersuussutaasumut tassunga pisinnaatitaaffik pigiinnarneqassaaq.
Atorfininneq sapinngisamik piaarnerpaami, imaluunniit isumaqatigiissut malillugu.
Atorfik pillugu paasissutissat erseqqarinnerit uani pissarsiarineqarsinnaapput:
Nunap immikkoortuanut Pisortaq Lars Hoffmeyer, e-mailikkut: lh@nukissiorfiit.gl imaluunniit oqarasuaatikkut saaffiginninneq, ukunatigut oq. (+299) 64 78 10 / (+299) 53 17 46.
Annertunermik paasissutissiissutit:
Apeqqutit nalinginnaanerit HR-imut immikkoortoqarfimmut saaffiginnissutaassapput, e-mailikkut ugguuna: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik aamma kiassarnermik pilersugaraa. Peqatigiilluta atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamut, imermut aamma kiassarnermut tunisinitta 70 %-ia nukissamit ataavartumit pivoq. 2030-p tungaanut nukissamik ataavartumik 100 %-imik pilersuisuulernissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: decembarip 27.-at, 2024