Nunanut allanut immikkoortumi tamanik sulialik/aaqqissuussanik piareersaasoq
Nunanut allanut immikkoortumi tamanik sulialik/aaqqissuussanik piareersaasoq
Naalagaaffinngornissamut Nunanullu Allanut Naalakkersuisoqarfik aprilip aallaqqaataanit 2025 isumaqatigiissuteqarnikkulluunnit atorfinittussamik tamanik sulialimmik/aaqqissuussanik piareersaasumik pissarsiorpoq. Atorfiit piffissami killilittami suliniutinik ingerlatsinermi ingerlassaaq, naatsorsuutigaarpullu atorfeqarneq 2027 naaneranut ingerlassasoq.
Sulisunik pikkorissunik tamalaanik namminersuutigalugu allaffimmi suliaqarsinnaasumik marlunnik allaffeqarfimmi
Issittumut tunngasuni assigiinngiiaartunik namminersuutigalugu suliaqarsinnaasunik ujaasivugut.
Atorfiup siunertaraa nunatta nunarsuarmioqatigiinni suleqataanerani nunarsuamioqatigiinnilu oqalliffinni assigiinngitsuni soqutigisaasa ingerlannissaat. Tassunga atatillugu tamanik sulialimmik/aaqqissuussanik piareersaasussamik nunatta issittumi suleqataanerani, tassunga Issittumi Siunnersuisooqatigiit ilanngullugu sulinermi tapertaasussanik pissarsiorpugut.
Allaffeqarfimmi sulisut allat peqatigalugit Naalagaaffinngornissamut Nunanullu Allanut Naalakkersuisoqarfiup suliassaat tassunga tunngasut suliarissavatit ilaatigut makkuusut
- Pisussat, angalanissat, pilersaarutit, ataatsimiinnisaq tikeraarnissat il.il. piareersarlugillu aaqqissuunnissaat
- Nunanut allanut ministeriap issittumut immikkoortortaqarfia, saalimmiut naalakkersuisuinik aammalu issittumi siunnersuisooqatigiit allattoqarfiat Tromsømiittoq allallu ataqatigiissaareqatigiiffiginissaat
- Suliassat takkussinnaasut suulluunnit (ad hoc) suliarinissaat.
Atorfiup imaisai pisinnaasat piginnaasallu allaffeqarfimmi pisariaqatinneqartut aallaavigalugit inaarutaasumik nalimmassarlugit inissinneqavikkumaarput.
Nunanut Allanut immikkoortortaqarfik pillugu
Nunanut Allanut immikkoortortaqarfik aaqqissuussaanikkut Naalagaaffinngornissamut Nunanullu Allanut Naalakkersuisup ataani inissisimavoq. Nunanut Allanut immikkoortortaqarfimmi sulisut 20-t missaanniittut aorfeqartinneqarput. Allaffeqafik Nuummi Nunanut allanut immikkoortortaqarfimmi aammalu Bruxellesimi, Washington D.C.-mi, Reykjavikimi Beijingimilu aallaaveqarpoq.
Kalaallit Nunaata nunanut allanut soqutigisaasa suliarinissaat, naalakkersuisoqafiillu assigiinngitsut nunarsuarmioqatgiinni suliaqarneranni ataqatigiissarnissaanut aaqqissuussiffiginissaannullu nunanut laanut immikkoortortaq qitiusumik inissisimasuuvoq. Suliavut tassaapput nunanut allanut attaveqarneq aammalu nunat sumiiffiini nunarsuarmioqatigiinnilu suleqateqarneq, tassunga ilaallutik Nunat Avannaliit Siunnersuisooqatigiivi, Issittumi Siunnersuisooqatigiit taamatullu FN-ip inuit pisinnaatitaaffiinu siunnrsuisooqatigiit aammalu FN-ip Nunap Inuiinut Ataavartumik Oqallittarfiat. Aammattaaq Namminersorlutik Oqartussat illersornissamut isumannaallisaanikkullu Kalaallit Nunaannut tunngasuni Danmarkimik suleqateqarneranni peqataavoq. Paasissutissat annertunerusut uani atuarsinnaavatit www.naalakkersuisut.gl
Piginnaasat pisinnaasallu
- Tulluartumik ilinniagaqarneq
- Suliffeqarfimmi politikkikkut aqunneqartumi sulinermut misilittagaqarneq iluaqutaassaaq
- Aaqqissuussanik nunarsuarmioqatigiillu ataatsimiinnerannik piareersaanermut misilittagalik
- Angalanissanik inniminniineq, angalanissanik ataatsimiiffissanillu pilersaarusiorneq aammalu ataatsimiinnissanik sammisassanillu pilersaarutaannik suliaqarneq, tamanna naalakkersuisoqarfiup iluani qanimullu suleqativut peqatigalugit ingerlassaaq
- Nunarsuarmioqatigiinni suliaqarfiit kattuffiillu aamma/immaqa nunani allani sulisimanermi misilittagaqarneq tassunga ilanngullugu tuluit oqaasiinik atuilluarsinnaaneq.
- Naliliilluarsinnaaneq, namminersuutigalugu akisusaaffimmik tigusisinnaaneq aammalu ataqatigiissaarisinnaaneq
- Kalaallinut inuiaqatigiinnut kulutriannullu ilisimasaqarneq
- Kalaallisut, danskisut, tuluttut oqaatsinillu allanik atuisinnaaneq annertuumik iluaqutaassapput.
Neqeroorutigaarput
Naalagaaffinngornissamut Nunanullu Allanut Naalakkersuisoqarfik suliffeqarfiuvoq pitsaasumik ingerlasoq, taamaattumillu suleqatigaassavut qiimmisaarnartumut avatangiiserissaartumullu tikilluaqqunissaannut neqeroorsinnavugut.
Naalakkersuisoqarfiup nunanut allanut immikkoortortaqaqarfia ulapaarfiuvoq, immitsinnut isummersoqatigiiffigisarpugut suliassallu tamaasa matussuserniarlugit suleqatigiinneq ingerlattarlutigu, tassunga ilaavoq atorfimmt atatillugu piffissat ilaanni angalasarnissat.
Pisut ilaanni sulisut Kalaallit Nunaat avammut kiinnernerani sinniisuutitaasarput – angalanermi, aammali Kalaallit Nutaat tikraarnermik aaqqissuussinermi.
Sulisut tamarmik pingaartineqarnermik misiginisaat sulissutigiuarparput, taamatullu suliartornissartik pingaaruteqartuusoq misiginissaat pingaartitaraarput. Sulisut ataasiakkaat ineriartornissamut ilinniaqqinnissamut pisariaqartitsinerat tapersersorparput, inuttut suliffimmullu atatilllugu.
Isumannaallisaanikkut akuerineqarneq
Atorfinnut inissinneqassagaanni malittarisassat atuuttut aallaavigalugit isumannaallisaanikkut akuerineqarnissat piumasaqaataavoq. Taamaattumik pinerluutqarsimannginnermut uppernarsaat ilanngullugu nassiunneqassaaq. Tamanna sumiiffimmi politeeqarfimmi imaluunnit www.politi.gl aqqutigalugu pissarsiarineqarsinnaavoq.
Paasissutissat annertunerusut
Atorfinnut tunngatillugu annertunerusumik paasisaqarusukkuit attaveqarnissannu tikilluaqqusaavutit, attaveqarfissaq Mininnguaq Kleist mikl@nanoq.gl/+299 34 50 00.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job