NunaGreen A/S nalorninartulerinermut pitsaassusilerinermullu akisussaasoq

”Sanaartukkani angisuuni nalorninartulerinermik pitsaassusilerinermillu aqutsinermik misilittagaqarlutillu mingutsitsinngitsumik ingerlatsinissaq soqutigaajuk?”

Suliffeqarfimmi nukissamik mingutsitsinngitsumik, piujuartitsinermik, nunani tamalaani periarfissanik kiisalu sanaartukkanik annertuunik ukkatarinniffiusumi sulerusuppit, taava una ilinnut periarfissatsialaasinnaavoq!

Atorfik

Nalorninartunik pitsaassusilerinermillu aqutsinermi misilittagaqarlutillu pikkorissuuit? NunaGreenimi suliniutinut aqutsisutut Kalaallit Nunaanni nukissiorfinnik nukissamik piujuartitsisumik pilersuisunik sanaartornissamut qitiusutut inissisimarusukkuit taava sulisorilerusuppatigit.

NunaGreenimi suliniutinut aqutsisutut Kalaallit Nunaanni nukissiorfinnik nukissamik piujuartitsisumik pilersuisunik sanaartornissamut qitiusutut inissisimasinnaavutit. Kalaallit Nunaanni sanaartukkat annersaasa ilaat, matumani Qasgiannguani Aasiannilu Qeqertarsuup tunuani inissisimasuni erngup nukinganik nukissiorfimmik sanaartorneq suliffigissavatit. Suleqatigut misilittagallit maanna sanaartugassagut pillugit suliarinnittussarsiuussinernik suliaqartut suleqatigissavatit.

Nalorninartulerinermut Pitsaassusilerinermullu akisussaasumik sanaartortitsisup aaqqissuussaanut ilaasussamik piaartumillu sulilersussamik sulisussarsiorpugut. Nalorninartunik aqutsineq kiisalu suliap pitsaassusaata suliap ingerlanerani qaffasinnerpaajunissaa pingaarnertut akisussaaffigissavatit.

Suliassat pingaarnerit

• Nalorninartunik aqutsineq: Siunnersortit sanaartortullu suleqatigalugit nalorninartunik aqutsinissamut periusissanik suliaqarneq atuutilersitsinerlu. Nalorninartunik ataavartumik naliliineq nutarsaanerlu.
• Pitsaassutsimik aqutsineq: Suliniutini pitsaassusissat aalajangigaasut qulakkeerlugillu nakkutiginissaat suliaqarfinnilu tamani suliniutinilu pitsaassutsip eqqortup attanneqarnissaanut periusissanik pilersitsineq. Pitsaassusilerinermut pilersaarutinik ataavartumik nalilersuillunilu nutarsaaneq
• Pitsaassusilerinermut atortoq. Pitsaassusilerinermut atortumik pilersitsinissat atuutilersitsinissarlu aamma pisariaqassaaq.
• Suliniutinik aqutsineq: Suliniummik aqutseqataaneq sanaartornermillu suliniutitta aqunneqarneranut peqataaneq.
• Suliaqarfiit akimorlugit suleqateqarneq. Suliniutip akornuteqanngitsumik naammassineqarnissaa qulakkeerniarlugu suliffeqarfiup iluani avataanilu soqutigisaqartunik qanimut suleqateqarneq.
• Oqarrtussanik sullissineq: Oqartussat suleriusaat assigiinngitsut ilisimasaqarfigissavatit, najukkami nunamilu malittarisassat najoqqutassallu eqquutsinneqarnissaat qulakkiissavat.

Piginnaasatit tunuliaqutillu

Nalorninartunik pitsaassusilerinermilu suliatsinni siuttuussallutit misilittagaqarlutillu tamakkiisumik takunnissinnaassaatit. Nalorninartunik aqutsinermut, pitsaassusilerinermut suliniutinillu aqutsinermut, ajornanngippat nukissiuteqarnermi attavilersuuteqarnermilu, siammasissumik misilittagaqarnissat pingaartinneqarpoq. Sanaartornerit annertunerusut annertuulluunniit misilittagaqarfigigukkit iluaqutaassaaq.

Ilinniakkatigut ingeniøritut, suliffeqarfissuarni innaallagisserisutut, innaallagisserisutut, mistalitut, konstruktøritut assigisaanilluunniit tunuliaqutaqassaatit. Nalorninsartunik aamma/imaluunniit pitsaassusilerinermik kiisalu suliniutinik aqutsinermik ilinniakkamik akuerisaasumik ilinniarsimaguit iluaqutaalluinnassaaq.

Namminersorlutit sulisinnaassaatit, iliuuseqarsinnaallutillu suliassat suleqatillugu naammassisaqarnissaq siunertaralugu namminersuutigisinnaassavatit.

Sulininnut tunniusimaguit, attaveqarluarsinnaaguit kiisalu nammineq inuttut naleqatitatit NunaGreenip mingutsitsinngitsumik atuinissamik takorluugaanut naleqquttutut isigisinnaagukkit iluaqutaassaaq.

Neqeroorutigaagut

Suliffeqarfimmi nukissamik ataavartumik mingutsitsinngitsumillu atuilernermi siuttuulersussamik ineriartortitsinermi atorfimmik pissanganartumik NunaGreen neqerooruteqarpoq. Sullivimmi avatangiisit peqqinnartut suleqatillu persuarsiorpalaanngitsut akornaniilissaatit. Atorfik qullersaqarfitsinni Nuummiittumi inissisimavoq (isumaqatigiinnikkut Qeqertarsuup tunuanut inissinneqarsinnaavoq) Allaffissornermilu ingerlatsisoq toqqaannartumik qullersarineqassaaq.

Apeqqutissaqaruit Sanaartornermi ingerlatsisoq Erlingur Leifsson oqarasuaammut +299 363652-imut sianerfigissallugu tikilluaqqusaavutit.

Qinnuteqaatit CV-talik mailikkut Sulisoqarnermut immikkoortortatsinnut, kingusinnerpaamik 2024-mi septembarip 23-ani, nassiuguk: tek@nunagreen.gl.

Oqaloqatigiinnerit tulleriaarlugit ingerlanneqassapput.

NunaGreen A/S naatsumik oqaatigalugu

NunaGreen suliffeqarfiuvoq nutaajusoq nukissamillu ataavartumik mingutsitsinngitsumillu atuilernermi Kalaallit Nunaanni siuttunngornissarput anguniagaraarput. NunaGreenimi erngup nukinganik nukissiorfiit allinissaat sananeqarnissaallu, kiisalu nukissamik mingutsitsinngitsumik pilersuinissamut periarfissat allat ujartornissaat tunniusimalluta suliniutigaarput.

Kalaallit Nunaat nukissamik ataavartumik annertuumik peqarnermigut periarfissanik mingutsitsinngitsunik immikkuullarissunik neqerooruteqarnissaminut periarfissarpassuaqarpoq, anguniagaqarlunilu nutaaliornikkut inerisaanikkullu periarfissat taakku akisussaassusilimmik piujuartitsisumillu atorluarnissaat pingaarnertut anguniagaraarput. Erngup nukinga nukissarlu ataavartoq mingutsitsinngitsumik atuilernissami pingaaruteqarput.

NunaGreenip avatangiisinut sunniuteqarneq nutaaliaasoq pitsaasorlu, nunallu innuttaasuinut iluaqutaasoq pilersikkumavaa.