NunaGreen A/S-imi Oqartussanut atassuteqarnermut ataqatigiissaarisoq

”Uagutsituulli mingutsitsinngitsumik ingerlatsilernissaq kissaatigaajuk?” Suliaqarfimmilu nukissamik mingutsitsinngitsumik piujuartitsinermillu ukkatarinniffiusumik sulerusullutillu oqartussat suleriusaat ilisimasaqarfigalugillu sanaartornermi oqartussanut attaveqarnerit pisariusinnaasut suliaqarfiginissaannik misilittagaqarpit? Erngup nukinganik suliniuteqarnermut atatillugu ataqatigiissaarinermi ikiuuttussamik tunniusimasumik aaqqissuussamillu sulisartumik sulisussarsiorpugut.

Atorfik

Atorfimmi pineqartumik suleqatigiinni ikitsuni aalajaatsunili pingaarutilittut inissisimassaatit, suliassatillu assigiinngiiaassammata nunatsinni sanaartornerit annersaasa mingutsitsinnginneraasalu ilaannut tunniussaqarnissannut periarfissaqassaatit. Utoqqarmiut Kangerluarsunnguanni erngup nukinganik nukissiorfiup allilerneqarnissaani kiisalu Aasianni Qasigiannguanilu nukissamik pilersuinermi erngup nukinganik nukissiorfiliornermi suleqataassaatit.

Oqartussat piumasaqaataat soorlu VVM, nunatassanut tunngasut, qaartitsinissamut akuersissutit sanaartornermilu akuersissutissat pisariaqartut assigiinngitsut pingaarnertut suliarissavatit. Taamaammat siunnersortigut qanimut suleqatigalugit qinnuteqaasiortassallutillu takussutissiortassaatit kiisalu oqartussat attuumassuteqartut pitsaasumik suleqatiginissaat qulakkeertassavat.

Suliassat pingaarnerit

• Sanaartortut qanimut suleqatigalugit oqartussanik suleqateqarnissamik ataqatigiissaarineq.
• Qinnuteqaatit takussutissallu pisariallit piffissaq eqqorlugu suliarinissaat oqartussanullu attuumassutilinnut nassiunnissaat.
• Oqartussat soqutigissallillu attuumassuteqartut qinnuteqaatit suliallu ingerlarngi pillugit attaveqatigalugineri.
• Aqutsisunik sullissineq, matumani oqartussanut attuumassutillit pillugit pisortanut siulersuisunullu nalunaaruteqarneq.

Piginnaasatit tunuliaqutillu

Nunatsinni attavilersuutit oqartussanullu tunngasut attuumassutillit ilisimasaqarfigigukkit iluaqutaassaaq. – Kalaallit Nunaanni oqartussani sulinermik assingusumilluunniit misilittagaqarsinnaavutit kiisalu attaveqateqarluarsinnaallutillu suleqatikkuminartuussaatit. Inuttut namminersorlutit sulisinnaallutillu suliap pitsaasumik naammassinissaanut akisussaaffimmik tigusisinnaassaatit. 

Neqeroorutigaarput

Suliffeqarfimmi nukissamik ataavartumik mingutsitsinngitsumillu atuilernermi siuttuulersussamik ineriartortitsinermi atorfimmik pissanganartumik NunaGreen neqerooruteqarpoq. Suulivimmi avatangiisit peqqinnartut suleqatillu persuarsiorpalaanngitsut akornaniilissaatit. Atorfik qullersaqarfitsinni Nuummiittumi inissisimavoq Allaffissornermilu ingerlatsisoq toqqaannartumik qullersarineqassaaq. 

Apeqqutissaqaruit Allaffissornermi ingerlatsisoq Karen Anne Arleth oqarasuaammut +299 551585-imut sianerfigissallugu tikilluaqqusaavutit.

Qinnuteqaatit CV-talik mailikkut Sulisoqarnermut immikkoortortatsinnut nassiuguk: tek@nunagreen.gl.

Oqaloqatigiinnerit tulleriaarlugit ingerlanneqassapput.

NunaGreen A/S naatsumik oqaatigalugu

NunaGreen suliffeqarfiuvoq nutaajusoq nukissamillu ataavartumik mingutsitsinngitsumillu atuilernermi Kalaallit Nunaanni siuttunngornissarput anguniagaraarput. NunaGreenimi erngup nukinganik nukissiorfiit allinissaat sananeqarnissaallu, kiisalu nukissamik mingutsitsinngitsumik pilersuinissamut periarfissat allat ujartornissaat tunniusimalluta suliniutigaarput.

Kalaallit Nunaat nukissamik ataavartumik annertuumik peqarnermigut periarfissanik mingutsitsinngitsunik immikkuullarissunik neqerooruteqarnissaminut periarfissarpassuaqarpoq, anguniagaqarlunilu nutaaliornikkut inerisaanikkullu periarfissat taakku akisussaassusilimmik piujuartitsisumillu atorluarnissaat pingaarnertut anguniagaraarput. Erngup nukinga nukissarlu ataavartoq mingutsitsinngitsumik atuilernissami pingaaruteqarput.

NunaGreenip avatangiisinut sunniuteqarneq nutaaliaasoq pitsaasorlu, nunallu innuttaasuinut iluaqutaasoq pilersikkumavaa.