Nuna tamakkerlugu katsorsaavik siunnersuisarfillu ineriartortitsinermut siunnersortimik sulisussarsiorpoq
Kalaallit Nunaanni nuna tamakkerlugu katsorsaanermut siunnersuisarfik pilersitseqataanikkut innuttaasut tarnimikkut atugarliortut iliuuseqarfiginissaannut akisussaasutut ineriartortitsinissaq soqutiginartippiuk?
Ineriartortitsinermut siunnersortimik paasissutissanik, misissueqqissaarnermik, ataqatigiissaarinermik kiisalu suliniutinik suliaqarnermik piginnaasalimmik pissarsiorpugut – atorfik Nuna tamakkerlugu katsorsaanermut siunnersuisarfillu ataani inissisimavoq, saaffiginnittarfissaq siornatigut tassaavoq Isumaginninnermut Aqutsisoqarfimmi Inulerinermut Immikkoortortaqarfik. Saaffiginnittarfimmi innuttaasumut toqqaannartumik attaveqarneq ilaatigut tarnikkut katsorsaanikkut pisarpoq, ilutinganik sinerissami kommunini inunnik isumaginninnermik suliallit qanimut suleqatigineqartarput. Inulerinermut immikkoortortaqarfimmi tarnikkut katsorsaanikkullu sullissinerit ilaatigut makkuupput; inersimasunik katsorsaasut angalasartut, pingaarnertut inersimasunik kinguaasiuutitigut atornerlunneqarsimanerminnik kingunerlutitsisunik katsorsaasartut, kiisalu Klinik Killiliisa, tassani inuit meeqqanut inuusuttunullu kinguaassiuutitigut kanngutsaatsuliorsimasut imaluunniit taamaaliornissamut eqqarsaateqartartut katsorsarneqarnissaminnut periarfissinneqartarput.
Ilaatigut saaffiginnittarfittaassami sulisut, Meeqqanut Inuusuttunullu Naalakkersuisoqarfik, Isumaginninnermut Aqutsisoqarfiup aqutsisui immikkoortortallu attuumassutillit allat qanimut suleqatiginerisigut oqaloqatiginerisigullu suliassat ingerlattassavaat. Tamatuma saniatigut siunissami suliffiup avataani suleqatigisartagassat taakkualu aqutsisuisa suleqatigisarnissaanni siunnersortitut qitiusumik inissisimassaatit. Taamaattumik suliffimmik piorsaanissaq saaffiginnittarfimmik ataqatigiissaarinissaq kiisalu suleqatigisartagassat attuumassutillit, naalakkersuinikkut allatigullu soqutiginaatillit attaveqaateqarfigisarnissaat siunnersortitut suliassaraatit.
Atorfimmi suliassat aalajangersimasut:
- Innersuussinermi periutsit pillugit immikkoortortallu attuumassutillit suleqatiginerini najoqqutassat pillugit ineriartortitsisarnissaq.
- Saaffiginnittarfimmi suliaqarfiit akimorlugit suleqatigiinnissamik isumaqatigiissusiortarnissaq.
- Pilersaarutit pillugit suleqataasarnissaq pilersaarutinillu nutaanik ineriartortitsisarnissaq/imaluunniit tulluarsaasarnissaq.
- Paasissutissat pillugit suliaqartarnissaq.
- Saaffiginnittarfissap pilersinneqalernera pillugu pilersaarusiortarnissaq, nalilersuisarnissaq aammalu nakkutilliisarnissaq.
Ilinnut makku neqeroorutigisinnaavagut:
- Saaffiginnittarfissaq nutaaq annertuumik ineriartortussaq suleqataaffigilissavat.
- Sulisut suliatigut nukittuut siunersiueqatigisinnaasatit suleqatigilissavatit.
- Suliffeqarfik kiffaanngissuseqarluni suliffiusoq suleqatigiillu atugarissaarnissaannik annertuumik pingaartitsisoq.
- Atorfik suliatigut inuttullu ineriartornissamut periarfissagissaartitsisoq.
- Siunnersorneqarnissamut periarfissaqartassaatit.
- Kalaallit Nunaanni katsorsaanermut siunnersuinermullu saaffiginnittarfik ataatsimoortoq suleqataaffigilissavat.
Uagut ilinniit makku naatsorsuutigaavut:
- Attuumassutilimmik ingerlariaqqiffiusumik ilinniagaqartuunissat
- Suliniuteqarnermik misilittagaqarnissat aamma naalakkersuinikkut aqunneqartumik sulineq misilittagaqarfigigukku iluaqutaassaaq
- Inuiaqatigiinni kalaaliusuni pissutsit kulturilu pillugit ilisimasaqarnissat
- Sulisut piginnaasaannik ineriartortitsineq aammalu ilinniartitaanikkut suliaqarfik pillugit ilisimasaqarluarnissat
- Attaveqaqatigiinnikkut piginnaasaqarluarnissat aammalu suliaqarfinni assigiinngitsuni sulisunik naalaartarnissamut oqaloqatiginnittarnissamullu piginnaasaqarluarnissat
- Suliffeqarfimmi sinaakkusersukkami ineriartortumilu sulisinnaanissat aammalu naleqqussartarnissamut piareersimasarnissat
- Naalakkersuinikkut aalajangersakkat illit suliassannut sunniutillit suliarinissaannut piginnaasaqarnissat
- Killiffiit pillugit allakkiat tunniussinissamullu suliassat allat pillugit piffissaliunneqartut iluanni tamakkersorlutit sulisinnaanissat
Paasissutissat nalinginnaasut
Atorfik piffik tamaat suliffittut atorfiuvoq (sapaatip akunneranut akunnerit 40-t) aamma atorfik Nummi katsorsaanermut saaffiginnittarfitta ataani inissisimavoq. Atorfimmut atatillugu angalangaatsiartarnissaq naatsorsuutigineqassaaq
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Paasissutissat sukumiinerusut
Atorfik pillugu sukumiinerusumik paasisaqarusukkuit Innuttaasunut immikkoortortaqarfimmi immikkoortortamut pisortap Naja Lund Kielsenip attaviginissaanut tikilluaqqusaavutit, oqarasuaataata normoraa +299 346054 imaluunniit mailianut uunga attavigiuk nalk@nanoq.gl.
Martsip aallaqqaataani 2025 imaluunniit qanimut isumaqatigiissuteqarnikkut atorfiup inuttalerneqarnissaa kissaatigineqarpoq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job