Nuna Tamakkerlugu Inunnut Innarluutilinnut Sullissivik, Pissassarfik pedelissarsiorpoq
Pissassarfiup illorsuaani ingerlatsinermik suliaqarusuppit, suleqatillu assassorluni suliassanik ikiorsertarumavigit?
Ulloq atorfiniffissaq: 1. januari 2025 imaluunniit isumaqatigiissuteqarnikkut.
Atorfik pillugu
Ulluinnarni sulinermi illorsuup atortorissaarutillu aserfallatsaalinissai – illorsuup silataani iluanilu. Suleqatitit peqatigalugit passussinermi sungiusaanermilu atortussanik annertunngitsumik ilusilersuisinnaanissat ilaatigullu innuttaasoq peqatigalugu. Sullitat tikinnerini aallalernerinilu ingerlassinerit suliarineqassapput -angallassinerit nalinginnaasumik suliffiup avataaniissinnaapput aamma weekend-ini.
Naatsorsuutigaarput:
- Assassorluni suliassanik suliaqarsinnaanissat isumassarsioullaqqissuusutillu
- Biilernermut allagataqartutit
- Torersuunissat suliassanullu eqqummaarissuunissat
- Alapernaassuseq, nammineersinnaaneq akisussaaffimmillu pimoorussisinnaasutit
- Ammasuunissat suleqatigiinnilu suliat tapertariisillugit suleqateqarluarsinnaasutit
- Ammasumik ilusilersueqataasumillu avataanit suleqatigisanut attaveqaqateqarnernut peqataasinnaanissat
- Atugarissaarnemik sulinermilu atukkanik nuannersumik tapertaaqataassasutit
- Atuisutut IT-mik ilisimasaqassasutit
Pitsaaqutaassaaq:
- Assarsornerup iluani ilinniagaqarsimasuusutit
- Oqaatsit kalaallisut qallunaatullu oqalunnermi allattariarsornermilu atorsinnaagitit
Neqeroorutigivagut:
- Atorfik illumik aserfallatsaaliinermik akisussaaffittalik
- Inunnik innarluutilinnut ineriartortitsinissamut sunneeqataasinnaanermullu atorfik periarfissiisoq
- Suliffik inunnik innarluutilinnik angusaqartitsiffissatut pilersitaq, suliallu nalinginnaasumik suliatigut killiffigisanik qaffassaaffiusoq
Qulaani taaneqartunut naleqquttuuguit, una suliffik ilinnut periarfissaasinnaavoq. Nittartakkatsinni www.pissassarfik.gl annertunerusumik paasissutissanik ujartuisinnaavutit, soorunami aamma paasissutissanik annertunerusumik ujartuinermi Pissassarfimmi pisortamut saaffiginninnissannut tikilluaqqusaavutit.
Naja O. Lennert
Oqaras. +299 34 50 78
E-mail: naja@nanoq.gl
Namminersorlutik Oqartussani sulineq pillugu paasissutissanik ujartuerusukkuit uani annertunerusunik paasissutissaqarpoq: www.naalakkersuisut.gl, ”Atorfiit” ataanni.
Ulloq qinnuteqarfissap killinga 14. novembari 2024
Oqaloqatiginninnerit sapaatip akunnera 47- 48-imi ingerlanneqarnissaat ilimagineqarpoq. Ingerlaavartumik oqaloqatiginninnissatsinnut immitsinnut piginnaatippugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job