Nuna Tamakkerlugu Inunnut Innarluutilinnut Sullissivik, Pissassarfik eqqiaasussarsiorpoq
Pissassarfiup illorsuani eqqiaanermik ingerlatsillutit suliaqarusuppit?
Ulloq atorfiniffissaq tassaassaaq 1. februar 2025 imaluunniit isumaqatigiissuteqarnikkut.
Piffissami killilimmi 31. juli 2025 tungaanut atorfinitsitsisoqassaaq, atorfininnerup sivitsorneqarnissaanik periarfissalimmik.
Atorfik pillugu
Ulluinnarni sulinermi illorsuaq eqqiarneqartarlunilu eqqiaanikkut pitsaassuseq qulakkeerniarneqartarpoq. Allarutissat qaqorsaatillu imaqartittuarnissai, eqqaaviit imaartarnissai, naasullu imertertarnissai suliassaapput. Aammattaaq ineqarfik ineeqqallu inoqalernermi inoqareernermilu piareersimatittuarnissai eqqiluilluinnartuutinnissaalu suliarineqartarput.
Akisussaassuseqarluarlunilu peqqissaartumik asaasussarsiorpugut. Peqqissaartuuit, pisussaaffimmik pingaartitsisuuit illorsuullu eqqilluinnarnissaanut takujuminarnissaanullu qulakkeerinninnissannut piareersimavit? Taava tassaasimassaatit ujartugarput!
Naatsorsuutigaarput:
- Illorsuup iluata eqqiluilluinnarnissaa qulakkeertassagit, sungiusaanermi atortut eqqiartarneri ilanngullugit
- Illorsuup iluani allatigut ikiuussinnaanissannut piareersimasinnaassasutit, matumani aamma pikkorissaasoqartillugu naapititsisoqartillugulu igaffimmi ikiuunnissamut
- Torersuusutit, suliffimmilu ulluinnarni sulinermi eqqiluisaarnissamik pingaartitsisuusutit
- Alapernaassuseqassasutit, nammineersinnaallutit akisussaaffimmillu pimoorussisinnaasutit
- Ammasumik suleqatigiinnermik suleqatigiillu akimorlugit suleqateqarsinnaanermik iluarisaqartuusutit
- Piffissamik ataqqinnittuullutillu akisussaassuseqarluartuussasutit
- Atugarissaarnermik sulinermilu avatangiisinut nuannersumik tapertaaqataassasutit
Pitsaaqutaassaaq:
- Eqqiaanermik misilittagaqaruit
- Oqaatsit kalaallisut qallunaatullu oqalunnermi atorsinnaagukkit
- IT-mik atuisutut ilisimasaqaruit
Neqeroorutigivagut:
- Illorsuarmi aserfallatsaaliinermik akisussaaffeqarfiusumik atorfeqartinneqarnissaq.
- Inuit innarluutillit pillugit suliassaqarfimmi sunniuteqaqataasinnaanissannik kivitseqataanissannillu periarfissiisumik atorfeqartinneqarnissaq.
- Inuit innarluutillit nalinginnaasumik atugarisai suliassaqarfiullu nalinginnaasumik qaffasissusaata qaffassarnissaa pillugu angusassanik pilersitsiviusumi suliffeqarfimmiinnissaq.
Qulaani taaneqartunut naleqquttuuguit, una suliffik ilinnut periarfissaasinnaavoq. Nittartakkatsinni www.pissassarfik.gl annertunerusumik paasissutissanik ujartuisinnaavutit, soorunami aamma paasissutissanik annertunerusumik ujartuinermi Pissassarfimmi pisortamut saaffiginninnissannut tikilluaqqusaavutit.
Naja O. Lennert
Oqaras. +299 34 50 78
E-mail: naja@nanoq.gl
Namminersorlutik Oqartussani sulineq pillugu paasissutissanik ujartuerusukkuit uani annertunerusunik paasissutissaqarpoq: www.naalakkersuisut.gl, ”Atorfiit” ataanni.
Ulloq qinnuteqarfissap killinga 2.februaari 2025
Oqaloqatiginninnerit sapaatip akunnera 6 – 7-imi ingerlanneqarnissaat ilimagineqarpoq. Ingerlaavartumik oqaloqatiginninnissatsinnut immitsinnut piginnaatippugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job