Nuna tamakkerlugu digitaliseeriinermut suliniutinik assigiinngitsunik aqutsisinnaasoq
Ataqatigiissuseq aallaavigalugu isiginnittaaseqarpit? Ataqatigiissutsimi ataqatigiinnerit eqqarsaatigisinnaavigit? Suliffeqarfiit suliassaqarfiillu assigiinngitsut akornanni pilersaarusiorsinnaavit, ataqatigiissaarisinnaavit sulisinnaallutillu? Inuiaqatigiinni pissutsit ataqatigiissutaallu ilisimavigit? Taava illit pisariaqartippatsigit.
Suliniutinut immikkoortortaqarfitsinni suliniutinik assigiinngitsunik aqutsisinnaasumik ujartuivugut.
Nuna tamakkerlugu digitalinngortitsinermut periusissiamit suliniutit ingerlanneqarput. Tamanna tunngavigalugu suliniutinut ingerlatsinissannut piginnaasassannut piumasaqaatitaqarlunilu ingerlatsilluarsinnaanissat pisariaqartinneqarpoq, aammalu naammassinninnissamut qulakkeerinnissinnaanissat pisariaqartinneqarluni. Digitalinngortitsineq inoqatinut allannguinermullu attuumassuteqarpoq. Taamaattumik allannguinernut allanik kajumissuseqalersitsisinnaanissat suliniutigisannilu siumut ingerlatsisinnaanissat pingaaruteqarpoq.
Nuna tamakkerlugu suliniutit pisortaqarfiit ataatsimut ingerlataraat, taamaattumik suleqatigisassat siammasipput, tamannalu peqqutaalluni ersarissumik attaveqarsinnaasariaqarputit. Atuisut eqqarsaatigalugit suliniuteqartarnerput peqqutaalluni atuisunik peqataatitsisariaqarneq paasisinnaassavat, taakkualu allannguutinut peqataatinneqarnissaat aqqutissiuutissallugu.
Digitalinut paasinnissinnaassuseq soqutigisaqarnerlu iluaqutaasinnaavoq. Naatsorsuutiginngilarput digitalinut kakkannerpaanissat, kisiannili suliniutinik ingerlatsisinnaanissat naatsorsuutigalutigu, suliarisassannullu tunngatillugu certifikatinik pissarsinissaq ilinniartinneqarnissarlu ingerlaavartumik oqaluuserineqartassapput.
Piginnaasassatit:
Ilisimatusarfinnit ilinniagaq naapertuuttoq
Suliniutinik ingerlatsinermi misilittagaqarneq, suliniutinillu ingerlatsinermi sakkussanik atuisinnaaneq – piumasaqaataanngilaq suliniutinik aqutsinermut certifikatinik ilinniartitsinerlu pisinnaammat
Allannguinissamut aqutsinermik misilittagaqarneq
Suliffeqarfinni suliniutinilu politikkikkut aqutani sulinermik misilittagaqarneq
Kalaallisut qallunaatut tuluttullu oqalussinnaaneq allassinnaanerlu
Piginnaanerisassatut naatsorsuutigisagut:
Suliniutit suliarineqarnissaannik qulakkeerinnissinnaaneq, suliaqartunullu nammineerlutit attaveqarsinnaassasutit
Oqitsumik paasinartumillu attaveqarsinnaassasutit
Sulianik ingerlatsisinnaassasutit
Ataqatigiissaakkamik sulisinnaassasutit aammalu aaqqissuussamik ataatsimut isiginnissinnaassasutit
Ajornartorsiutit pillugit aaqqeerusussuseqassasutit nutaaliorsinnaassasutillu
Ullut suliffiusut assigiinngisitaartut nuannarissagitit, namminersorsinnaassasutit suleqateqarnermillu iluarisaqassasutit
Allat kajumissuseqalersissinnaassagitit, inuillu allannguutinut peqataarusulersissinnaassagitit
Ulluinnarni ulapaarfiusuni sulinermik nuannarisaqarnissat
Suliassaqarfiit soqutigisallu assigiinngitsut akornanni suleqatiginnissinnaassuseqarnissat
Soqutigisallit suliffeqarfiup iluaniittut avataaniittullu peqataatissinnaassagitit suleqatigiinnissamillu qulakkeerinnissinnaassasutit, kiisalu atuisut pisariaqartitaannik takunnissinnaassasutit
Isumassarsianik piviusunngortitsisinnaallutillu pilersaarusiorsinnaassasutit
Akisussaaffeqarfigisatit suliffeqarfiullu sinnerata akisussaaffeqarfianik paasinnissinnaanissat
Inuiaqatigiiffigisatsinnik ilisimasaqarnissat
Neqeroorutigisinnaasagut:
Suliniutinik ingerlatsinissamut certificerinngimik pisoqarsinnaavoq
Suliniutit pillugit ilisimasat annertuut suleqatigiillu nuannersut
Suliassaqarfiup iluani suleqatinik isumasioqateqarneq ilinniartinneqarnerlu
Atorfiup siammasinnera akisussaaffeqarneralu peqqutaalluni assigiinngitsunik suliaqarsinnaanermut ineriartortinneqarneq
Suliffeqarfiit politikkikkut aqutat pillugit paasisaqarneq
Suliffeqarfik sulisut naammagisimaarinninneranik ingerlaavartumik ukkataqartoq
Suliniutinut ingerlatsinermut immikkoortortaqarfik pillugu
Immikkoortortaqarfimmi sulisussatut naatsorsuussat tassaapput suliniutinik aqutsisut marluk, suliniutinut suleqataasut marluk kiisalu PMO. Suliniutinik aqutsisumik ujartuivugut, immikkoortortaqarfippullu angisuujunngimmat, illit suliniutinut aqutsisuusuni marluusuni aappaattut, immikkoortortaqarfitsinnut suleriaasitsinnullu malunniutilimmik ilusilersueqataassallutit.
Suliniutit assigiissaakkamik, atoruminartumik naleqquttumillu suliarineqarnissaat anguniagaraarput. Nutaamik isumassarsiortoqarsinnaavoq, allatut suleriuseqartoqarsinnaavoq isumassarsiallu piviusunngortinneqarnissaannut piffissaq sivikitsuinnaq ingerlasarluni. Pitsaassuseq, suleqatigiinneq best practicelu ukkataralutigit sulivugut. Suleqatigiiffigut annertupput, pisortaqarfinnilu attaveqarfigisartakkagut assigiinngitsuupput.
Suliniutigisagut nuna tamakkerlugu digitalinngortitsinissamut periusissiamut attuumassuteqarput, massakkullu nuna tamakkerlugu ataatsimut suliniutit assigiissaakkallu suliaralutigit. Assersuutigalugu taasinnaavagut: Sullissivik.gl -imi Quppernera kiisalu Ataatsimut Pisortaqarfinni Digitalimik Aaqqissuussaaneq aammalu Tunngaviusumik paasissutissanut programmi.
Digitalimik Sullissinermut Aqutsisoqarfik pillugu
Digitalimik Sullissinermut Aqutsisoqarfimmi Kalaallit Nunaanni inuiaqatigiinni qularnaatsumik digitalimik siunissaqarnissaq suliniutigineqarpoq, assigiissaakkanillu digitalimik aaqqiissutinik ineriartortitsinikkut suliniut sulissutigineqarluni. Kalaallit Nunaannilu digitalimik aaqqissutit qularnaatsuunissaat assigissaarnissaallu anguniarlugu Aqutsisoqarfik ineriartornermut siuttuuvoq.
Digitalimik Sullissinermut Aqutsisoqarfimmi Kalaallit Nunaanni digitaliseriineq aammalu Namminersorlutik Oqartussat iluanni qarasaasialerineq suliarineqartarput. Aqutsisoqarfimmi akisussaaffeqarfiit annertupput, Aqutsisoqarfimmullu soqutiginninneq naatsorsuutillu aamma annertullutik. Kalaallit Nunaata digitaliseerernissaannut suliniutinut akisussaasutut ingerlatsinerput tulluusimaarutigeqaarput, suliagullu maniguulluta suliarisarlutigit. Taamaaliorsinnaanissatsinnut ilisimasatigut inuttullu piginnaasatigut piumasaqaateqartoqarpoq – taakkualu tunngavigalugit ulluinnarni ulapaarlutalu allanngorarfiusumi sulisarpugut. Sulisut naammagisimaarinnilluarnissaat anguniarlugu suleqatigiilluarneq – ilisimasatigut inuttullu assigiinngissutsit ataqqivagut aammalu sulianik ukkataqarsinnaaneq tunngavigalugit sulivugut.
Aqutsisoqarfik nunalu tamakkerlugu digitaliseeriinermut periusissiaq digitalimik.gl aqqutigalugu paasisaqarnerusinnaavutit. Digitalinngortitsinermut periusissiaq nutaaq politikkitigut akuerineqaqqammerpoq, ukiullu naannginnerani tamanut saqqummiunneqassalluni.
Naatsorsuutigaarput 2025-mi januaarip qeqqani imaluunniit februaarip aallartinnerani isumaqatigiissuteqarnikkulluunniit atorfinitsitsissalluta.
Qinnuteqartunik oqaloqateqarnissap sap. ak. 46-up ingerlaneranni pinissaa naatsorsuutigaarput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.