Nukissiuutinut immikkoortortaqarfimmut suleqataasussaq, Nunalerinermut, Imminut pilersornermut, Nukissiutinut, Avatangiisinullu Naalakkersuisoqarfimmi
Kalaallit Nunaani minguitsuunissamut suliamut pingaaruteqartumut suleqataarusuppit?
Atorfik pillugu
Kalaallit Nunaanni siunissamut nukissiutinut inerniliussassanut aamma nukissiutinut ataavartunut ineriartortitsinissamut sulerusuppit?
Immaqa illit Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi Nunalerinermut, Nukissiutinut Silap Pissusianullu immikkoortortaqarfiup ataani suleqatitaarissavatsigit. Suliffeqarfiuvugut inussiarnerpaluttumik oqaluuttartut, tamatumani suleqatigut inuttut aamma piginnaasaanut ineriartortitsinermik salliutitsisut.
Suleqatit qanimut suleqatigalugit mingutsitsinnginnerusumi Kalaallit Nunaanni nukissiornermut pilersuinermi suliaqassaatit. Suliassaatit pingaarnerit tassaasapput Nukissiorfiit qanimut suleqatiginissaanut qularnaarinerit. Tamatuma saniatigut Nukissiornermut suliassaqarfimmi politikkikkut ineriartortitsinermut ingerlatsinerit, nukissiutinut aamma erngup nukinganik pilersuinissamut aallarniinernut malittarinninnerit aamma naalakkersuisumut kiffartuussinernut suliaqarnerit.
Suliassatit ukuusinnaapput:
Aningaasaqarnermut ingerlatsineq aamma suliassamik isumaginninneq – aningaasaqarnermut missingersuutinillu ingerlatsineq, suliassamik ingerlatsineq kiisalu allattoqarfinnut ingerlatsinerit.
Oqartussaqarfinnut aamma suleqataasut akornanni ingerlatsinermut ataqatigiissaarinerit - qanimut aamma tatiginartumillu suleqateqarneq pingaartertut Nukissiorfinnut.
Naalakkersuisut politikkikkut siunnersuineq aamma isummernissaannut tunngavissiaq - tunngaviusumik oqaaseqaatiliornerit, oqalugiaatit, § 37 naapertorlugu akissutit, il.il. suliaqarnerit.
Nukissiornerup politikkianut sulianut aallarniinermi misissueqqissaarineq - Kalaallit Nunaat ukkataralugu erngup nukinganik nukissiorfiliorfigissallugit piukkunnaatilinnut, aningaasaliisartunut piukkunnarsaanerit kiisalu nukissiutinut ataavartumut sulianut aallarniinernut misissueqqissaarinermik suliaqarneq.
Attaveqaqatigiinneq aamma akunniliilluni sullissisuuneq – ass. Tusagassiorfinnut nalunaarutiliorneq, oqalugiaatinik aamma paasititsiniaanermut peqataaneq.
Suliassatit piginnaasannut soqutigisannullu naleqqussarneqassapput, matumani suliassanut soqutigisannut suliaqarnissannut periarfissaqarputit.
Suliassanut tamatigoortunut suleqataasinnaasumik aamma nukissiornermut ataavartumut politikkianut politikkitigut qanimut suleqataarusuttumik suleqatissarsiorput. Iluaqutaasaaq, politikkikkut aaqqissuusaasuni aamma nukissiornermut ataavartuni paasisimasaqartuunissat misilittagaqarsimanissat, tamannalu piumasaqaataanngilaq. Inuiaqatigiinnut kalaallinut ilisimasaqartuunissat pingaaruteqarpoq, sulianut naammassisaqarusuttuussuseqassaatit piumassuseqarluarlutillu, sulianut assigiinngitsunut inerniliussassanut. .
Illit pillutit:
Naleqquttumik ilinniagaqartuunissat assersuutigalugu inuiaqatigiilerinermi, allaffissornermi, issittoq pillugu ilinniagaqarneq, inuussutissarsiornermi aningaasaqarnermut ilisimatusarnikkut imaluunniit assingusumik.
Sulianut katitigaasunut erseqqarissumik paasiuminartumik allattariarsornikkut oqalunnikkullu attaveqaqatigiillaqqittuunissat.
Kalaallisut qallunaatullu oqaluttuunissat.
Ilusilersugaasumik aamma namminersorlutit sulisinnaassasutit.
Sulianut nikerartunut sulianut inerniliisinnaassasutit.
Nikerartuunissat, peqqissaartoq aamma inerniliinissamut misissueqqissaarisinnaassuseqassasutit.
Nalinginnaasumik nukissiutinut suliassaqarfimmi ilisimasaqartuunissat iluaqutaasaaq, kisianni piumasaqaataanngilaq.
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik pillugu
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi immikkoortortaqarfiit tallimaapput aqutsisoqarfillu ataasiulluni. Suliffiuvoq assigiinngitsunik piginnaasalinnik sulisoqartoq. Nunalerinermut, Nukissiutinut Silap Pissusianullu immikkoortortaqarfimmi inissisimalissaatit.Immikkoortortaqarfimmi suliassat siammasissuupput aamma nunat assigiinngitsut akornanni , nunami namminermi najugaqarfinnilu suliaqartuulluta.
Akissarsiat atorfeqarnermilu atugassarititaasut
Akissarsianut atorfeqarnermilu atugassarititaasunut, taakkununngalu ilanngullugit atorfininnermut soraarnermullu atatillugu angalanissamut pequtinillu nassiussinissamut akiliunneqarsinnaatitaaneq piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissut tunngavigineqassaaq. Atorfinitsitsineq AC-fuldmægitut aamma immikkut siunnersortitut imaluunniit siunnersortaanertut qinnuteqartunut piginnaasaanut naapertuuttunut atorfinitsitsisoqassaaq.
Sapaatip akunneranut ullut suliffiusut 40 time-upput aamma atorfik Nuummiippoq. Taamaakkaluartoq Kalaallit Nunaata avataani sulinissaq periarfissaavoq. Atorfimmi atorfinitsitsisoqarnissaa kiisalu piffissami killiligaasumi atorfinitsitsisoqarnissaa periarfissaavoq.
Ulloq atorfiniffissaq kissaatigisaq 1. marsi 2025 imaluunniit piaartumik tamatuma kingorna.
Qinnuteqarnissamut killigititaq 12. januaari 2025. Qinnuteqartunik oqaloqatiginninnerit ingerlaavartumik ingerlatissavagut.
Ini
Atorfimmut maleruagassat sukkulluunniit atuuttut naapertorlugit sulisunut inissiamik pisatsersorneqanngitsumik neqerooruteqartoqarsinnaavoq. Inunnut sulisunut inissiami imaluunniit inissiami allami, kommunimit imaluunniit Namminersorlutik Oqartussanit pigineqartumi najugaqareersunut inissiamik innersuussisoqarsinnaanngilaq. Sulisunut inissiaq atorfeqarnermut atasuuvoq, aammalu atorfeqarnerup unitsinneqarnerani qimanneqartussaalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisut inissiaataani- imaluunniit utaqqiisaagallartumik inissiami angisuunik uumasuuteqarnissaq assersuutigalugu qimmeqarnissaq qitsuuteqarnissarluunniit periarfissaanngilaq.
Paasissutissat sukumiinerusut
Namminersorlutik Oqartussani sulineq pillugu paasisaqarnerorusukkuit imaluunniit apeqqutissaqaruit, immikoortortami aqutsisoq Ane Wraae Nielsen attaviginissaanut tikilluaqqusaavutit , oqa.: +299 34 59 59.
Qinnuteqaat, CV, ilinniakkanut pikkorissarnernullu uppernarsaatit, kiisalu allagaatit attuumassutillit “Qinnuteqaat nassiuguk” toorlugu nassiunneqassapput. E-mail-ikkut qinnuteqaatinik tigusineq ajorpugut.
Naalakkersuisut pillugit
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job