Nukissiorfinnut Teknikkimut Pisortaq
Nukissiorfiit nunatsinni inuiaqatigiinni tamani siuarsarnermik aamma piujuartitsinermik pilersitsinissaq pillugu anguniagaqarpoq, pilersuinermi attaveqaasersuutini aningaasaliinikkut, ilaallutik erngup nukinganik nukissiorneq, anorisaatit, aamma seqerngup qaamarnganik tigooraassutit. Anguniagaq taanna tapersersorniarlugu suliffeqarfik teknikkimut pisortamik misilittagalimmik, aamma siunissamut takorluugalimmik inuttassarsiorpoq, taassumalu Kalaallit Nunaanni tamarmiusumi suliffeqarfiup teknikkip tungaatigut ingerlatsineranut aamma allanngoriartortinneranut sulianut tunngasutut akisussaaffik tigusinnaassavaa – ilanngullugu nunami tamarmi minguitsumik nukissiornerup nangitatut alliartortinnera. Atorfik Kalaallit Nunaanni Nuummi inissisimaffeqarpoq, qullersarineqassalluni Nukissiornermut pisortaq.
Pilersuinermik suliffeqarfittut Nukissiorfiit akisussaaffigai Kalaallit Nunaanni atuisartut amerlanerpaartaannut innaallagissamik, imermik aamma kiassarnermik tunisassiorneq aamma pilersuineq. Suliffeqarfiup takorluugaa tassaavoq ikummatissanik uumassusilinnit pilerfeqartunik atugaqarani Kalaallit Nunaannik imermik aamma kiassarnermik pilersuisinnaanissaq – taamaattumik nukissamik pilersuinerat assut nukissanik atajuartunik tunngaveqarpoq. Nukissiorfiit Namminersorlutik Oqartussanit pigineqarpoq, Nukissiorfiit pilersugarisaanni illoqarfinni 17-ini aamma nunaqarfinni 53-ini agguataarsimasuni sulisut 400-t missaat atorfeqartillugit.
Teknikkimut pisortaq tassaalissaaq Nukissiorfiit pisortaqarfiani aamma pisortaqatigiinni ilaasoq, tassaniillutik nukissiornermut pisortaq, aningaasaqarnermut pisortaq aamma qullersaqarfimmi pisortaq. Teknikkimut pisortaq HKT-mi teknikkimut immikkoortoqarfimmi, kiisalu nunap immikkoortuini, aamma nukissiornermik sullissisarfinni ilaalissaaq.
Teknikkimut pisortaq ulluni suliffiusuni Nukissiorfinni nunap immikkoortuini pisortat arfinillit qanimut suleqatigissavai, taakkulu illoqarfinni taakkunani 17-ini aamma nunaqafinni 53-ini 300-t missaannik sulisoqartut peqatigalugit, (ukiumi ataatsimi inuup suliarisinnaasaattut naatsorsorneqartut) tunisassiorneq isumagisaraat. Ilanngutissaaq tunisassiornermut ikiuisarfimmi pisortaq, aamma suliniutinut pisortaq. Tuniassiornermut ikiuisarfik, aamma suliniutinut immikkoortoqarfik katillugit Nuummi inissisimasunik sulisunik 20-t missaannik inuttaqarput.
Qinnuteqartoq naleqquttoq aaqqissuussiffimmut nunami siammartitersimasumut nukittuumik periusissiaqartitamik ataatsimut isiginnissinnaavoq, aammalu malittarisassiat najoqqutaralugit aaqqissuussiffimmik, aamma nunap immikkoortuini teknikkikkut ineriartortitseqqinnermik suliaqarfigisap killiffigisaa nangissinnaallugu. Taamaalisukkut sunniuteqarluartumik pineqartoq attaveqaqateqarsinnaassaaq, aammalu Nukissiorfinnut ilisarnaataasumik aaqqissuussiffimmi ataqatigiissuusumi ataqatigiinnermik, aamma suleqatigiittuunerup anersaavanik pilersitsisinnaassalluni. Makkulu ilanngutissapput:
- Teknikkimut ilisarnaatilik nukittooq, pigalugit aserujaatsumik pisortatut misilittagaqarneq, aammalu teknikkimut tunngasutut ajornartorsiutinik paasiuminaatsunik paasisitsiniaallaqqissoq
- Teknikkimut tunngasumik nangitatut ilinniagaqarneq attuumassutilik, imaluunniit pisortatut ilinniagaqarsimasoq, soorlu ingeniøritut, maskinmesteritut, imaluunniit assingusutut
- Allattariani aamma oqalunnermi danskisut, kalaallisut oqaatsit iluaqutaapput, taamaattorli piumasaqaataanatik
- Nukittooq, pissutsini atorlugu aalajangiisinnaassusilik, takusassaalersitsisartoq, aamma pisussanik ingerlatitsisartoq
- Attaveqaqatiginnillaqqissoq, politikkip tungaatigut piginnaasakinngitsoq, aammalu aaqqissuussiffimmi amerlasuunik soqutigisaqaqatigiinnik pilimmi sulinermik misilittagalik
- Periusissianut tunngasunik isumaliortartoq, aammalu immikkuualuttunut tunngasut, aamma ’qulimiguulimmit isigisat’ akornanniittunik immikkoortitsisinnaasoq
- Kaammattuisartoq, sulisut akornanni sulinermik nuannaaruteqarnermik, piumassusermik aamma nukissamik pilersitsisartoq – aamma avataanit pisortaasutut
- Aaqqissuussiffimmi anginerusumi allanngoriartornermi ingerlattakkanik misilittagalik
- Kalaallit Nunaannik, nunatsinni inuiaqatigiinnik, kiisalu nunatta pinngortitaanik paasisinnissimasoq aamma soqutiginnittoq.
Tassaavoq annertuumik assigiinngissutsimik pilersitseqataanissamut periarfissaq assissaqanngitsoq, Kalaallit Nunaanni pilersuinermik immikkoortoqarfimmi minguitsumut nuukkiartornermut tunngsoq, aaqqissuussiffimmi pisortaqarfimmi qullersaaniartoqarfiunngitsumiittoq, kiisalu najoqqutassialigaanngitsutut aamma pitsaasutut sulisut akunnerminni akuuffeqartumiittoq.
Atorfimmut atatillugu inimik innersuussisoqarsinnaavoq aamma atorfininnissamut atatillugu angalanissarlu pisinnaalluni isumaqatigiissutit malillugit,
Atorfinitsitineq Teknikkimut pisortatut pissaaq maskinmesterisut ilinniarsimagaanni naalakkersuisut aamma maskinmesterip kattuffia isumaqatigiissut malillugu allamik ilinniagaqarsimagaanni Naalakkersuisut aammalu pisortat isumaqatgiissutaat malillugu Namminersorlutik oqartussat aammalu kommunini atuutsinneqartoq LR 39 malillugu.
Nukissiorfiit Pointer A/S suleqatigilersimavaa, tassalu teknikkimut pisortap nutaap inuttassarsiugaaneranut tunngatillugu. Taamaattumik Pointer A/S-imi Adm. Direktør & Partnerimut, Inger Marie Ingvardsenimut, oq. +45 29 36 86 36-kkut iternga tikillugu paasissutissanut tunngasunik attaveqarnissannut tikilluaqqusaavutit. Saaffiginninnerit suulluunniit isertuussatut suliarineqassapput.
Ajornanngippat piaarnerpaamik qinnuteqaatit nassiuguk uunga, Inger Marie Ingvardsen, ugguuna: imi@pointersearch.dk.