Nukissiorfiit Kangerluarsuarmut Ingarlatsinermi sulisussarsiorpoq

Kangerlussuarmi Nukissiornermut kiffartuussiffimmut Nukissiorfiit ingerlatsivimmi sulisussarsiorpoq

Nukissiorfiit Kangerlussuarmi aalajangersimasumik toqqammavissarsisimavoq. Tamanna qaasuitsup killeqarfiata avannarpiannguaniippoq, taamaattorli issittarnera assorsuaq issittorsuartut malugisassaaneq ajorpoq, Kangerlussuup silaa nunaviup silaatut immat. Nunaviup silaa sulinngiffeqarfimmut suliaqarfissamut ammaavoq, tamaaniippummi angalaffissat assigiinngitsut arlallit, ukiuunerani illoqarfiup silatinnguani sermip iigartartup killeqarfii atuarlugit pisuttuarnikkut nunap aamma sermip akornanni assigiinngissut tamaaniittoq misigineqarsinnaalluni, imaluunniit kangerlummi sikusimasumi qangarsuarli pisartutut ilumoortumik qimussertoqarsinnaavoq, imaluunniit qamuteralannik angalaartoqarluni, aammalu sapaatip akunnerata naanerani aalisariartoqarsinnaavoq, unnukkulluunniit arsarnersioriartortoqarsinnaalluni. Issittumi uumasut Kangerlussuaq naapittarfigisartuummassuk ukioq tamaat umimmanniarnermik, tuttunniarnermik imaluunniit timmissanik issittormiunik assissaqanngitsunik piniariarnissamut periarfissaqarpoq. Kangerlussuarmut inunni qinnuteqartuni atorfinittut amerlanerpaat utimut aallaqqinnissamik kissaateqarunnaarlutik tamaani pinnissusermik / pinngortitamik pisarineqartigisarnerat misilittakkat takutippaat.

Nukissiorfiit nukissiornermik kiffartuussiffianiipput tamaani suleqatigiit amerlanngitsunik inuttallit, tassanilu najoqqutassialigaanngitsutut suleqatigiiffeqarpugut, suleqatigiilluni suliassat aallartinnerannit naammassinissaannut suliassat iluarsiiffiginissaannut pikkoriffeqarnissamik anguniagaqarluta. Taamaattumik illit suleqatiginnillaqqissoq ujarpatsigit.

Ullut suliffiit nalinginnaat assigiinngitsorpassuarnik suliassaqarfiusut neqeroorutigisinnaavavut, tamaanimi immikkoortortamut aalajangersimasumut attuumassuteqartussaanngilatit, nunaqarfimmili suleqatittulli immikkoortoqarfiit tamaasa killeqarfii qaangerlugit peqataasassaatit.

Qullersat qaninnerpaaq tassaassaaq Kangerlussuarmi Innaallagissamik tunisassiorfimmi Suleqatigiinni aqutsisoq.

Suut naatsorsuutigisinnaavigit?

Tassaalissaatit suleqatigiit suliat killeqarfiinik qaangiillutik suliaqartartut ilaat, tamaanilu suliassat siamasissutut inissisimaffeqartut suliaqarfigisarpavut. Ullut ilaanni imermik pilersuinermik suliaqassaatit, ullup tulliani motoorinik dieselitortunik sulillutit, ullullu pingajuanni innaallagissamik suliaqarlutit. Taamaattumik namminersuutigisannik suliaqarsinnaanissat pingaartuuvoq, taamaattorli suleqatit ilinniagaqarnermut aamma misilittagaqarnermut tunngasutut tunuliaquteqartut qanimut suleqatigiissallugit.

Suliassat pingaarnerpaat tassaapput:

• Pigaartuusarneq
• Ulluni tamani suliffeqarfiup ivertitigaataanik aserfallatsaaliuinerit
• Ivertitaatitta pitsaanerpaatinnerisigut atuisartutsinnik kiffartuussineq

Suliassat pissanganartorpassuit allat naatsorsuutigisinnaassavatit. Ilinniartitaanissaq aamma ineriartornissamut periarfissatsisalaat qulakkeerpavut. Ilinniartitaareernerpit kingornatigut suleqatitillu pigaartuusarnermut aaqqiissummut aamma ilaalissaatit.

Ujarpatsigit imatut ittutit:

Teknikkimut tunngasumik ilinniagalik, soorlu maskinarbejderi, VVS-imik (ruujorilerinermik) ilinniagalik, innaallagisserisoq, imaluunniit assingusutut teknikkimut tunngasumik tunuliaqutaqarlunilu misilittagalik.

• Atortunut aamma aaqqiissutinut innaallagissamik ingerlatilinnut pikkoriffilik. Ilaatigut oqarasuaammi angallattakkami android app atorlugu ulluni suliffinni ingerlatsinermut nalunaarsuisarfiit atorlugit, aammalu qarasaasiami sulinerup nalaanik nalunaarsuisarnerit nalunaaruteqartarpugut.
• Suliffeqarfigisannut akisussaaffeqarputit, aamma tamatigut piffissaq eqqorlugu suliartortarputit.
• Minnerpaamik kategori B-mut (biilernermut allagartamut nalinginnarmut) biilernermut allagartaqarputit.
• Kalaallisut, danskisut aamma tuluttut oqalussinnaassaguit iluaqutaassaaq. Ilitsersuutitut atuagaatigut tuluttut aamma danskisut oqaasertaqartuupput, taakkulu atorsinnaassavatit.

Aningaasarsiaqarnermut aamma atorfinitsitaanermut atugassarisat:

Atorfinitsitaaneq Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissut najoqqutaralugu pivoq.

Atorfinitsitaaneq qaammatinik pingasunik misilitsiffittaqarpoq.

Sulinerup nalaa tassaavoq 0700-1500. Qaammatikkaartumik ataasiarluni imaluunniit marloriarluni, sapaatip akunnerata naanerani atugaasartumik pigaartuuffigisamik sapaatip akunnerata naaneranik ingerlatsiviusartumik peqarpoq.

Atorfimmut atatillugu inissamik innersuussisoqarsinnaavoq, malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.

Malittarisassiat atuuttut najoqqutaralugit atorfinitsitaanermut soraarnermullu angalanerit akilerneqassapput.

Atorfimmut tunngasunik paasisaqarnerorusukkuit una attavigineqarsinnaavoq:

Suliassat akisussaaffigisassarlu atorfik pillugit annerusumik paasisaqarusukkaanni David Bech Dragø, attavigineqarsinnaavoq emailikkut: dbd@nukissiorfiit.gl imaluunniit oqarasuaammut: (+299) 52 46 10.

Paasissutissat allat:

Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl

Qinnuteqarnissamut killissarititaasoq: februaarip 20.-at, 2025

Atorfik una qinnuteqarfigiuk