Nukariit-nut Immikkoortortami aqutsisoq
Meeqqanut ulluunerani paaqqinnittarfimmik ineriartortitseqataarusuppit aamma ingerlatsinermik attassinermut suleqataarusullutit? Maani qanimut attaveqatigiinnerit pingaartinneqarput meeqqallu ataasiakkaat aamma eqimattaqatigiit ineriartornerat atugarissaarnerallu qitiutinneqarlutik, tassalu atorfissaqartippatigit.
Meeqqat alapernaatsut, tatituut, peqqissut nuannaartullu qanoq anguniarlugit sulissanerluta eqqartuisarnitsigut siuttuuffigerusuppagut.
Nukariit meeqqeriviullunilu meeraaqqeriviuvoq meeqqanut 120-nut, meeqqerivimmi 60-it aamma meeraaqqerivimmi 60-it, meeraaqqerivinnut tallimanut meeqqerivinnullu pingasunut avillugit inissalik. Meeraaqqerivimmi ininut tallimanut ukioqanngitsuniit pingasunut ukiulinnut immikkoortortami aqutsisussarsiorpugut.
Sulisut 29-nik amerlassuseqartussatut aalajangersagaapput aamma meeraaqqerivimmi sulisut 15-it sulisuussapput.
Meeqqeriviullunilu meeraaqqerivik Nuup illoqarfiata ilaani nutaami Qinngutsinni pinngortitamik annertuumik avatangiiseqarpoq.
Paaqqinnittarfitsinni immikkut ilisarnaatigaavut uku:
·Meeqqamut toqqissisimanermik peroriartoqqinnermillu tunniussisuuvugut.
·Meeqqamut akuersaartuullutalu assigiinnginnerinut akuersaartuuvugut - meeqqat tatitunissaat angorusullugu
·Nerisassat peqqinnartut - ukiup qanoq ilinera aallaavigalugu kalaaliminertortarneq
Naatsorsuutigaarput illit:
·suleqatinut meeqqanullu maligassiuilluartuusutit;
·meeqqat, sulisut angajoqqaallu akuersaartumik naapittassagitit;
·inussiarnersuuvutit avatangiisinnillu inissaqartitsisuullutit;
·meeraaqqerinermi suliassanik misilittagaqarlutillu ilisimasaqarluartuusutit;
·sulisut meeqqanut pissusilersortarnerat qisuariaatigisinnaavat aamma sulisunut utertitsisinnaassuseqarputit;
·meeqqat ataasiakkaat pillugit perorsaanissamik suliaqarnissat pillugit oqaaseqatigiiliorsinnaavutit uppernarsaasinnaallutillu;
·aqutsisoqatigiinnut nutaamik eqqarsartunut ilanngutissaatit taakkulu meeqqat qitiutippaat aammalu angajoqqaat meeraq pillugu suleqatissatut pingaarnerpaatut pingaartillugit;
·meeqqerivitsialammut tunngatillugu piffissami "meeqqerivimmi misileraataasumi'" timitaliillutit peqataassaatit;
·silami sammisassat pinngortitamillu avatangiiserisamik atuinissaq pingaartippatit;
·aqutsisunut unneqqarissuuvutit.
Pitsaassaaq:
·aqutsinermi misilittagaqareersutit;
·uippakajaarani arlariinnik suliaqarsinnaasoq;
·meeqqerivimmi ineriartortitseqataarusuttoq, isumassarsiannillu ingerlatitseqqittarnissat ornigalugu;
·marlunnik oqaaseqartuusutit, kalaallisut qallunaatullu, tamannali piumasaqataanngilaq;
·makkuninnga naleqartitaqarputit: Toqqissisimaneq, inussiarnerneq, ataqqinninneq, suleqatigiinneq, pinnguarneq aamma ineriartorneq;
·Sulisunik ilinniagaqarsimanngitsunik piginnaanngorsaaqataarusupputit;
·Qarasaasiamik teknikkimullu pikkorissuusutit.
Uagut neqeroorutigaavut:
·Sulisut amerlasuut inussiarnersut kiinneraartullu toqqartumik attaveqatigiittartut, naleqartitavut tunngavigalugit sulivugut tassaasut toqqissisimaneq, ineriartorneq suleqatinullu akuersaartuuneq, kisianni aamma meeqqanut angajoqqaanullu pissuserissaarlutik sulisut.
·Kommuneqarfik Sermersuup ataani sulisuunerput ilisimaarivarput, taamaattumillu meeqqanut akisussaallutik pilersuisuusut suleqatiginerisigut meeqqanut 120-nut perorsaanikkut ineriartuutaasunillu ulluinnarni sammisassaqartitsinermik suliaqarluta.
·Qiimasutut, piumassuseqarluartutut, naatsorsuutigineqarsinnaasutut, nuannersumillu eqqarsartaaseqarluta suleqatigiittut immitsinnut isigivugut.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Hansine Noahsen, oqarasuaat +299 36 69 91 imaluunniit e-mail: hrsm@sermersooq.gl
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 70-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 10.-at, 2025